حــايــر ...و..ودك تشاور...؟

[تحفه]

ليش لخبطت في الHestory يا ريال .. >_<"
سلمك الله ..
اول كانوا على الليلام .. بعدين اتطوروا وسووا الصنادق .. بعدين فتح الغرير سنتر ..
والحين عاد ما شاء الله كل يوم اسمع عن مول يفتح ..
فقع استووا مب مولات
.
.
.
وآخرتها انا وانته بننظرب

اي تاريخ انتوا الاثنين فضحتووووناااا

دبي من ابوونها تجاريه .. كلها سوق .... الهنود اييبووون بضاعه ومصر ومادري وين ايبوون بضاعه... عيل ليش سموها الوصل


وعلى فكره من زمان كان عندنا دكاكين وبسطات شي مب يديد يعني

[مــهــابه]

صـريح ، مايهزك ريح :

ضحّـكتوني من الخـآطر والله


لهالدرجة تعـآنون منـآ وآحنــآ مب حـآسين بـعمـآرنــآ




المـــوز :

آنـآ الروحي آبـى افصل للعيـد ومب عـآرفه ، الآسبوع اليـآي بروح بوظبي والعـين بّدور

عـل وعسى احصل

والظاهر اني شرات كل مررره برد عند خنجي وبـ فصل


جربـي تـوشيه اللـي فـ جميرا

[قصايد غلا]

على طاري العبي .. أنا متخبلة في هاليومين بسبة هالشي


عندي لستة أرقام و لاااازم أسير أشوف هالأماكن عل و عسى ألقى شي يعيبني


و المشكلة انه أكثرهم يقولون انه خلاص ما قاموا ياخذون طلبات



اليوم سرت عند وحدة ناعتيني عليها

من يوم دخلت بيتها لييييين أحيييييييينه أنا مصدومة من اللي شفته

كل عباة عن خيمة من كثر و ثجل الشغل اللي فيها


======================


انا سويت لي عباتين بروحي حق العصر في العيد إن شا الله


بس ابا لي وحدة حق صباح العيد + حق ثاني يوم ابا عباة حلوة

[تحفه]

عند منوووو خبرييينييي.... انا ماسويت ولاشي حق العييييد .... وماعندي فكره شو اسوي =/

[قصايد غلا]

تحفة برد عليج على الخاص

[الاسطوري]

المزوحي .. انا حسابي في بنك الإمارات .. ادفع عن طريق الجهاز مال البنك في خدمة سالك وخدمة دفع فواتير الكهربه
ويخصمون في نفس الوقت !
حمدلله ماجد استوالي شي !

^
هالخدمات أحلى مافي هالبنك تروم تدفع فوايتر اتصالات ودو ومخالفات RTA وشرطة دبي وتعبي سالك وتشتري تذاكر
من طيران العربية وفلاي دبي وغيره وانت يالس مكانك وقريب بيفتحون نفس خدمات البنك نت
عن طريق الموبايل يعني وانت في السيارة تسوي كل هذا
وتخلص شغلك في نفس الوقت

[المزوحي]

زين الاسطوري بدال مانشوف الف هندي ماسك المكينه ومب طايع يهدها

[الموز]

مــهــابه خنجي موديلاته حلوه ؟؟؟ تقصدين اللي في بوظبي وإلا دبي ؟

مايربت افصل عنده ..

توشيه ما تعيبني موديلاته

[الموز]

قصايد غلا .. لو قلت ابغي عباه ساده ... بس تكون بقصات .. شو القصات الدارجه الحين ؟

[المزوحي]

عطر trish mcevoy وين بحصله في لندن ؟؟؟

هارودز - سيلفرج - هارفي

[مــهــابه]

المــوز :


تــطرين خـنجي اللـي فـ حمـرعـين ؟

جـآن هذا اللي تطرينه تـراه مب فـرع لـ خنجي اللـي فـ بوظبي والعـين

آنـآ كنت اتحراااه فـرع وروحت افصل عـنده ، الله لايـرآويج العـبـآه ، كنت مفصلتنهـا طقم لصبـآح العـيد
لـو كـآنت العـبآه ببلآش مابـلبسهـآ ، فصلـتهـآ وموووول مب حلـوه

رغـم انه انا وختيه مفصلين ، مالـت اختي كانت حلووه لكن انا ابددد ، ولا جستها

جـربي اللـي فــ بوظبي أو العــين انــآ آحب قصـآته

يمكن انتي ماتعيبج الناس آذواق

انا بشكل عـآم ادور البسيط ولكن يكون مرتـب واهم شي عندي الخيـآآطه

مـطرشين حقـي مسج قبـل فتره انهم منزلين دزاينات يديده لكن ماروحت آشوووف

ف الآخير العبي تعتمد ع ذوق البنت يعني بنات يحبون الشغل وايد وبنات يحبون الشي البسيط
فـ هي مسأله ذوووق لا أكثر

[الموز]

مهابه سمعت إنه خنجي بوظبي تفصيله حلو، لكن عمري ماسرت له ... واللي شفته الفرع اللي في برجمان

هل بيكون نفسه اللي في حمر عين !

بالنسبة للعبي اللي نفصلهن في البيوت، من غير السعر مبالغ، يقولون العباه ماتتكرر، بس أشوف الكل لابس نفس الشي

مب قصدي مابى حد يكون مثلي، دام إنه جيه برد على المحلات ...

شو رايج بفيرست ليدي ، بلودان ؟؟

بلودان ما احس عنده موديلات .. كم من عباه بس ( لكن جربتي تفصلين عنده )

[مــهــابه]

^
انـتي شـرآتي
مـآ آحب حد يـلبس شرآتي ، وآحيان تعـرفين شـو آسوي مثلاً احصل عند راعي المحل عبـآه لكن ماسوي شراتها بالظبط
اشل شي ، وآحط شي ، في محـل يبيع آدوات للعبي ف دبي مادله بالظبط وين آخذ من عنده اذا استدعى الآمر

الحـريم مثل ماقلـتي عـآدي تحصلين حد شرآتج لـكن مب كلـهن


بلــودان فصـلت مره وحـده عــنده قبـل فتره للجـــامعه ، بعد اوكـي ، حلـوو يعني

وفيرست ليدي كنت افصل عنده قبل لكن الحين موول ما اروح صوبـه

[شوق القلوب]

السلام عليكم..

شخبار الحلوييييين..؟؟؟

ممم.. بغيت آخذ شوركم...

أبا آخذ هديه.. رجاليه..

عطوني اقتراحاتكم..

ساعه.. مابا..

بزم.. مابا...

نظاره.. امم.. احس صعب الواحد ياخذها هديه...

..

أفكر بميداليه.. بس مب عارفه من اي براند أخذها...

ممم.. وشو بعد..؟؟

اي شي يخطر في بالكم.. حتى لو اشيا بسيطه.. بس اتكون عمليه للريال..

.
.
.

[مــهــابه]

^
عـليج السـلآم والرحمة

شـوق آنـآ شـآيفه ميـدآليـآت تـعرفين كيف

تـكون شرآت لوحة السيآره " صغيره " مكـتوب عـليهـآ رقم السيـآره

يعـني شرآت لوحة السيآره لكن ميداليه مصغره " حبيتهـآ كـ فكره "


يلست ادور لج الصوره اللي كانت عندي بس مب محصلتنها ،


ما ادري اذا بيعيبج ولا لا


لـيش ماتآخذيـن " قــلم " ؟!