التجهيزات لسفرة الصيف

[ذنـيـنـي]

خيبه طلع مب شارع واحد لول

روت ٦٦ هو الطريج الي بين شيكاغو و لوس انجلس

[مايهزك ريح]

مرحبا ناصر .. صعب تلقى فندق والبارك فيه بلاش الا اذا بتسكن برا سان فرانسيسكو !

وتعال في كذا rout 66 في امريكا .. اي واحد هذا

[مايهزك ريح]

بين شيكاغو .. ولوس انجيليس بالطياره تقريبا 5 ساعات وين هالشارع !

[ذنـيـنـي]

http://www.historic66.com/
http://www.national66.com/
http://en.wikipedia.org/wiki/Historic_Route_66

[المزوحي]

اليوم ربيعي كان يكلمني بخصوص سفرة الصيف، العام سافر ألمانيا ومر زيلامسي، دايما كان يسير شرق آسيا

قلت له يرب تسير ألمانيا مع إني مازرتها، أما سويسرا سرت لها مره وعيبتني، بيرد يسير ألمانيا ومخططه السنه سويسرا

[مايهزك ريح]

^
سويسرا الحين انظمت للشنجن فما يحتاج ايسويلها ويزه روحها !

[المزوحي]

زين عيل ...

[الـيـاه]

اليوم رديت من الجزيره
بصراحه بصراحه يعني بصرحه لول ماتوقعت Krabi تكون روعـــــه جي ! ليفوتكم نص عمركم ;)
لازم تسيرونها بس اتمون فيها 3 ايام بالكثير 4 لانها وايد هاديه وحق استرخاء وتنفع وايد لكبلز

اللي بيسير يسكن في هذا الريزورت لانه وايد وايد حلو اسمه Rayavadee Resort اغلى عن الباجين بس تشترون راحتكم

http://www.krabi-hotels.com/rayavadeeresort/rooms.htm

كوخنا الكتكوت







هني يوم سرنا Fishing trips + Swimming





يوم الـ Scuba diving + Kayaking



واليوم الثالث تسيرون spa وتسوون يوجا + مساج + جاكوزي باث
وعلى كيفكم لو تبون تغيرون الجدول ;)

[المزوحي]

الحمدلله ع السلامه ومشكورة على النقل اختي الياه ...

[الـيـاه]

^الله يسلمك ، ولوووووّ ;)

[ذنـيـنـي]

شكله موضوع امريكا بيتكنسل
يقولون انه مرض انفلوانزا الخنازير منتشر في امريكا لدرجه انهم اعلنوا حالة الطوارئ الرسميه في بلادهم

و المرض على حسب الي فهمته معدي و قاتل !!

[المزوحي]

الله يبعد عنكم الشر ذنيني، مايسوى تسافرون .. ! شوفوا لكم بلاد ثانيه ...

[مايهزك ريح]

ناصر شو رايك نتلاقى في ميونخ ^_^!!

انا ناوي على ألمانيا السنه شبعت من سويسرا ..
بس ابا اسوي رحله بحيث اني احوطها بكبرها من الشمال إلى الجنوب ..و ما اخلي في خاطري شي !

الله يسلم ولدنا بعده ما رد من امريكا >_<

[ذنـيـنـي]

مايد

حاضرين p=
لو تفججت من سفرة الاهل صدقني بسوي العجب هههههه p=

[مايهزك ريح]

يالس افكر انزل في هامبورج ..ومنها انزل لين ميونخ وعقب ارد دبي ..
وامر على برلين - دريزدن- ديسيلدورف- جارمش ..