دخيلكم

**المزوحي** · 09-04-09 ||, 05:09 PM

السلام عليكم

أولا ماعرفت وين اطرح السؤال ( في اي واحة ) ... وأخيرا دخلت هنيه وشوفوا شو المناسب !

من 3 أيام يوم اسير ارقد ، نص ساعه وأفز من النوم، احس بخفقان في القلب، وعقبها ماقدر ارقد

صح يمكن صارت لي الحاله قبل ( أرق ) بس الحينه غير .. حسيت بخوف ..!

شو اسباب الفزه من النوم ؟

هل هو اجهاد، وإلا سبب ثاني ؟

**ذنـيـنـي** · 09-04-09 ||, 08:04 PM

هلا المزوحي

بصراحه ما اعرف اسباب الشي الي يصيرلك بس انا اعترف باني من الناس الي ما يرقدون اكثر من اربع ساعات في اليوم
و هالشي مسببلي اجهاد دائم و نتيجه لهالشي تحصلني يوم الخميس ارقد من الظهر الين فليل " قبل شوي ناش "
و الي يصيرلي تقريبا نفس الي يصيرلك

بعطيك و بعطي نفسي نصايح يمكن تفيدنا في انه نتغلب على هالحالة

١- ابتعد عن رقاد الظهر و اذا اذا فكرت ترقد غمض عينك نص ساعه او ٤٥ دقيقة مب اكثر من جي

٢- لا تشرب مشروبات فيها كافيين من عقب الساعة ٥-٦ العصر لأنها بتخلي مخك في حالة نشاط

٣- اشرب حليب دافي قبل موعد النوم بـ نص ساعه لأن الحليب معروف انه يساعد على النوم

٤- شاي البابونج يعتبر مهدي و مريح للاعصاب و احسن وقت له هو فتره المساء و ايضا شاي النعناع "بس نعناع"

٥- في شي مهم بس للأسف اغلبنا مهملينه و الي هو اذكار الليل
اذكار الليل وايد مهمه بالاضافة الى قراءة المعوذات و اية الكرسي و خواتم سورة البقرة " من عند ( آمن الرسول بما انزل اليه من ربه ... الى اخر السورة )

جرب هالامور و ان شاء الله امورك بتكون طيبة
انا للأسف ما اسويها لذلك رقادي مضطرب

**المزوحي** · 09-04-09 ||, 09:33 PM

مرحبا بك اخويه ذنيني واغلب اللي ذكرته اسويه، ما تقصر ... وغيرنا يستفيد بإذن الله .. وتواظب انته كذلك عليه ..

الظهر ما ارقد واحاول اسير على الساعه 12 بس مادري ليش جيه استوى بي من 3 ايام

ما اشرب لا قهوة ولا كرك ولا غيره ...

بابونج صار لي فتره اشربه ...

الاذكار الحمدلله الصبح والمساء .. بس اتمنى إني ارقد اليوم براحه لأني البارحه تعبت، وهذا اثر عليّه على سيرت الدوام

**أنامل قلب** · 09-04-09 ||, 11:14 PM

لا تفكر بإنك مُجهد ،
ووقت النوم لا تشغل تفكيرك ابـ شي ..

+ ممكن قبل النوم تلجأ لأشيا مثل :
ـ حمام دافي عالسريع ،
ـ تشرب لبن اذا كان يترك فيك أثر ،
ـ البعض يحب يجهد نفسه جسديا قبل النوم
مع إني أحسه غلط !
ـ فئة أخرى يحبون يلهون عمارهم
بقراءة كتاب قبل النوم ،
بس مو أي كتاب ينقرا ابـ هالوقت !

ووو يعني من هالأشيا اللي تلاءمك ..

,

حتى اختك تعاني من النوم
بس بشكل مختلف ..

+ أخوي ذنيني ما قصر يزاه الله خير ..

والمعذره ~ ..

**المزوحي** · 09-04-09 ||, 11:23 PM

سكون ما انكر إنه بين فترة طويلة والثانيه إنه ممكن إييني أرق، وعقب ارقد، بس الفرق الحين الفزه، وعقب احس

بعمري ضايق وماقدر ارقد ، عوذ بالله من الشيطان ... و احط سورة البقرة في الحجرة .. والله المستعان