جذه رايك يعني
المشكلة لو خذت فان بيلبسوني و بيرقدون
لول
جذه رايك يعني
المشكلة لو خذت فان بيلبسوني و بيرقدون
لول
READY !!?
صح هاي مشكله .. الموتر مريح في الرحلات الطويله عادي يرقدون ويخلونك اتسولف روحك خخخخ
انا كنت مأجر هالموتر يوم كانوا الأهل ويايه .. صراحه ما شي اريح منه ^_^
Toyota Sienna ونفس اللون بعد .. شي مكان وسيع للشنط والموتر مشاي ما شاء الله عليه ما تحس بالدرب
شوف الدبه كم اتشل .. يعني لا تحاتي الشنط
واذا ما تحتاجون الكراسي اللي ورا تقدرون اتصكونهن وينزلن تحت ويستوي ميلس ورا خخخخخخ
التعديل الأخير تم بواسطة مايهزك ريح ; 01-03-09 || الساعة 03:38 PM
ناصر هذا الفندق اللي نحنا حاجزين فيه للرحلة ^_^!!
وحاط لك معظم الـ Attraction اللي في سان فرانسيسكو
http://www.parc55hotel.com/local_att...ttractions.cfm
ان شاء الله يوم بسير وبرد .. بحطلك كل المعلومات عنه واذا هو اوكيه او لأ ..
مرحبااااااااا حبااااااااااااايبي اشحالكم علومكم كيف انتوا عساكم مرتاااااحين والكل هربان من الحر اوفففففففففف الولايتين ما عليهن كلام أصلا امريكا فيها كل شيء حلو وانت حلو خخخخخ وألي يفكر يزور أمريكا بكبره والله كبير هههه يباااااااااله اكثر من شهرين بللللللل (شهرين عاااااد) ويمكن اكثر أهم شيء يا حلووووو لازم مكان السكن يكووووون في موقع حلووووووو يا حلووووووووو ونصيحه من اخوك مجرب الله يرحمه خخخخخ ألي يزور أمريكا لازم اتكون عنده سيااااااره يعني الافضل تأجر واي استفسااااااار تراااااااني لبييييك شبييييييك عاصف بيييييين ايديك بس اهم شيء غاسل ايديك خخخخ والسموحه حبااااايبي
هلا ...ذنيني ؟
بشررر رحت امريكااا؟؟؟
الصراحه فرحت يوم شفت موضوعك .. لانه محطين فالسته امريكاا وما كانت عالبال مول
وداشه النت اخذ فكره واشوف الاماكن و احاول ارتب ... ف ياليت تفيدونيييي >< ف اسرع وقت
مب متاكده السفره بتكون شهر 1 ولا بعد رمضان .....
ولا شو افظل شهر للسفر لامريكا 3 و 4 و 5 و6 ؟؟ ( احتمال اي شهر من هالاشهر اذا ما كملت دراسه)
بغيت اعرف شو كانت خطتك للسفره
المدن الي اخترتها :
الاماكن السياحيه الي فيها :
هل المدن متقاربه من بعضها ولا ؟
واي شي يخطر عبالك من نصايح و غيره
طبعاا ابغي اكثر مدن الي فيها اكتفتي واماكن تنسار ( و الشوبنققققق اهم شي بعد ) + والمدن تكون قريبه من بعظها
واذا تعرف الفرق من بينهم بنتقل عن طريق طياره ولا سياره ولا قطار الخ
باختصاررررر اهم وابرز المدن والاماكن يعنييي الي لازم تنسار .. والي ما يسر لها جنه ما راح امريكا لول
والسموحه
.
