حــايــر ...و..ودك تشاور...؟

[دمعة شوق]

امم حد عنده فـكـره عن معهـد أو أي مكآن يـدرسون اللي ماعندهم شهادة ثانوية عآمـة
يعني مثلا يسوولهم تحديد مستوى ويدرسونهم ؟!
ويكون عندهم شهادة أول ثآنـوي

!

[المزوحي]

دمعة شوف همم معهد ؟؟ مايستوي مثلا تدرسون ( منازل ) وإذا في شي صعب تسيرون معهد يدرسكم اللي مب مفهوم

[دمعة شوق]

^
هم مايبون منازل ، يعني يبون يدرسون في معهد مايكملون ثاني ثانوي ؟
امم وضحت الفكرة
^^

[قصايد غلا]

أنسب مكان للي ما كملوا وما يبون يكملون الثنوية في المدرسة هو معهد التكنولوجيا
درساتهم سهلــــــة بمعنى الكلمة =)


===================

محتارة في شي

باجر بإذن الله بسير عند ربيعتي
و هاي أول مرة أدخل بيتها من عرّسَت
مب عارفة شو آخذ لها >.<

[المزوحي]

بــخــصوص حــلويــات الـعــيــد ( مــن ويـــن تـــقتــرحــون آخــــذ ) أبــــغــي شـــي يــديـــد ... !

[مزن هتان]

مروان بالعاده انتوا شـ تاخذون لـ سفرة العيد ؟ و من وين ؟

فوالة العيد عليّه اني اسويهم كل سنه، حق التيفور و البقلاوه
ماحب أخذ الا من يا مال الشام اللي بالطوار و الصياني تكون من عدنا
و أخذ سلتين من قصر الشوكولا عين الجمل بس
السنه قايله ان شاء ا لله تعالى بسوي اوردر من هيل و زعفران بعد =) الرياييل يحبون هالسوالف
و بطلب كب كيك من عند وحده =)
و غير اللي يسوونه بالبيت
الجوكلت على حسب انتوا تحبون شو
عندك شوكوا وراء امرتس مول و شي في دبي مول
لي شوكولا فالممزر اظن بيفتتحونه الحين و شي في امرتس مول محل جوكلت بس جوكلتهم كلش ما يعيبني
قوديفا بوافي

بعد شو ؟

[المزوحي]

هلا مزن

نحن بالعاده ناخذ من ( فــيفــل ) وشي خفيف من عند قصر الشوكلا

غالير مرات آخذ كاكاو بس ايام الفطر ماجربت آخذ شي حق العيد من عندهم

فواله مايعيبنا ، الحين إما اشوف غالير ومادري لو وافي جورميه عنده شغلات

حلوه وإلا لا ، لانه العام خذنا بتيفور من عنده مب شي حتى مخبز الحديث

أحلى ههههههههههه مال أول مخبز الحديث

من جيه سألت لو عندكم فكره ، طبعا هذا غير سوالف الفواكه والمكسرات

و البلاليط


شوكو كوا اعرفه والمحل اللي في امرتس مول تقصدين اللي مجابل اوكايدي ؟؟

هيل وزعفران وايد فروع فتحوا له

[قصايد غلا]

بنت الدلع : هيييييه هذا المحل اللي أطريه اللي يبيع الشنط و شي منه فروع وايد بس ما أعرف اسمه لووول

=========

خذت لها تحفة عليها اسم الله "حلوة للبيت" حطيتها في صينية و حولها ككاو --> هذا أسرع شي قدرت أسويه و أشتريه في نفس اليوم

بس من عقب كلامج .. تذكرت سلسلة شايفتنها في مجوهرات سمرة واااااااااايد راقية وعايبتني
شكراااً بنت الدلع على النصيحة

[مزن هتان]

فيفل، فواله و باتشي كلش ماحب من عدهم "الناس أذواق" عشان جذه ما يبت طاريهم
عن البيتي فور و البقلاوه جرب السنه و خذ من يا مال الشام اللي بطوار، ان ما عيبك أنا برجعلك الخرده

جوكلت غالر غاوي صح، و عن المحل اللي بامرتس بمول ايييه نفسه قبال اوكايدي

هيل و زعفران أقرب واحد لنا و لكم فرع اتحاد مول و ياخذون طلبيات من الحين =)

[مايهزك ريح]

نحنا ناخذ كاكاو من باتشي اللي بالبسكوت بس ولا الباقي ما يعيبهم ..

فيفل لازم كل عيد ناخذ من عندهم ..
حلويات فراس ( قطايف و مبرومه وكنافه )
البقلاوه من عند الصمدي اللي في ديره (المرقبات )
والمعمول الوالده اتسويه في البيت ..
عين الجمل من عند قصر الشوكولا وبعد ناخذ عندهم المكسرات ..
والكيك .. كيكه الفروت من جميرا بيتش .. كيكه الشوكليت من محل جاتوه ..

وبس هاللي كل سنه .. ناخذه !

[المزوحي]

مزن صح الناس اذواق ، بس عموما فيفل الميني بيتي فور او مادري شو

يسمونه يسونه أوكي حتى احلى عن اي محل حلويات ايرانيه

مايهزك ريح انا كنت افكر آخذ قطايف وهالشغلات من الحلاب لو يسون حق

العيد، بالعاده ماناخذ هالاشياء

اليوم في الدوام قالوا لي في محل في مركز الشاطي اسمه شوكليت فاكتوري

كاكاوهم حلو

[مايهزك ريح]

ها محل امريكي .. فاتح من زمان في العين .. الكاكاو ماله مب لين هناك .. جرب تاخذ شي بسيط .. يمكن ما يعيبك !

[جنون امرأة]

بليز ابي مصمم ديكور داخلي ..

يكون شغله راقي و غييير

:)

[شوق القلوب]

فيفل هذا وين مكانه.. ؟؟ وشو عنده ؟
احنا هالعيد خذنا من وافي جورميه... مب شي بس لانه كان الخيار الوحيد

الله يسامح الدريوليه و سفرهم البايخ

[قصايد غلا]

السلام عليكم

شوّاااقة : تولهناااا عليييييييج .. احس إني ما شفتج في الواحات من زمااان


فيفل الله يسلمج عنده ككاو بس ما طعمته
تمر بالمكسرات ==> حلو وايد
عندهم أعتقد بيتيفور
و عندهم زلابيا ==> تخبببببببببلللللللللل ، لأنها زلابيا راقية =P
و عندهم ميني كيك و ماكرونز
ومكسرات
و فواكه مجففة
و تحف حلوة =D

موجود في اريبيان سنتر + جميرا بس ما أعرف وين بالضبط