'{Sнŏppįηg ~

[مايهزك ريح]

الله يبارك فيك مروان ^_^

[ذنـيـنـي]

بنات منو تفصل عند داس كوليكش هن مصممات هنتين خوات
شفت وحده منهن في احد المصانع تسوي اوردر عبي يعني سعر المصنع ما يزيد عن الالف و هم يبيعون العباه مب اقل عن 4000 مب حرام استغلال الناس يعني زيدو 1000 او 500
مب اضعاف اضعاف السعر و 4000 اقل شي عندهم

تعرفت على تاجر هندي عنده محل عبي في ابوظبي
قالي انه اييب العبي من برع بتكلفة ما تتجاوز ٨٠ درهم للعباة الوحده
تصوروا ٨٠ درهم !!!

يقول يوم عرضتها للبيع بـ ٣٠٠ درهم للحبة محد خذها في محلي الصغير,, فـ قرر انه يفتح محل كبير بواجه فيها شوية رخام على شوية اثاث مذهّب و ياب الستاف الي عنده و فصللهم بدل في مصانع الثياب بسعر ما يتجاوز ١٠٠ درهم للبدله و قام يبيع العباة الوحده بـ ٣٠٠٠ كـ اقل سعر و قال انه الشعب الاماراتي ما يثق بالمنتج الا لو كان سعره غالي و خرافي


حتى لو تلاحظون في محلات المجوهرات بالذات و خاصة الاطقم الي اسعارها خرافية
مثلا ايي الشخص و يقول بكم هالطقم,, يقوله الريال بـ ٣٠٠ الف
يرد عليه الشخص, لا غالي بكم آخر سعر,, يقوله بـ ٨٠ الف
يقوله بعد غالي ما يستاهل هالكثر, يرد عليه راعي المحل خلاص عشانك بـ ٥٠ الف بس !!

سألت نفس التاجر عن هالموضوع لأنه بعد يمتلك عدد من محلات المجوهرات

قالي في ناس مستحيل يقولون كم اخر سعر و ذكرلي قصة صارتله في المحل بأنه دخل عليه امير من احد الدول الخليجية مع زوجته
و قامت تقول ابا هالطقم و هالخاتم و هالطقم و هالساعه و هالقلب و هالطقم

بكم هذا؟ ميتين الف
بكم هذا؟ ٣٥٠ الف
بكم هذا؟ ٥٠٠ الف
بكم هذا؟ ٢٥٠ الف

كم استوى كله؟ مليون و ٣٠٠
خلاص تمام, عشر دقايق بييك السايق و بييب الفلوس و بيشل الاغراض
مع العلم بأنه البضاعه الي انباعت تكلفتها ما تتجاوز ١٠٠ الف درهم

يعني الريال ربح ١,٢٠٠,٠٠٠ درهم خلال ربع ساعه بسبب ناس مغفلين
اذا في ناس تدفع, ليش ما يستغل الوضع

انا واجد يهب دوباي نفرات, كولوا واجد زين, كولوا في واجد فلوس
دوباي بزنس نمبر ون

[شوق القلوب]

صدقت يا ناصر...

احنا عدنا عقده الغالي..!

بس غصصصصه.. العباه اتكلفه ٨٠ و يبيعها ب٣٠٠٠ !!! والله انهم كسبانين ذهب من ورانا...

[عهد الوداع]

السلعه تنعرف اذا كانت تسوى ولا ما تسوى وخصوووصا العبي ,,,
بس في فئه من الناس تحب تشتري الغالي حتى لو مب حلوووو ..المهم غاااالي ...

[قصايد غلا]

ذنيني : ماشاااااااااااااء الله عليييييييه هالهندي .. حبيـــــــــت سالفة المجوهرات


و عن العبي صدقـــه .. وحدة اعرفها تفصّل عبي

مسوية عباة بـ1000 و شوي و يوها خوات 2

الأخت الصغيرة قالت أبا هالعباة وعيبتها وايد ، جان تقول لها العودة : أخ هااااي رخيصة و كللل حد بيسوّي منها



=============


عهد : صح بس مرات تكون السلعة فيها جودة لكن الشي مب مكلف و سعره عااااااااادي جداً

[دمعة شوق]

[حلم الطفوله]

وأنا أقول ليش داشه الواحات !!

زين ذكرتوني بهالموضوع

بغيت أتخبركم عن مصممات عبي بالشارجه !! تعرفون حد شغله حلو وناعم

[مايهزك ريح]

آخر شي اشتريته .. هديه حق الرضيعه طلبتها حقها من امريكا .. ووصلت البارحه الفليل .. ^_^!!



كانت في خاطرها كافيار كحليه .. بس ما حصلها الريال وخذت بدالها هاي .. ان شاء الله تعيبها .. قولوا آمييييييييين ..

[شوق القلوب]

ماشاء الله .. وااايد حلوه...

اكييييد بتعيبها.. :)

[مايهزك ريح]

ان شاء الله .. ومشكورة على الرد .. اختي شوق ..

اخاف انها اتقولي انه لونها فاتح ويمكن العباه اتخربها !
هي دايما ادور الألوان الغامجه .. عشان ما تتأثر بالعباه !!!

[دمعة شوق]

^
بالعكس لونها واايد حلوو ماشآءآالله ,’
آن شآاءالله تعيبها
:)

[مايهزك ريح]

مشكورة أختي دمعة شوق وان شاء الله تعيبها مثل ما عيبتكم 

[مناير]

ما يهزك رييح

ماشالله عليك وع ذووقك
تعرف الشغلات اللي يحبنها البنات

[مايهزك ريح]

مرحبا اختي مناير ...
من كثر ما اسير وياهم بديت اعرف شو يعيبهم وشو ما يعيبهم 

[جنون امرأة]

آخر شي اشتريته .. هديه حق الرضيعه طلبتها حقها من امريكا .. ووصلت البارحه الفليل .. ^_^!!



كانت في خاطرها كافيار كحليه .. بس ما حصلها الريال وخذت بدالها هاي .. ان شاء الله تعيبها .. قولوا آمييييييييين ..

وااايد واااايد حلوة ^^