طابعة للكيمرا

[ريم العين]

السلام عليكم ورحمه الله
ممممممم
من العنوان ابا اشتري طابعه لكيمرتي
وطبعا حليلي ماعرف شي بسوالف الطابعات
قولولي عن الطابعات وشو احسن طابعه
اترياااكم

[ذنـيـنـي]

Epson هي الخيار المفضل للمصورين في كل مكان
ايضا HP l ممتازه


اهم شي تختارين نوعيه جيده من الورق ولا تاخذين أنواع رخيصة
الورق الغالي جودته عالية و امتصاصه للحبر جيد، الورق الرخيص امتصاصه للحبر تعبان

[ريم العين]

اوكي بشترييها
بس كيف اعرف الاوراق
يعني انا احيد يوم سرت المكتبه قلتله عطني ورق اللي يطبعون فيها الصور وعطاني
يبالي ادور بالورق بعد
^^ ثاااانكس ذنييينيي
انت دوم تنفعني
حتى باختيار الكيمرا لاني اشتريييت الكيمرا اللي قلتلي عنها CANON G9
بس حليلها كيمرتي بوديها المحل
لانها طاحت فالدري من شهر وتعورت وحتى احين ما وديتها

[ريم العين]

طابعة ابسون اي نوع
لاني وانا ادور فالنت عنها طلع لي انواااع

[شوق القلوب]

السلام عليكم..


سبحان الله.. انا داخله اليوم عشان اكتب نفس السؤال.. !!

..

وشو عن طابعات canon... مب زينه..؟؟

و اي نوع من الابسون ؟

[مجموعة إنسان]

http://www.alriyadh.com/2005/11/06/article105912.html

[ملاك الروووح]

وعليكم السلام ورحمة الله وبركاته


أنا خذت لي طابعة HP

وذليتهم ذل .. طبعت صوري كلها ..

وحاطتنها في الحجره

مستانسه على عمري هع

:

الاوراق آخذها من كارفور .. ما كان شي غيرهم

سو ما كان عندي خيارات ثانيه !

بس الكواليتي مالهم وايد أوكي والصور واضحه !

بس افتقرت الحبر بسرعه يخلص

[ذنـيـنـي]

خذي الي يناسب ميزانيتج

شي انواع مثلا تطبع باحجام كبيره A3+
و شي انواع للـ A4

اتوقع الـ A4 مناسبة


بشكل عام اغلبهن مستواهن ممتاز
خذي الورق من نفس الماركة

خذي اوراق من HP ولا Epson

[ملاك الروووح]

^

الـ إيه 4 اللي يكون بحجم الصور العاديه ؟

لأني أحس هاي أنسب شي ..

خاصه اذا بتحط الصور في الالبوم وجيه ..



:

بنات اختي حاشريني توني صورتهم ويبوني أطبع صورهم الحين ..

يبالي آخذ منهم بيزات هع هع

[العجيبة]

A4 يعني حجم الورق العادي اللي نستخدمه في كل شي ....


حلو .... انا بعد بتخبل وبشتري طابعة واطبع صوري واعلقهن في الحجرة > خخخخ عيبتني سالفة ملاكووه

[طير الغرام]

انا من فتره جفت طابعات سوني حسيتهم أوكي وفيهم خيارات تعديل الصور
وسوالف الـ calendar والبراويز
بس ما أعرف مميزاتهم عدل
مقارنه بالـ HP والـ Epson

عن نفسي ما أطبع وايد ،، نادر وإذا طبعت اطبع بالبرنتر مالت البيت
HP Photosmart C5283 All-in-One
وأستخدم أوراق HP Semi- glossy
والسايز العادي 10 في 15 سم

=)

[ريم العين]

عيبتني طابعة Epson WorkForce 600
لاسلكي وايد حلوه

وها موقعها وان شالله بشتريها
بس وين احصلها الله اعلم شكلي بدور وايد

http://www.printercomparison.com/default.asp?newsID=382


وتسلموون عالرد ماقصرتوا ^^