بلاك بيري !!!

[المزوحي]

البارحة 2 من ربعي في الدوام خذوا بلاك بيري، الأول بولد والثاني كيرف .

[عاشقة دبي]

اكرررره موبايل عندي بلاك بيري

وها رااي ^^


...

[رمــش الغـــلا]

!!!!*

[قلوب دبي]

الكيرف عندي من سنتين ..
من ايام الجديم و عقب غيرته عاليديد ..
و استخدامه زين وجيد ويمكن النت شوي ابطئ عن البولد بس بشكل عام يهمني حق ايميلات الدوام ..
احس انه زين و عملي و انا ما اداني البولد احس حجمه شويه كبير ..

الجهاز بشكل عام نفاع ..

[مجموعة إنسان]

اكرررره موبايل عندي بلاك بيري
وها رااي ^^
...

اوااافقج وبشده وقوة وبعصبية بعد

[رمــش الغـــلا]

كل حد ورآيه !!
والواحد ما يروم يحكم عـ الشي الا اذا استخدمه وجربه !!

===

[عاشقة دبي]

اوااافقج وبشده وقوة وبعصبية بعد

يا حيييك والله في حد واقف في صفي ههههههه

[ذنـيـنـي]

التيلفون في اول ايامه كان حلوو و صدددددق ادمااااااااان للأسف اغلب الشباب الي يستخدمونه يستخدمونه بدون عقل و انا اعترف اني مرات اكون من هالشباب، يعني 24 ساعه عيونهم فيه حتى يوم يسوقون لول,، صدق الحاله صعبه و جديا قمت افكر اني اكنسل الخدمه لولا انه عندي صديق عزيز خارج الدولة و احب اسولف وياه و البلاك بيري اسهل طريقة للتواصل معاه
وو
للأسف

[ذنـيـنـي]

شو هذا الي كاتبنه آخر شي لوول،، ردي كاتبنه بالبلاك بيري فالدوام و ما يستوي اعدل على ردي >.<
فايده من فوايد البلاك بيري

[قلوب دبي]

صبحك الله بالخير يالنعيمي ..

ناصر هههههه حاولت ادخلت من البلاك بيري ما طاع يدخلني عالنت ما ادري شبلاه قالي مرحبا يا قلوب .. مادري خرف جهازي ..

على فكره العيب اللي انا انتقده وبشده في البلاك بيري هو الاشاعات و تجتيل خلق الله .. والا النكت اللي هي اكثر من اللزوم اللي تطرش و السخيفه منها وخاصه المتعلقه بالدين ..

بالاضافه للاحاديث او الادعيه اللي فيها اخطاء .. الله المستعان ..

[ذنـيـنـي]

صبحك الله بالانوار يالشامسي
تجتيل خلق الله اكثر شي يرفع ضغطي يا بو غنيم

ميحد حليله جتلوه اربع مرات
اصاله مرتين
مره وصلني مسج جتلوا شيخ ما ادري من وين طلعوه اسمه محمد بن منصور بن زايد و عمره ٢٥ سنه
قلتلهم بارك الله فيكم, عيل الشيخ منصور ميوزينه من يوم عمره ١١ سنه لول

و اكثثثر شي يقهرني هو يوم حد يرمس كل حد بالبرودكاست مسج
مرات يوصلني مسج على هالطيحه,, هابي بيرثداي توتو و سوسو و نونو و عظم الله الجرج توته و مبروك التخرج سوسه و نونو بنسير السينما تعالي ويانا, ها كله في مسج واحد لول,, لا يسير بالكم بعيد هاي وحده وياي في الدوام و للأسف انها مستغله البلاك بيري مالها في اشياء غبية جدا


و اخيس شي يوم تيلس ويا شباب عندهم بلاك بيري و يكون عندهم نقاش حامي على البلاك بيري >> ترى مجموعه انسان موووول ما يعاني مني يوم نطلع رباعه و اضطر اني اناقش حد على البلاك بيري لول


الله المستعان يا بو غنيم

بس انا لو ما كان عندي ربيعي و اخويه الي يدرسون في لندن جان ما خليته وياي
وايد اوفر

[دهن العود]

~ِْ

هههههههههههههه
دنيني //*

دمعت مـن الضحكـ هههههههه
كـل حـد عنـده (بي بي) P: >> حرة على قلب نـآس ^^
لآزم يعـآآني مـن هالشـي يجتـلون فـ الخلق ع كييفهم
ودآآم عنــدكـ بنييـه عييـل تحمـل البـرودكـآست اللـي بيوصلكـ لوول
إذآ نحـن بينـآ البيـن نتكـلم ونقـول عـن الاشـآعـآت والنكـت اللـي تخص الـدين !!
قويــه صـرآآحه .. بـس مـآشي فـآيده شو بنسسـوي !

ولولآ ان الفـون مفيـد فـ وآيـد اشيـآ وخـآصه للمـسآفرين
مـآكنـآ خلينـآه ويـآنـآ جيـه واستخدمنـآه اكثـر عـن الفونـآت العـآديه




~ِْ

[رمــش الغـــلا]

أانا قبل لا آخذه كنت انتقده وآيد .. بس من رايي الواحد ما ينتقد الشي الا عقب ما يجربه !

عقب ما جربته مش اني ادمنت عليه .. لا بالعكس فادني وايد واقدر واتواصل ويا الاهل اكثر عن قبل

قبل كانت حتى المسجات منقطعة بينا بس الحين لااا طول الوقت انكون in contact وياهم ..

لكن هذا مب معنااته اني اتمشى فالسوق والا يالسة ويا الخلق ومطنشة الكل واجابله !
لا

كل شي له وقته .. الا في حال عندي صدق شي مهم ما يتأجل هاييج الساعة هي برمس شوي وبحطه فالشنطة
مايحتااي اقبضه فايدي واتم اتمشى فيه !!

في شي صدق احس فاادني فيه .. يوم اكون في ورش عمل والا ميتنق ويا بنات يداد وجييه ..
كنت من النوع اللي ابا اتواصل وياهم بس صعب اعطيهم رقم فوني على طول !
لكن الحين لاا .. اعطيهم الpin مالي ..، ويتم التواصل بينا موجود =)

[المزوحي]

2 من ربعي اللي في الدوام يوم خذوه من أيام .. واحد قال باخذه لأنه الكل عنده وربعه مطنشينه !

بس عني أنا لو قدري على البلاك بيري ما باخذه من الأساس، يعني غصب اشتريه عسب يتواصلون ويايه

والثاني ما أشوفه ماسكنه طول الوقت .. يمسكه يشوف في شي ( مسج .. الخ ) ويحطه




يعني يستاهل إني آخذ لي واحد

[خيال الروح]

الحمدلله ما عندي B B
ولا افكر اخذه ..

: