حــايــر ...و..ودك تشاور...؟

[مايهزك ريح]

^
مرحبا ام حمودي ..
انا متراولي في فيستيفال سيتي والرضيعه اتقول شي له فرع في مول الإمارات عاد مادري ..

[قصايد غلا]

L'occitane وين مكانه شواقة ؟
اسمحي لي صدعت بج ويايه


ما يهزك ريح : شكررررااااً فدتنا بـ ردك




La Vie en Rose أعرفه و أحيد عندهم فرع في ابتاون مردف

k lynn ==> بس في مول الامارات ؟




مول الإمارات ما أسيره دوووم

يعيبني دبي موووووول

[شوق القلوب]

مايد.. يوم قتلي عن الفيستفل.. اتذكرته اي واحد...
يمكن بس مره داخلتنه ..!

..

قصووووده.. افا عليييييييج... لا تعب ولا شي..

شو احلى من سوالف السوق عند الحريم

و المزوحي ماشاء الله ما قصر.. :)

اللي في الستي موجود عدال باريس بالاس... و اللي في الفستفل موجود في الممر اللي يوديج لماركس سبنسر بس في الدور الاول...

[قصايد غلا]

المزوحي : مشكوووووور أخويــه



شواقــة : تسلميييين حبيبتـــي .. هيه والله صدقتي "نستمتع بسوالف السوق و المشترى"

[المزوحي]

قصايد L'occitane موجود في الفستفل، دبي مول، الامارات مول، دبي مارينا مول، اب تاون مردف، بن بطوطه مول، ديره ستي سنتر

هذا اللي اعرفه

[مايهزك ريح]

اختي قصايد غلا ...موجود المحل k lynn في فيستيفال سيتي ^_^

[مايهزك ريح]

سؤال .. حد جرب يسوي تقشير للويه .. عند (KAYA SKIN CLINIC ) عياده كايا للبشره اللي في تاون سنتر !

الرضيعه تبا اتسوي تقشير عشان الحين استوى الجو بارد .. وتسأل اذا حد جرب !

[شوق القلوب]

هلا مايد..

احيد وحده من ربعي من بوظبي كانت دوم تمدحلي هالعياده... بس ماجد جربته بروحي...

[قصايد غلا]

أخويه مايــد .. مشكووور على المساعدة ، يزاااك الله خيــر



يزااااكم الله خيييييير جميـــعًــا واااااااايد فدتووونـــي



إن شاااء الله هاليومين أخلص من سالفة عزيمة ربيعتي

[المزوحي]

شوق القلوب + قصايد غلا حاضرين

مايهزك ريح على طاري التقشير الاهل يسوون في البيت مب في عياده، ومثل ماقلت الحين الجو بارد ، فينفع إنها تقشر

[نويّر]

مرحبا اخويه مايد
انا سويت فيها تقشير ابصراحة شغلهم حلو واايد

[مايهزك ريح]

مشكورين اخواني .. ^_^

[المزوحي]

وين بحصل gavottes ؟

[مايهزك ريح]

^
امسات شفته عند الرضيعه بسألك اياها !

[قصايد غلا]

المزوحي : مكوّد عندنا في محمصة بون شوا + و أعتقد قصر الشوكولا