التجهيزات لسفرة الصيف

[المزوحي]

بالنسبة لانترلكن ( سويسرا ) منطقه هاديه، بس ماتقدر تيلس فيها وايد

[ذنـيـنـي]

كنسلوا الكروز اليوم
طلع وايد وايد مكلف لأن الغرف العادية خلصت و ما بقى غير الغرف الي وايد VIP لول

احتمال كبير يأجلون الكروز للسنه الي عقبها و يحجزون من اول سنة 2010
عشان نحصل الغرف الي نباها

بالغرف العادية بيطلع الشخص الواحد بـ ٢٥ الف تقريبا
بالغرف الي بقت الشخص الواحد بـ بخمسين الف تقريبا
يعني خمسين في ٥ ميتين و خمسين الف عشان نركب لنج و يودينا ١٣ يوم p=
يخسون والله لول


الخطة اليديده هي انهم ناوين يسيرون جنيف اسبوعين
و عقب صوب لوزان و زيورخ اسبوعين

طبعا بتغير رايها الف مره بس عادي بقولكم عن كل مره تتغير فيها الوجهة عشان ازيد من الافكار في الموضوع p=

[المزوحي]

اشكرك اخويه ذنيني على التفاعل، صدق استانست من ردك يوم قلت

( بس عادي بقولكم عن كل مره تتغير فيها الوجهة عشان ازيد من الافكار في الموضوع )

لأنه لو تميت لين قبل ما تسافر بأيام، ما كنت بترد على الموضوع، مب مشكله لو تكتب شو اللي مفكرين فيه، وعقب

تتغير الخطط ...

تسلم ذنيني ...

[ذنـيـنـي]

افا عليك يالمزوحي
اصلا انا احب اي شي عن السفر و استانس عليه

[شمعة أمل]

ذنيني يوم تاخذون كروز تأكدوو انكم تاخذون واحد صح.. لانه في ناس نعرفهم سارو وآخر شي طلع انهم على كروز شياب وعيايز :s


من ناحية عايلتنا لين الحين مافتحو الموضوع.. بس أكيد لندن!

[المزوحي]

شمعة أمل ( أكيد لندن ) في القايمه والبلاد الثانيه ماتعرفون وين !! بس المحطة الاصليه لندن ..

خبرينا عن لندن شو تحبين فيها ... !!

وإذا تعرفين عن محلات Primark هل فيها شي يستاهل ؟؟

[شمعة أمل]

ممممم الصراحه ما جد سرت برايمارك:s .. بس الى اعرفهه انه محل كله يبيع اشياء رخيصه وبحسبة (سناء) الى في دبي

[العجيبة]

أنا ابااااا اسيـــر السعوديـــة ... أرخص وأحلى بلاااااااد فالعاااالم لول

[بحر الموده]

سلام عليكم ورحمة الله وبركاته
موضوع فى محله ويشوقنا فى شىء اسمه السفر
انا السنه بسير الفلبين ان شاء الله وتقريباً بيلس هناك 20يوم بكون فى مانيلا العاصمه فى حى مكاتى الراقى
وبزور جزيرة ليتى وتكلوبن وسمر وبورقاى وسنتانا .. ومنطقة باجيو وطبعاً بتكون ثانى رحله الى الفلبين
وبالحياه لين هاك اليوم وشكراً على الموضوع الحلووو
سلامت سا

[المزوحي]

شمعة أمل ،،، يمكن لأنه محل كبير ويبيع وايد شغلات ... مـــادري كل شي جايز ..

العجيبة الله ايسر لكم ..

بحر الموده مرحبا ... الله يطول بعمرك و يبالك تقرير عن الفلبين ...

[مزن هتان]

80 % هـ الصيف أقعد مع اخواني بالبيت =( شكلي يحزّن

ابوي و امي و خواتي راح ينزلون بانكوك امي و ابوي رايحيين قبل بس خواتي لأ

[المزوحي]

مزن هتان ليش ما تكون رحله عائليه، اقنعيهم ...

[مايهزك ريح]

نحنا لين الحين الجماعة متفقين يسيرون كلورادو - امريكا >_<
ويمكن يتمون شهر ونص ..
اذا في اي تغيير في الخطه بسويلكم update ^_^!!

[المزوحي]

ربيعي يقول امريكا حلوه، بس شهر ونص مب وااايد وإلا وناسه، وشو عنك بيعطونك إجازة طويلة ؟

[مايهزك ريح]

^
شهر ونص وزين اذا يمديهم ايخلصون مشاري >_<....
لأنه كلورادو وايد فيها اماكن ونحنا من زمااااااااااااان ما سرنا لها !
من ناحية الإجازه فأكيد بسير وياهم وبرد قبلهم لأنه ما بيعطوني اجازه هالكثر .. اصلا رصيدي ما يغطي ..
او يمكن ايسيرون قبلي وانا الحقهم ^_^