حــايــر ...و..ودك تشاور...؟

[الموز]

نويّر انا ما أدور نفس أول نعال، من برع كشكل تمام لكن من داخل لا

مهابه أكيد يخلي المشيه احلى وتحسين بعمرج أنثى، تدرين ربيعتي تقول يوم إنها تلبس نعول سطاحيه تحس بعمرها بويه

[الموز]

تحفه مثلا عيبني هالنعال، لكن شوفي من داخل كيف منحدر هذا اللي يتعبني حتى لو ماركه

[تحفه]

الي تبينه انتي نوعين من النعول يكونون هاي هييل فنفس الوقت مب نازين من جدام .. يسمونهم

١- بلات فورم نفس هذا من لانفن .. الملكه رانيا مالت الاردن دوم تلبس من هالماركه لانه مريح



٢- ودج صندل وهذا من كرستيان لابوتان ..

[تحفه]

اذا تبين اريح بلات فورم بتحصلين في ايف سان لوران - قوتجي - ديور

اذا تبين ودج صندل و مريح ... بتحصلين في ال في + LANVIN + TORY BURCH بس مب وايد ينزلون + GIUSEPPE ZANOTTI حق الحفلات وايد احب هالماركه و ماركه MARNI


بس عموما حق المشي والشوبنغ مااااافي اريح من الفلاتس

[عهد الوداع]

ابا شي حلووو وبسيط حق صباحية العيد ):

[مايهزك ريح]

اختي تحفه انتبهي.. Tory Borch شعار الماركه الصليب .. .. !
امسات يايبين Clutch هديه حق الرضيعه .. جان اروايها انه فيه صليب .. بغت اتصيح !

[نويّر]

اختيه الموز شو جنها بويه بالعكس الفلاتس حلوة ومريحة مع اني من اللي دوووم يلبسون هاي هييلز

يعني اندر من النادر البس فلاتس بس يعيبني يوم اجوفهم لابسينها..

تحفه: حلوة الدزاينات ذوقج حلو =)

[الموز]

تحفه بشوف وين قلتي عليه، مع إنه شكله في الصوره يبين من النوع اللي ماقدر عليه وماتقصرين

[/URL]

[عمة العيم]

وين اقدر احصل هالاكسسوارات بس التقليد منها؟
لان اسعارهم مالها داعي ماتسوا
بس عايبتني فخاطري ^ـ^




اتخبل على الاشياءات الملونه خاصه السويرات

عاد الي تعرف تخبرني

[عمة العيم]

الي تبينه انتي نوعين من النعول يكونون هاي هييل فنفس الوقت مب نازين من جدام .. يسمونهم
١- بلات فورم نفس هذا من لانفن .. الملكه رانيا مالت الاردن دوم تلبس من هالماركه لانه مريح

٢- ودج صندل وهذا من كرستيان لابوتان ..

تحوف بلاج يقصون عليكم والله ها كله في شومارت تحصلينه مب لازم ماركات يعني
خخخخخخ (الحين بتقول عموه فقر) لاني انقرصت منهم هذيل كلهم خونه و حراميه و اكرههم

[نويّر]

ختيه عمة العيم

بتحصلينهم واايد في القريه العالمية

[عمة العيم]

نوير تقصدين الي في القسم الافريقي؟ لو هي... ترا مب شراتهم هذيل عندي من اللي في الافريقي

[الموز]

نفس الافكار ...! شـــو آخذ هدية حق رباعتي ( بيربن جريب ) سواء المولود ولد أو بنت

[عمة العيم]

انا هدايا الي يربن دوم اخذهم من باتشي

عندهم العاب و سوالف حلوه حق الصغاريه يعني في طقم ملاعق و صحون و قلاصات و كل شي ويا بعض في بوكس في للاولاد و في للبنات اخذ هذا و ازينه بالجوكليت و يطلع حلو وراقي

او ساعات دباديب مع جوكليت ساعات مممممم في وايد اشيا احيانا اييبون جواتي على شكل راس ارنب كيوووت

..

[مــهــابه]

^
المـوز أنـا دآخ رآسي يوم كنت آدور لاختيه آخرتهـا آسـتسلمت للآمر الوآقع وخذت لها من مامز & بابز

بس نصيحه خذيلهم شي بيسـتهلكونه وبيحتايوونه أول فتره ، انـا بعد ماخذت الأغراض قلت لو ماخذه له " كرسي يوم يحطونه ف السيـآره زين " بيسـتفيدوون منه بس مافكرت ف البدآيه ..