التجهيزات لسفرة الصيف

[المزوحي]

احسن خلهم يسيرون وتردون ضربه، لأنه مابتقدر ترد وهم هناك ، عن تنقهر ..

وإن شاء الله تنبسط

[المزوحي]

صدق تذاكر السفر رخصت ؟؟؟

وشو عن لندن ، هل السكن ارخص حاليا ؟

[ذنـيـنـي]

اليوم سرت سويت مقابلة الفيزا في السفارة الامريكية
الحمدلله الامور كلها كانت متيسرة و الفيزا ان شاء الله بتطلع هذا الاسبوع

=======

اخر خطه رسينا عليها هي
10 ايام في لوس انجلس
10 ايام في سان فرانسيسكو و ما جاورها
10 ايام في كندا, فانكوفر

و الرجوع بيكون من سياتل

[المزوحي]

رحلة موفقه ذنيني

[الـيـاه]

لين الحين ماعرف بالضبط وين بسير فالصيف XD يوم بتأكد شو بيستوي بخبركم ان شاء الله ..

بس فنص هالشهر بسير 4 ايام جزيرة في تايلند اسمها Krabi حق ريلاكسيشن مساج وسبا وسباحه...الخ
قريت عن المكان طلع وايد حلووو فيه خصوصيه
كنت متردده الصراحه لانه كلهم اول مره يسيرونها بس عيبتني عقب

برجع وبدرس عدل عشان شهر 5 يوم اجازة الجامعه مال الامتحانات بسير لندن لوول بس سفرة الصيف للحين ماااعرفففف شي!!!!

[مــهــابه]

هـالصـيف بـنسيـر " فينـا " ان شاء الله مـع أبـويه بـدون امـايه

بخلـص امتحـآنـآتي تـآريخ 13 وآبـويه بيطلع اجازه تـآريخ 1 - 7 وبـنسيـر 15 يـوم تقـريبـاً ..



احس مب شــي ، نسير 3 بنـآت وابـويه بس ..

[مايهزك ريح]

انا ان شاء الله اخر الأسبوع ساير سان فرانسيسكو .. وبوافيكم بآخر الأخبار من هناك ^_^!!

والصيف كل شوي يغيرون رايهم !

[المزوحي]

الياه نايس الصراحه ... وبما إنج خبيرة لندن شو رايج بمانشستر ( تشد سايرتلها ) ؟

مهابه ( انجوي يور تايم )

مايهزك ريح ... كيف بتخلي رصيد الاجازة حق رحلة الصيف :) المهم ( انجوي )

[الـيـاه]

^المزوحي : سرتها من زماااااان .. اذكر اكثر شي ستانست فيه هو حديقة الملاهي تون تور تجنن
بس هي جي بلاد ريفيه يعني وكلها طلاب جامعات .. ووايد هاديه


لندن حلاتها انها حيّه وكل شي عدال بعض

[ذنـيـنـي]

المزوحي لو عندك اي استفسار عن مانشستر لا تتردد
اخويه يدرس فيها و بيجاوبك على اي سؤال

[المزوحي]

الياه، الناس ما تسير لها سياحه كثر لندن نفسها، بس اللي اعرفه إنه ربيعي يقول ربيع اخوه هناك يدرس

ذنيني تسلم ... لو انته عرفت اي شي عن طريجه لا تبخل علينا

[الـيـاه]

^هيه ترى قلتلك كلها طلاب لانه جامعات زينه هناك نفس جامعة مانشستر .. وباقي الاشيا اللي فيها وايد جي
قوم مسارح وهالسوالف!! ما تعيبني وما احس وايدين يسيرولها سياحه

[ذنـيـنـي]

الحمدلله طلعت فيـّز امريكا بسررررررعه ما تخيلتها
سوينا المقابلة يوم الاحد و سألونا كمن سؤال بدون غلاسه او ثقل دم
ثاني يوم اتصلوا فيني امبوست و قلتلهم انا في نفس مبناكم بس الطابق الي تحت هالتولي اياها هناك لول

و يوم الخميس حجزوا تذاكر على الفرنسية لأنهم حصلوا خصم حلو لفتره محدووووده و فرق السعر قراب الف و ثمانمية على التذكره الوحده

[مايهزك ريح]

^
ذنيني .. اقولك .. ما تحتاج تاخذ موتر من المطار اذا انته بتي دايركت على طيران الإمارات لسان فرانسيسكو ..
الفندق اللي انا فيه parc 55 فيه تأجير سيارات وانتبه انه الباركنج يكلف تقريبا 50 دولار لليوم الواحد في سان فرانسيسكو ..
فلا تأجر موتر إلا اذا تحتاجه انا لين الحين ما خذت موتر لأني في نص البلاد وكل شي عدالي ..
يالس اتمشى في الأماكن القريبه لين الويكند عقب باخذ موتر لأنه صعب تحصل بارك !

واذا بتي دايركت لا تركب إلا البزنس على الأقل لأنه الدرب وااااااااايد طويل 16 ساعه ..
واذا تبا معلومات ازياده ..انا حاظر ^_^

[ذنـيـنـي]

هلا مايد

لا نحن بني على الفرنسية
بننزل ترانزيت في مطار شارل ديغول

و بننزل في لوس انجلس و عقب تنقلاتنا بتكون بالسيارة لباقي الاماكن الين ما نوصل فانكوفر
فـ السيارة شر لابد منه

بنحاول ندور فنادق فيها باركات لأنه حرام ادفع 50 دولار على بارك عن كل يوم
يعني لو بيلس 10 ايام بدفع 500 دولار لول
جيمت نيكون دي 60 p=


بسألك مايد
روت ٦٦ وين مكانه rout 66 خاطري اشوف هالشارع الي يقولون انه كل سباقات