حــايــر ...و..ودك تشاور...؟

[ايه احبك]

light choco you can find every where will i think tony and gay are the best in my point of view
i love matlida colors its always looks natural

[قصايد غلا]

السلام عليكم


تحفة : ممكن أعرف وين مكان "سلفا" ؟


لأنه موووول ما ناسبني حد في القص .. كلهم من يقصون شعري يا يخف يا إنه ما يطول

[رمــش الغـــلا]

تحفه .. انا سامعة عن سلفا بس مااذكر وين قالولي عنهـآ \\

..\\خبريني وين ابا اسير اقص شعري لول

[تحفه]

قصايد ورمش : في الجافليه ... تعرفين دوار برج راشد( المركز التجاري)؟ تخيلي عمرج بتلفينه وبتروحين برجمان .. لا تاخذين لفه برجمان خذي اللفه الي عقب لفه برجمان وتمي صوب اليمين وبتشوفين عمارتين إجدااااام باننهم الشيخ راشد الله يرحمه ...شي مطبعه وشي محل مال حلويات سوالف بقلاوه وجي وفي صالون اسمه سلفا علطرف ( شي واحد علشارع وواحد يديد مجابل الرمله ).... انتوا بركنو علرمله اذا ماشي مواقف جدام العماره ... بس قبل لاتروحون اتصلوا وخذوا موعد مع سلفا نفسها .... وحده لبنانيه عيوز واااااايد كيوت .. صالونها جدددديييم كل العيايز يسيرونله لول ... صارلها في دبي يمكن اكثر من ٢٠ سنه .. كانت تقص شعر فزاع يوم كان صغير P=

[تحفه]

احسن شي في صالونها هي! لول!! اما الاشياء الثانيه تعبانه -,- بس في وحده لبنانيه توها يايه من "الجنوب" تعرف تصبغ يقولون .. كل ما ادخل الصالون اشوفها تصبغ شعرها وبعدين تحط طاسه فوق راسها .... تضحكني XD
وفي وحده روسيه مادري بلجيكيه او المانيه ترسم علاظافر يقولون نظيف شغلها .... وفي وحده هنديه حلو اتسشور مايكون فلات جنه ما فيه روح .. جي يكون فيه فاليوم .. بتشوفينها شكلها عيوز وتلبس ذهب


تعرفون العالم اول مره يوم خليتها تقصلي قصتي طول الوقت وانا اشوفها تقص اقول الحين بقولها stop .. مادري شو الي خلاني اسكت ... اخر شي يوم خلصت حمدلله استانست و لين الحين اقص شعري عندها

شوفي انا بس قصتي الي سويت فيها حركه .... ماحب سوالف حركات وطبقات في الشعر انا انسانه عمليه P= ... بس اذا تبين حركات فشوفي شعرها هي ماشاء الله على عمرها شعرها حلو و مب خفيف .. وقصته حلوه ..


وهيه صح اذا بتسوين القصه اتكون قصيره اتي عليمب شوي طايره ونصها طويل وقصير .. ماعرف كيف اوصفها لوول
ولازم ما تخلين القصه تطول لان شكلها بيخترب .. فلازم كل مره يا ياخذون من شعرج ويغلظونها او العكس حسب ما انتي تبين ...

[تحفه]

يوم اقولج اتي على يمب و طايره ونصها قصير وطويل يعني تقريبااا جييي

[رمــش الغـــلا]

تسلمييييييييييييين حبيييييييييبتي تحفة عـ الشرح المفصل

وحمستييييني صدق أسيييييير

مع اني كنت قايلة ما بقص شعري هـ لفترة
بس شكلي بغير رايي لول .. =)

ثانكس حبيبتي ^__^

[شوق القلوب]

ييتي في وقتج تحوووفه... أخر مره قصيت شعري موووووووووووووووووووووووو وول مب شي.. حتى قصتي دوم رافعتنها.. ما احب شكلها..

بس للحين ما عرفت وصفج عدل... !! خاطري اسير اقصها مره ثانيه..

عن الصبغ.. ممم جربي سيري fifth avenu .. في دبي مول.. وحده صابغه عندهم و وايد عيبها شغلهم.. وللاسف يوم كنت ابا اسير .. ما حصلت الحرمه اللي اتقص.. مكانه اذا دخلتي من المدخل الرئيسي.. وين كارتير.. اصعدي الطابق الاول.. بتحصلينه ع الجهه اليمين...

[المزوحي]

تحفه من زمان كنت اودي الوالدة عند سلفا، لكن ودرتها ... تقول شايفه نفسها

...

ابغي هدية حق ولد عمره سنه، بس غير عن التعليم المبكر وتويز آر اص

[تحفه]

رمش : العفوووو ما سويت شي تدرين فالصيف وماعندي لا شغله ولا مشكله D=

شوق القلوب : نعيييما واحس اطولين قصتج اذا وايد قاصينها .. ممم ما عرف اوصف اكثر .. بس هي مدرجه من جدام وورا حركتها حلوه .. قصيره بس ماتيي علويه خاصه الحين حر وفطيسه احس مابي شي ايي على ويهي لول ومشكووور علمعلومه .. ممم تعرفين اسم الحرمه؟ يمكن تطرين الي طلعت من صالون سسترز اسمها دلفين؟


المزوحي : غريبه بالعكس وااايد متواضعه واسلوبها لذييييييييذ ... شي محل في جميرا سنتر ورا قيرارد كوفي شوب .. فيه اشيا وايد كيوت لليهال .. انا كل ما اتريا الكابتشينو ايلس اطالع من الجامه ... احللللللي شي عندهم قواري اليهال يا ربي يوم اشوفهم اتمنا اشتريهم P= hehehe

[المزوحي]

ما عرف .... الوالدة تقول هي احسن وحده تعرف تقص لها قصتها، بس الفتره الاخيره قامت تخلي البنات اللي عندها

يقصون، وعن المحل اللي تطرينه، تقصدين المجرودي ؟

[تحفه]

لا مب مكتبه ! لول مجابل جيرارد بالضبط!

مممم هي مسكينه عيزت ماتروم توقف عشر ساعات عريولها .... بس اذا طلبتوها للقص ما تردكم .. انا دوم تقصلي وتخلي الهنديه تسشورني ومرات انا اقولها مابي اسشور الا قصتي فهي تسشور قصتي :) مب خقاقه بس الحرمه كبيره يمكن استوت في الخمسينات ولا حتا الستينات .....

[المزوحي]

زين بسير اشوف المحل، تحفه.

[أنامل قلب]

للي بيقصون كذلتهم / قصيته من فتره جي من جدام ، مدرج عادي على صوب ،
بس كثفت القصه اكثر بحيث جزء منها ينرد على ورا + طرف القصه من الجهتين يوصلون لآخر الخد !





وايد تمو يقولولي متغيره / يمكن لأن كنت مطوله قصتي قبلها ..!
بس للي قصتهم قصيره دووووم ، يمكن يحبون يغيرون بشكل القصه اكثر / مثل مافادتكم اختي تحفه ..

وهذي قصة حياتي مع كذلتي الحاليه ^^"

[وحي القلم]

تعرفون إذا فتح marc jacobs في دبي مول ولا بعده؟؟

عايبتني شنطه شفتها في الموقع