{ LOL The Pefect thing to type when there is nothing else to Say }
لا والله ما رحت امريكا
تكنسلت السفره بسبب انفلونزا الخنازير (على اول ايامه)
و عيوزي قررت تسوي تغييرات جذرية على بيتنا اليديد و حطت فلوس السفر على فلوس البيت لول
نحن كنا بنسير ولاية كاليفورنيا
مدينة لوس انجلس و مدينة سان فرانسيسكو
و عقب بنسير فانكوفر في كندا
طبعا ولاية كاليفورنيا غنية عن التعريف و هي تعتبر من اشهر ولايات امريكا
و من اهم الاشياء فيها مدينة المشاهير, هوليوود
طبعا لوس انجلس ما يبالها كلام من ناحية الشوبينغ
الي تبغينه و الي ما تبغينه بتحصلينه هناك،، كل الخلق يتسوقون هناك بحكم انه مشاهير امريكا اغلبهم يسكنون في هالمنطقه
يعني عادي تتمشين فالسوق و تحصلين جيم كاري جدامج و شوي ولنه ويل سمث يالس في الكوفي خخخخخ
ما ابالغ, ربيعي سار هناك و يقول انه سار شارع هناك و شاف جون ترافولتا يتمشى و شاف براد بيت اليوم الي عقبه
لين الحين ما اعرف اذا بسير ولا لا, بس على الاغلب هالسنه ما بسير امريكا
READY !!?
افاااااااا النحاسه لول
كنت متكله عليك لول بخذ رحلتكم اقصد خطتكم لوووووول
يبالي اتفيج لها عدل واسوي سيرج >< هههه احسها تخوف من كبرها ومن كثر المدن الي فيها لوول
وان شاء الله خير . لحينه مب اكيد
تسلم
.
{ LOL The Pefect thing to type when there is nothing else to Say }
الوالدة عندي بعدها تبغي امريكا
و مب طايعة تتنازل عنها, على قولتها بتودوني امريكا يعني بتودوني
حتى يوم نسألها اي صوب تبغين تسيرين ... تقول ابغي الوست سايد لول
اذا سوينا بروغرام معيّن بحطلج اياه,, و اذا حصلتي شي و اكتشفتي شي يستاهل لا تنسينا p=
READY !!?
ههههههههه يالله عيل ربتوا اموركم من احينه دامها ف خاطرها ومصره عليها .......
الصراحه يبالك ادش على هالموقع و تخلييييييه فالــ فيفرت مالك .....
منتدى العرب المسافرون
كنت مرتبه رحله لااسبانيااا والبرتغال منه ..
كل شي تباه موجود ومبالتفصيل وبالصور ....
بس للاسف مارحنا البرتغال كنسلنا ورحنا فرنسا
بتحصل مواضيع شكثرر الاعضاء ما يقصرون لول مواضيع بالهبل ......
الموهيييم
شوف موضوع هالعضوه عن اورلاندو
http://travel.maktoob.com/vb/travel40905/
وها نيويورك وكالفورنيا
http://travel.maktoob.com/vb/travel80727/
و دور ع مواضيعها الباقيه حلوه ومفصله
انا ما لحقت اخلص الا 1 والباجين عالسريع لانه ما فظيت........
والسموحه
.
{ LOL The Pefect thing to type when there is nothing else to Say }
ولا تزال الوالدة مصرة تسير امريكا
آخر شي قالته انه انا بتحمل كل تكاليف السفره بس ودوني ههههههههفديتها والله
بنسير ١٥ يوم, على اجازة مدرسة اخويه, من ٢٢-٣ الى ماعرف متى (مب فايج احسب)
٩ ايام لوس آنجلس ٣ ايام سان فرانسيسكو و يومين لاس فيغاس
فكرت اخليها ٦ ايام شمال لوس انجلس - ٣ ايام سان فرانسيسكو - يومين لاس فيغاس - ٣ ايام جنوب لوس انجلس
طبعا بنكون وايد خفاف, انا و الوالده و اخويه, و ربيعت الوالدة و ولدها و بنتها و الحمدلله كلهم منضبطين جدا و مب مال تأخير
قررت اني أؤجر سوبربان او فورد اكسبدشن عشان تضم الشنط فالتنقلات بين المدن
READY !!?
يوم بتسير لاس فيغاس احجز تذكره في cirque du soleil ka ..
