التجهيزات لسفرة الصيف

[بنت الدلع]

من شوي شفت ترتيبات سفرة الصيف بس مافهمت شي لول

بس الملخص المفيد ان ان شاء الله بنطير تاريخ 25/6 طيران الامارات
بنسير المانيا + النمسا + سويسرا
حاجزين التذاكر من زمان ومخلصين امور الفيزا

ان شااااااااااااااااااء الله ماتتكنسل عشان الانفلونزاااا

[المزوحي]

إن شاء الله خير، وهو مسوين ضجه بس

[الـيـاه]

والله مادري ليش العالم زايغه ... يوم الجمعة وصلت لندن مافي شي والامور طيبه P:

[المزوحي]

مرحبا الياه، بما إنج في لندن .. شو الشغلات اللي تسونها غير التسوق، وإذا كان تسوق وين يتسوقون غير عن الهارودز

والسلفرج ؟ ربيعي بيزور لندن + باريس

[الـيـاه]

المزوحي : حاليا ً بس يايتنها اسبوع وبرجع لبلاد فـ ماسوينا شي غير شوبنج + مطاعم ومشي
البنات مول ما يملون منها لول

وعن سؤالك :

في وايد شوارع حلوه حق شوبنج نفس Sloane street و bond street كل المحلات اللي فيه حلوه وراقيه
و regent street صوبه كله ماركات .. وبعد covent جاردن الشوارع اللي حواليه كلها محلات

وفالـ knightsbridge بتحصل harrods *احلا ستور طبعا ً* و harvey
وبعد في Oxford Street بتحصل ستورز اللي هو house of fraser و john lewis و selfridges ماتروم تدخل سلفردجز وماتخمه

و همممم fortnum and mason في piccadilly
Liberty في regent street
fenwick في bond stree

ووايددد

.
.
.

[المزوحي]

ما قصرتي اختي الياه على الرد، يعطيج العافيه ... حتى لو ما بتبطين هناك، بس المهم إنه عندج فكره من قبل ..

[ذنـيـنـي]

اخر كلام

بنسير اوروبا نفس العام يوم سرت ويا ربعي
بس هالمره ويا الوالده و اخواني الـ ٣

بننزل في باريس و منها بنسير جنيف و ميلان و فينيسيا و زيلامسي و سالزبورغ و ميونيخ و فرانكفورت و بنرجع باريس مره ثانيه

[المزوحي]

رحلة سعيده ذنيني ...

[لمّــاح]

مــرحبا ... ماشاءالله وايدين بيسافرون السنه

هممم بالنسبة لسفرة الصيف ..

عقب اسبوعين ان شاءالله بسير بانكوك ويا اربيعي، 3 ايام في جزر من الجزر و 4 ايام في بانكوك نفسها..

تقريبا في نهاية سبعة بداية ثمانيه، 3-4 ايام المالديف (يعني ويك اند و يوم او يومين زياده) ويا ربعي و يالسين نحجز الحين .. برد و عقب عندي خيارين يا اسير ويا اهلي يا ويا ربعي ..
اهلي لين الحين ماخططو بس احتمال لبنان ... لكن احتمال كبير اسير ويا ربعي، جنيف و ايبيزا (اسبانيا)

[المزوحي]

الجزر احلى عن بانكوك نفسها، وانا في خاطري اسير المالديف

همم لبنان ما حبيتها .... مادري ليش

[لمّــاح]

ادري سايرلها من زمان، الجزيره احتمال تكون بوكت ... لكن بانكوك لأنه عندنا شغله هناك نبا نخلصها ف لازم نيلس فيها ..

حاولت احجز عال A380 بس ماحصلت و عقب ماحجزت حصلت فيها لول

[المزوحي]

الله يوفقكم وتنبسطون هناك ....

[لمّــاح]

و عن المالديف اتصل بشرف للسفريات اطلب واحد اسمه الوكا ... هذا دايما نتعامل وياه و يسويلنا باكجز حلوين للسفرات خصوصا للأماكن الصعبه مثل المالديف و افريقيا ....الخ

عندي شباب سارو تنزانيا عن طريقه، اسميهم استانسو و بيردون يسيرون في شهر 10، و يبوني اسير وياهم .. اذا رمت بحاول انزل صورهم يوم كانو هناك ....

[المزوحي]

في منهم يرتبون رحلات اوكي ... ما تقصر لمّــاح ....

[شمعة أمل]

لندن - دبي- لندن - آييرلند - لندن - دبي p; وفي النص يمكن بارييس!


لماح
يوم سرنا بوكيت قبل خمس سنين تمينا في الـ بنيان ترييي هوتل.. كان حلو :)