بلاك بيري !!!

[خيال الحب]

السلام عليكم

ممكن حد يعطيني نبذه سريعه عن هالموبايل والخدمات الي فيه .. لانه كل حد يقولي شي


انا الي ابا اعرفه .. هل يفتح المنتديات العربيه

يفتح الالعاب الاون لاين مثل ترافيان وهالسوالف


سؤال صغيروني بعد

اقدر اخزن عليه كتب الكترونيه؟

[بنت الدلع]

بقولك الي اعرفه عن البلاك بيري
تقدر تجيك ايميلك ويييين ماتكون وبدون ماتحتاج للانترنت

[المزوحي]

أخويه يمدحه ومليون شخص ثاني مامدحوه لي، وعاد انته شوف الحين ...!

[الـيـاه]

حلوو!
بس لو انت من النوع اللي وايد ترمس فالموبايل .. بطاريته تفضي
يعني ممكن تخليه كـ موبايل ثاني

هممم كل الناس ياخذونه عسب سالفة البلاك بيري مسنجر .. يعني بين بلاك بيري مالك وبلاك بيري الشخص الثاني
احس يفيد اكثر لو نص ربعك عندهم بلاك بيري ...

هيه يفتح المنتديات افتح فيه الواحات

اقدر اخزن عليه كتب الكترونيه؟
ماعرف شو يعني كتب الكترونية لول

[شمعة أمل]

مرحبا

نصيحة :
لاتاخذ الـblackberry bold .. ليش؟ لانه في كم من خلل بس مايخبرونك هالشي الى عقب ماتتبهدل والمشكله شركات الاتصالات مايرومون يسون شي لانه خلل فني

شو المشكله
في كل بلاك بيري البطاريه مب لين هناك.. بس انا احس البولد اخس شي
- البولد تليفون مزااااااااااجي وايد.. كل ما يجدم يتحسن.. بس في البدايه مأرف .. في البدايه مزاجي في المسجات العاديه.. بس بعدين يتحسن وبيكون مزاجي في الـ mms .. والارسال فيه كجره.. مزاجي متى ما يبا يقبض الارسال! انا تليفوني دوو مب متبهدله كثر ربيعتي الى اتصالات.. هيه وحليلها رايحه فيها لازم تشل تليفونين وياها
- الشي الوحيد الى مافيه مشاكل هو البلاكبيري مسنجر! في هالشي توب! اما باقي الاشياء مب لين هناك
- تقدر تدخل منتديات عربيه منه
- تقدر تنزل العاب
- ماعرف اذا تقدر تنزل كتب الكترونيه ولا لا.. بس اتوقع تقدر


نصيحتي
البلاكبيري حلوو.. لانه عملي وايد! خصوصا البلاك بيري مسنجر.. هذا اهم شي! والحلو يوم تكون ملان وانت طالع تقدر تدخل النت منه! ولا تجيك ايميلاتك.. الخ
وسالفة البلاك بيري مسنجر.. انه محد يقدر يخدعك.. خصوصا يوم تشتغل.. لانه يقولك يوم حد قرى المسج ولا لا.. فـ محد يقدر يقولك والله سوري يا خيال ماوصلني المسج انك بتغيب اليوم فـ انت مطرووود p;

بس البووولد عورلي راسي >_<

[المزوحي]

شو عن بلاك بيري ستورم ؟

[صريح]

الـ curve وبس

[المزوحي]

صريح إذا عندك الكيرف خبرنا عنه ...

[المزوحي]

ابغي آخذ بلاك بيري، آخر شي بشو تنصحونا ؟؟؟؟

[رمــش الغـــلا]

أختي واخوي عندهم البلاك بيري البولد .. وحلو بس يقولون وايد يفضي الجرج ><!

[ذنـيـنـي]

كان عندي بلاك بيري بولد و استعماله حلو
افضل من الكيرف في شي واحد بس !!
الفرق بينهم انه البولد يدعم شبكه ٣ جي و الكيرف ما يدعمها
و للعلم شبكة ٣ جي عندنا في الامارات اقل ما يقال عنها انها زباله و انتوا بكرامه

لذلك انصح بالكيرف و الحمدلله ٢ من الي اعرفهم خذوه و مرتاحين منه وايد
و انا بعد ناوي على واحد من عقب البولد



الستورم لا تفكر فيه لأنه بالمختصر زباله
مجرد تج سكرين و مافيه مواصفات
حتى اقل المواصفات و الي هي دعم الوايرلس نتوورك مب موجوده فيه

بولد او كيرف مع الافضلية للكيرف طبعا

انا اول ما خذت البولد كل حد قالي لا تاخذ كيرف ولا تاخذ كيرف و و و و و الين ما اقتنعت بان البولد افضل
لكن عقب اكتشفت بان البولد زين لكن الكيرف ما يقل عنه في شي و خاصة اني كنت استعمل شبكه ٢ جي


توكل على الله و خذ الكيرف =)

[المزوحي]

رمش الغلا إذا يفضي يجوز احط رقمي الثاني مب الاساسي ...






ذنيني الكيرف موديلات له وإلا نوع واحد عندنا، وناخذه من اتصالات وإلا من اي محل ؟

[رمــش الغـــلا]

^

بس شرآت ما قال ذنيني صح وايدين خذوا البولد ..

بس انا لو فكرت في يوم آخذ بلاك بيري ..

ما بتردد اني آخذ الكيرف =)

[ذنـيـنـي]

شي موديلات قديمة

اليديد هو curve 8900
شرات الي صريح حاط صورته

بالنسبة لسؤالك عن مكان الشراء
بصراحه ما ادري‘ شي محلات تبيعه بدون ضمان و فرق السعر يوصل الى 800-900 درهم
الي من الاتصالات مع ضمان و بالنسبة لي شخصيا افضل اني ادفع زياده و احصل الضمان
بس انته اذا الضمان ما يهمك وايد شوف محل في السطوة اسمه الجسمي
يقولون انه اسعاره ممتازه بالنسبة للبلاك بيري

[المزوحي]

الحمدلله إني ماخذت البلاك بيري، من كثر ما الكل عنده كرهته

صح إني مابحكم العالم انا، بس اشوفه بشكل مبالغ، حتى الواحد مايكون مميز