احلى عرض ممكن تدخله المسرح ينجل 360 درجه .. بتندم اذا ما دخلته
اقول طيران الإمارات مسوي خصومات لين 9-1 تحجز وتسافر لين شهر 6 والتذاكر مرخصينها احجز من الحين وسو الويزه .. عشان الويزه تاخذ وقت طويل بالنسبه لنا نحنا الشباب !
"Duty makes us do things well, but love makes us do them beautifully." -Phillips Brooks
زين ماشاءالله ان اخيرا ترتبت السفره هاي
الجماعه كفوا ووفوا وعن نفسي رحت واشنطن مرتين واللي هي مايخصها في مخططك ابدا يعني مثل ماقال مايد حلوه للي يحب التصوير والتوثيق لانه واشنطن دي سي بالتحديد كلها متاحف ومناطق سياسيه وفيها برج التحرير والبيت الابيض خال، في 2004 رحنا لها عن طريق لندن يعني خذنا لفه في لندن يومين وعقب كملنا لواشنطن عن طريق الطيران الببريطاني
والمره الثانيه سنة 2008 كانت الرحلة دبي نيويورك دايركت بالـ A380 وكانت تجربه حلوه لاتنسى صح الدرب حوالي 12 ساعه في الروحه بس انا ابد مامليت لان الطياره فيها وايد اشياء تشغلك وعقب خذنا طيران يونايتد اكسبرس وكان يمشي الحال بس تعبنا لان طيرانا وطيرانهم مب متفاهمين وصار تاخير من الامريكية في الرده ونحن دفعنا الثمن واضطرينا نقضي تقريبا 24 ساعه زياده هناك لين الرحله الثانيه لان الحجوزات كان فول
باختصار اذا حاب تخليها تجربه مميزه وفي مجال في الميزانية حاول تحجز على هالطياره بزنس عشان تتجنب تعب الدرب الطويل، انا بعد في خاطري ازور الساحل الغربي وامر على بعض الولايات هناك وان شاءالله نستفيد من تجربتك هذه
اظم صوتي للأسطوري
ناصر احجز بزنس لأنه الدرب لين سان فرانسيسكو 16 ساعه ..انا وصلت مشلق والشوفير وصلنا الفندق ونهار ثاني اجرت موتر ..
مع اني متعود على الدروب الطويله بس هالرحله اتهلك يبالك بزنس ..
اخيرا سرت امريكا
طبعا سرنا كاليفورنيا, اول شي سرنا اناهايم (الي فيها ديزني لاند) و عقب سرنا سان دييغو الي صدددددق عشقتها
و عقب يلسنا في لونغ بيج و عقب سرنا سان فرانسيسكو و رجعنا منها
السفره كانت نوعا ما اقتصادية و ما كلفتنا وايد, تقريبا ١٧ الف للشخص شاملة كل شي بما فيه المصروف الشخصي و المشتريات لمدة ١٥ يوم
أجرت ارمادا لأنها الوحيده الي شلت اغراضنا كلها, السوبربان كان لازم اني ارجعها نفس المكان الي استلمتها منه فما قدرت اني اخذها
و السكن في اناهايم و لوس انجلس و لونغ بيج كان في الماريوت, و في سان دييغو في الهيلتون الي صوب المينا
كانت تجربة جميلة جدا و ناوي اكررها مع الشباب في شهر ٣ الياي ان شاء الله, ناوي على rout 66 من شيكاغو الى لوس انجلس و بعدين بمر على سان دييغو و سان فرانسيسكو
READY !!?
الحمدلله ع السلامه يالحبيب
انا كان عندي سفرة لهيوستن في شهر 12 بس كنسلتهااا .. الصراحه امريكااا هالبلد الوحيد الي مافكررر ازورها طول حياتي
خخخخخ
ان مرت الايام فلم تروني فهذه مشاركاتي فتذكرونيواذا غبت فتره ولم تروني اكون وقتها بحاجه للدعاء
شكرا واحات بن دبي اداره واعضاء
الذين يشاهدون الموضوع الآن: 2 (0 من الأعضاء و 2 زائر)
مواقع النشر (المفضلة)