حــايــر ...و..ودك تشاور...؟

[تحفه]

^ماشفت ماركس جيكبس في دبي مول ... بس تدرين بعد الازمه الاقتصاديه والصيف بتحصلين stocks على كيف كيفج في برجمان وامرتس مول P=

[وحي القلم]

يعني له فرع في الامارات مول؟ ما جد شفته "(^^)

مشكوره يا تحفه =)

[قصايد غلا]

بعد في فستفال لهم فرع :)

[وحي القلم]

أها.. شكرا قصايد =)

[رمــش الغـــلا]

انامل

انا هـآي القصة اللي ناوية اقصها للـ عيد ..، بس مب طايعين =(

شكلي بسير وبقصها خلاص .. من عقب الصورة اتحمست اكثر لووووول ^__^

ابا شرات الصورة الشعر طويل بس القصة ويتنتف شوي من فوق بحيث يبين غليظ ...

[أنامل قلب]

^ شوفي هي القصه حلوه بس يعتمد بعد على قصج الحاليه ونوعية شعرج ،
مثلا حضرتي حاليا مثل ما قلت عن قصتي ، لكن شعري ككل قليل ما اسويه مثل ما اهو الحين [ تدرجاته قليله جدا ،
لأني كثفت القصه من فوق / فـ اممم أهو حلو لأنه غير ، بس بعد أفضل شعري قبل ،
مو لأن القصه ابها شي بالعكس القصه وايد عايبتني ، بس لأني اضطريت اقلل من التدريج بشعري ككل !

الحين قذلتي طولت عن قبل ، قبل كانت يمكن نص طولها الحالي ^^"
بس للحين لازم اسشورها "القصه" عالأغلب ..

فـ حاليا أنطرها تطول بزياده عشان أرد أقص شعري مدرج !

,

قصيتها قبل عرس وحده من الاهل ، وبالعرس ماسويتلي حركات بشعري ،
بس سشورت استريت + بف عالخفيف ، وعيبني وايد ، كان جي ناعم وسمبل ..



^ أقرب مثال أقدر أطرحه ..

يبين أعرض من فوق لأن القصه كثيفه ، وجزء منها ينرد على ورا ..
بس شعري أسود لول ^^"

[المزوحي]

حد منك جرب إن يحط رصيد سالك أو يدفع عن موبايله أو حتى عن الكهرباء من خلال حساب البنك اون لاين ؟؟

الخدمة موجوده من زمان، بس انا من النوع اللي احب اسحب كاش وادفع بالاجهزة ...

بس الحينه يوم دخلت اون لاين اشوف كشف الحساب، قلت ليش ما ادفع عن الموبايل والانترنت واعبي رصيد سالك !








حد صار له اي خطأ يوم دفع، وهل يخصمون في نفس اللحظة ؟

[العجيبة]

اقولج انامل ، يعني كيف تكثفين قصتج ؟ تسوينها شرات ما قالت رمش الغلا انه يتنتف من فوق ؟!! جي ما يخترب الشعر ؟!

تحمسـت اسوي شي بشعري .. !

[أنامل قلب]

^ لا مانتفته لول ، بس خليته غليظ = ولمن تغلظينه عالأغلب ماترومين الدرجين شعرج من ورا ..
إذا ماكانت عندج قصة ، ملامحج بتتغير وايد بعد ماتقصرين قصتج ..

حاليا شعري وكأنه قصتين ابـ قَصة وحده ، > ما اقصد بالقصه اهني الغره ..
تصير مثل مامبين بالصورة اللي حطيتها لمن يكون شعرج مسشور /
يكون مدرج بشكل واضح من جهة > وبعد ماتقصه ماترومين تردين شعرج بالجهة الثانيه ،
ولمن بتقصه لج بتاخذ كمية أكبر من شعرج من جدام ،
بحيث جزء منه ينرد عقب لورا ، ويبين جي أغلظ من فوق !
> الجزئية اللي بتردينها ورا ما تعتبر كـ شكل من القصة ..

+ بعضهم يسوون نفس الحركه لكن يخلونها أطول !

,

أقول ، مري علي ، بشلج معاي الصالون ..

[العجيبة]

الله يهديج اناااامل صدق صدق ما فهمت شي لول


بس انا ما ابا اقصه من ورااا عايبني ... لاني اخر مرة قاصتنه قبل سنة ونص القصة اللي يسمونها الفراولة في السعودية ... ثلاث طبقات وقصيييير .. والحين طوول وبعده عجيييب ...

بس من جدااام اباااا اغيـر وفي نفس الوقت اكثف مثل ما انتي تسويين لكن ما ادري كيف احس اني بلمت وانا اقرااا وصفج !!!

[أنامل قلب]

^ إي وانا حسيت جي ^^"

انزين انتي سيريلها اللي بتقص لج وقوليلها أبيه مدرج ع صوب ،
واذا مافهمت خذي صورة من الصورتين اللي حطيتهم بالفون وقوليلها مثل هالقِصه تقريبا ..!

بس اذا شعرج اوريدي مدرج من ورا وما بتغيرينه ، فلا تخلينها تكثف لج القصه وايد ،
يعني يكون معقول وحلو مثل ما يركب ع ملامحج وشعرج ككل ..

وحلو الشعر المدرج =)

[العجيبة]

هههه انامل لو قلتي جييييي من البداااايــة ....

خلاااص ان شاء الله بسيـر قبل العيــد ... نغيــر اللوك فـ العيـد ^_^

ثانكس انامــل ....

[أنامل قلب]

^ لا بس لأني قبل لا اقص هالقصه باسبوع / قصيتها عند وحده قتلها هالكلام : مدرج ع صوب ،
بس خربتلي اياه وطلع صدق بايخ ومنقع ، فرديت قصيته بعد اسبوع بس هالمره راويت المرا الصورة الاولية ، فضبتلي اياه ..

عالعموم ، تغيير القصه صدق يغير من الملامح ، فـ نعيما مقدما =)

[طفلة من هذا الزمان]

حد منك جرب إن يحط رصيد سالك أو يدفع عن موبايله أو حتى عن الكهرباء من خلال حساب البنك اون لاين ؟؟
الخدمة موجوده من زمان، بس انا من النوع اللي احب اسحب كاش وادفع بالاجهزة ...
بس الحينه يوم دخلت اون لاين اشوف كشف الحساب، قلت ليش ما ادفع عن الموبايل والانترنت واعبي رصيد سالك !



حد صار له اي خطأ يوم دفع، وهل يخصمون في نفس اللحظة ؟

انا متعودة ادفع فواتير التيلفونات واحطي رصيد عن طريق البنك بس عن طريق الفون يعني ,, أحس أأمن من النت مادري ليش ..

و الحمدلله ما جد غلطت وحطيت رصيد مثلا حق حد ثاني (جان بنقهر //رقم بصفرين حرام يسير حق غيري ) ..
ويوصلني مسج مباشرة بالخصم من الحساب


الحمدلله الدار أمــان يالمزوحــي .. انته جرب مرة و اذا بنكك من النوع اللي يرفعون الضغط و يكررون الخطوات ورقم الحساب والخدمة اكثر عن مرة يعني ان شاء الله ما تغلط .. بس انته ركز ،،

موفق خيييير ....

[مايهزك ريح]

المزوحي .. انا حسابي في بنك الإمارات .. ادفع عن طريق الجهاز مال البنك في خدمة سالك وخدمة دفع فواتير الكهربه
ويخصمون في نفس الوقت !
حمدلله ماجد استوالي شي !