حــايــر ...و..ودك تشاور...؟

[ذنـيـنـي]

افكر اسوي عملية ليزك لتصحيح النظر
و حاليا حاط في بالي عيادة في دبي اسمها على ما اظن المركز البريطاني للعيون او شي
حد جربها او يعرف حد جربها ؟

تعرفون اماكن ثانية لليزك غير مغربي و المركز البريطاني للعيون ؟

[العجيبة]

ذنينـي

انا سرت البريطاني .....

الدكتور مصري ودارس في اسبانيـــا ... بس ماشاء الله عليـــه ... عجـيـب .... يفهـمك كل شي ويقولك اذا تناسبـك العملية او لا .. او شو النوع اللي يناسـبك ...

سرت له في بوظبي وفي دبي ... وآخر الفلم ما سويت العملية ^_^ .... عندهم جهاز في دبي مب موجود الا عندهم وبعده يديد من كم شهر بس يايبينه ...

والفحص مجاني ...

[العجيبة]

وصح نسيت اقول اني سرت المغربي بعد .... بس يذلوووون الواااااااحد مذله ما حصلتششش ... اول ما تسير تبا تفحص بيقولولك بموعــد ..... والموعد هذا بعد اسبوع - اسبوعين .... ما يندرى ... وعقـب يوم ايي الموعــد ... لازم تنذل ساعتين ثلاث قبل ما تدش عند الدكتور او حتى السستر اللي بتفحص ....

انا شفتهم يسوون جي لاخوي .... سويتلهم طاف ما فحصت عندهم ....

[حلم الطفوله]

ربيعتي امسويه العمليه عند المركز الدولي بجميرا

وايد تمدح الدكتور الياس وتقول عنه شاطر

ومن فتره يسوون لقاءات وياه عالام بي سب ...

واستخير ربك وبتتسهل أمووورك

[قصايد غلا]

^ هيه صدق ربيعتي من شهر مسوية عند الياس ، وااااااايد تمدحه لأن ولد خالتها قبلها مسوي العملية عنده =)

[الـيـاه]

للي يبا يسوي مساج في مكان زين
ماشاءاله ماشاء الله Sensasia urban Spa في ذا فلج واااااايد زينين! صدق صدق The perfect place for a quick mood fix

[شمعة أمل]

افكر اسوي عملية ليزك لتصحيح النظر
و حاليا حاط في بالي عيادة في دبي اسمها على ما اظن المركز البريطاني للعيون او شي
حد جربها او يعرف حد جربها ؟

تعرفون اماكن ثانية لليزك غير مغربي و المركز البريطاني للعيون ؟

أحسن شي هي مستشفى مورفيلدز للعيون! فرع لـ أحسن مستفشى عيون في العالم موجوده في مدينة دبي الطبيه :)
في البدايه كانو مختصين في اليهال بس الحينه لـكلحد
انا من ثلاث اسابيع سايره عندهم ماشاءالله زحمه!!! وفي ناس يون من بلادهم بس حق هالعياده اذا دبي اقربلهم من لندن! وشي انواع مختلفه من الليزر ولا الليزك، يعتمد على عيونك واذا عايلتكم فيها مشاكل في النظر ولا لا
بس انا ماطاع يسويليي قالي كل شي تمام بس وايد صغيره تعالي عقب ست شهووور

بس حق أول موعد ياخذ تقريباً ساعتين :) وسنه لين ماتحصل موعد! انا حصلولي موعد عقب شهر!

واذا الليزك العادي.. ياخذ دقيقه ونص لكل عين!! < ماكنت ادري ;s

[شمعة أمل]

نوودي
جربي الـ full body scrub عندهم 3> 3> 3>

[تحفه]

للي يبا يسوي مساج في مكان زين
ماشاءاله ماشاء الله Sensasia urban Spa في ذا فلج واااااايد زينين! صدق صدق The perfect place for a quick mood fix

حتاااا فيشالاااااتهم حلللللوه !


ذنينييييي : للاسففف ماجد بسمعت الا باللي طريته ! انا خاطري اسوي بس ..... خوافه لوووووول

[قصايد غلا]

أنا بعد في خاطري أسوي العملية بس أخااااااااااااف + يوم سووا لي فحص النظر و قالت لي الممرضة ان الدكتور لازم أول يفحص الشبكية ومادري شوه

جان أقول لها مابا خلاص مابا .. مادري ليش زغت

جان أطلع من العيادة و قلت حق أميه والله ما أتم

[المزوحي]

أبـــغي آخــــذ هـــدية للعروس والمعرس .... شـــو أفــكاركــم ؟

[عفاريتووو]

بناااات حد يعرف وين اقدر احصل من هاييله في دبي

http://www.bighappiehair.com

[تحفه]

أبـــغي آخــــذ هـــدية للعروس والمعرس .... شـــو أفــكاركــم ؟

* شنط كلها عطور فرنسيه
*شنطه كلها عطور عربيه + دهن عود + مسك ( البنات يحبون المسك) + عود + دخون + مبخره وهالسوالف ...
* شنطه مخورات ومغربيات و قطع حرير .. لا تشترون وايد لان البنات مايلبسون هالسوالف احس احلى القطع في العيسائي + ياسمين الي في الضيافه او اذا من برع ...
* شنط فيها شنط يد احسن الماركات البيسك الي تعتبر من اهم الي يسوون الموضه ( شانل * ديور * hermes ) وفي ماركات ثانيه مثل فرزاجي * بوتيقا فانيتا * فندي * ماركس جيكوبز وغيره !
* شنط ذهب وسوع وجي
*شنط بيزات *كاش* P= ( شنط سانسونايت ههههه )
* شنط ملابس ماركات ..
* شنط ميك اب .. احسن شي ميك اب شانيل واستي لودر و ديور
* شنط نعول ماركه ..




تروم اطرش هالسوالف في صناديق خشب مثل مال زمن اول ... او شنط ال في
او في صناديق حلوه

[ذنـيـنـي]

حشى يا تحفة

الا بياخذ هدية حق ريال و حرمته
ما بياخذ زهبة للعروس لول

======

شكرا لكم

شكلي بسير المركز البريطاني,, يلست ويا ٣ من الشباب الي جربوه و كلهم مدحولي اياه
مشكورين على تفاعلكم =)

[تحفه]

توني اقرا معرس لوووووووووووووول


خذ لهم طقم طاوله ;)