حــايــر ...و..ودك تشاور...؟

[طير الحب]

السلام عليكم ورحمه الله وبركاته...


حياكم الله ... حبيت بس ارتب لكم المكان ... غيرنا الغرفة من زحمتها

[المزوحي]

جمعه مباركه وصباح الخير وبما إنه المكان فاضي خلوني أطلب ... :)

حد جرب الاستوديو اللي في اب تاون ؟؟

[رمــش الغـــلا]

^ لا والله أخوي ما عندي فكرة عنه .. :)

[المزوحي]

هلا رمش الغلا، بنشوف لو حد عنده فكره، بس وين الواحد يسير ؟؟؟؟ يعني في أماكن يديده مثل ذا ووك ؟؟

حد منكم اكتشف مكان .. ؟؟؟

[قصايد غلا]

المزوحي : الاستديو اللي اب تاون ما مدحوا لي إياااه

[المزوحي]

نبهتينا قصايد غلا :)

شو ناخذ حق مولود ذكر .... ؟

[حلم الطفوله]

هيه والله يالمزوحي .....

مب عارفه شوووو أشتري ....للأم وولدها !!! داير راسي ....

[رمــش الغـــلا]

امممم ... عـ الهدآيا اللي شفتهــآ واصلة حق مرت أخوي عسب البيبي

ليش ما تاخذون كلكشن بولغاري اللي ايي عطر وكريم حق البيبيز .. او من ارماني الset كامل اللي ايي الابه مع اللبس مع الجوتي والكاب ..
او العاب من التعليم المبكر وايد كانوا يايبينلها لأعمار مختلفة يعني من 0-6 مثلا ومن سنة لي سنتين :)
يعني شي يستفيدون منه ^^


اممممم ماعرف هالافكار اللي عندي...

[المزوحي]

مرحبا حلم الطفوله خذي افكار من رمش الغلا ... يبالي اشوف ارماني ... شـــكرا

[مايهزك ريح]

Mamas & papas اللي في ميركاتو ..
امسات كنت داخل ويا الأهل عشان ايدورون حق مرت اخويه لأنها جريب بتربي ..
عنده وايد اشياء ممكن اتجمعون لبسات وتحطونه في سله وتغلفونه وبعد عنده افكار زياده ..سيروا شوفوا ...

[المزوحي]

اليوم سرت Mamas & papas اللي في دبي مول ... محلهم كبير وفنان وكل شي عندهم، وشي افكار مثل ما قلت ..

بــرد أسير عندهم ..

[مــهــابه]

Mamas & papas
ويـن بحصـل آشيـا آحلـى اللـي فـ مركـاتو ولا فـ دبي مول ؟

حريـم آخـواني بيـربن جريـب وآبـآ آخذ لـهن من مكـآن واحـد ، للـبنوته وللـولد


نعدل أمبينهم منهم صغار

[المزوحي]

مهابه اللي في دبي مول مرتب ...

ماتعرفون مكان للفحص، أشوف شو اللي يناسبني من الأكل، لأنه بعض الأكلات اتعبني ... ( ما تناسبني ) ..!

[طير الحب]

السلام عليكم

حلم الطفوله...البيبي ممكن تاخدين له لعبة وملابس مثلا من بيبي شوب...والام ممكن تاخدين لها قميص نوم...شنطة ...مجموات مستحضرات الجسم...وايد افكار والله


المزوحي....روح مكتبة دبي للتوزيع شيء كتبات عن فئات الدم والاكل الي يناسبهم خ> فصيلة دمك كتيب جدا مفيد


ابا مستشفى عيون خاص ببوظبي ويعطون موعد خلال الويكند حالة مستعجلة...ممكن...؟

[المزوحي]

طير الحب: من كذا سنه سويت فحص الدم، عسب اعرف شو يناسبني من الأكل، طلع كل اللي أحبه ممنوع آكله

انا ابغي اسوي فحص اللاكتوز ...!

احس الجبن ما يناسبني ...