أين المصير في زمن همشت فيها هويتنا ؟!

[مــهــابه]

ولـد الشحوح :

تـعـرف شو آكثر شي يمكـن صعـب أنغـيره فـ الشخص ؟

طريقـه تـفكيره ونظـرته فـ الحيـاه ، لأن هالآشيـا تنزرع فيـه يوم هـو صغـير

ومثل مـاقـالوا ( من شَـب على شي شـاب عـليه )

يـمكن آحنـا ماقـدرنـا آنغـير فـي هالجيل ، لـكن ! جـدامنـا فرصـه نـغير فـ الآجيـال القـادمه ..

لكـن ! مانقـدر نـتجـاهـل اللي قـآعـد يصير ، والآنـفـتاح عـ الغـرب اللي خلآنـا نتـجآهـل عـآداتنـا وتقـآليـدنـآ ..

يعـني نـحن مانقـدر نقـول يـاخويه ، آنـه نحـن خلآص نسينـآ لغـتنـآ وترآثنآ وعـآداتنـآ وتقـآليدنا

لأ ، بالعكس ! بـعدنـآ متمسكييين ولكـن ! مب شرآت قبل وهـذا ضريبـة الـتطور ..

يـمكن آنـت تـنظر للـتحضر وللـتطور من منـظور ، وغـيرك ينظر لـه من منظور آخر اللي هـو ( الرمسه بلغه ثانيه ، بطريقه اللبس ، حتى بالنشآطات اللي نمآرسهـآ )


ومثـل ماتطـرقـت وقلـت هـذي آسوأ نتـايج العولمه ، واللي هي العولمه الثقآفيـه ، آحنـا ماخذنآ الجيد منهآ وتـركنا السيئ لآ

آحـنـا آختلطنـآ بالغـرب وصرنـآ نقلدهم فـ كل شي ( وبآمانه مانقـدر نعـمم هالشي ) لـكن ! الواقع يعكس بأنه نسبه كبييره للأسف عـندهـآ " حب الـتقليد "


تـعـرف يـا ولـد الشحـوح ، دايمـاً يـوم آطلع آو آروح فـ مكـان مختـلط ، آسـتغرب من جيلنـا ، من لبسهم ، رمستهم ( آييك واحد ووحده مآيعـرفون يرمسون كلمتين عـ بعضهم ) مـا تحس آنك تـكلم إنسـان فـاهم عـآقل

حتـى ولو يلسـت مع واحد ، تـستغرب من طريقـة تفكيره ، أهـدافـهم (و أرد وآقول آني ما أعـمم ) ..

جيل الحيـن : جيل السلآسل والحلق ، والشعر المنكوش ) ، ماتحس آنه فـي نـآس تقـدر تتحمل المسؤوليـه

مـاعـرف هالنـآس شقـآ ( الحمدلله الذي عـفآنـا ) . .


الـتغير فـ هالآشيـا الحين اتوقع صعب ، لـكن ! لو فـ المستقبل كل شخص يفكر شرآتي وشرآتك آتوقع أنه نحن نقـدر نربي آجيـالنا اليديده عـ آشيـا آلبعض منآ ماتـربـى عـليهآ وآهـمها ( العـآدات والـتقـآليـد ) ونحـاول مانـكرر الخـطأ ..


آدري تـفلسفـت وآيد :P ، بس هاللي طلع ويـآيه

[عافك الخاطر]

الموضوع اللي طرحته كبير و متشعب ..فأنا بتناول جانب من جوانبه وهو مشكلة سيادة اللغة الانجليزية على أغلب التخصصات في الوقت الحالي ..واللي شخصياً ما أعتقد انها شي سلبي تماماً ولا إيجابي تماماً ..

أنا حسيت بمدى فداحة الموضوع يوم بديت أتدرب في المستشفى .. لأن الطب يُدرس عدنا باللغة الانجليزية فكل كلامنا بين بعض و تدريبنا على الحوار مع المرضى يكون بنفس اللغة..الغريب انهم ولا مرة دربونا كيف نكلم المرضى بلغتنا نحن .. !يمكن البعض يعتقد المسألة بسيطة جداً.. مجرد انك تحول الكلام اللي تدربت اتقوله بالانجليزي في الكلية للعربي ..بهالبساطة وبس.. و انا كنت اتحرى المسألة جي لفترة ..لكن شخصياً ويوم انحطيت في الموقف وبدينا نقابل مرضى عرب ..حسيت ان في مفردات بالانجليزي مب قادرة أترجمها للعربي :/ و مب روحي بس .. ..شريحة كبيرة من البنات اللي وياي كانت عندهم نفس المشكلة .. وفي أول مرة تمينا نخبص عربي و انجليزي و طبعاً ها الشي ما يريح المريض أبداً .. خاصة المواطنين ..وما ادري بعد سبحان الله احساس الكلمة و انت تقولها بالعربي غير عن يوم تقولها بالانجليزي :/
بس عقب يوم استفسرنا و خبرناهم عن المشكلة قالوا ان هذا الواقع ..ان كل شي المفروض يُدرس باللغة الانجليزية و مسألة الترجمة و غيرها المفروض تكون جهد شخصي .

اللي حابة اقوله من هاي القصة الطويلة كلها ..إن الواحد يبدى بنفسه .. يعني في مثالي .. صح اللغة الانجليزية صارت هي لغة التدريس في أغلب التخصصات و لغة التعامل في بعض مجالات الشغل ..لكن هذا ما يمنع الواحد من انه يحافظ عليها بنفسه.. الواحد ممكن يغير واقعه بنفسه ..يعني اهتمامه بلغته يكون جهد شخصي منه ..هو يحاول انه يوسع قراءاته في مجال لغته و ما ينسى قواعدها مثلاً ..الخ
..واذا في حالة الأهل واللي انا في نظري انهم المعنيين بشكل أكبر في هالشي ؛لأنك لو أسست الطفل على انه يهتم بلغته ها الشي بينمو معاه .. فـ هم ممكن يشجعون عيالهم على انتقاء كتب عربية إلى جانب الانجليزية و غيرها وغيرها من الطرق..

وبهالطريقة نحن ما بنكون حلينا المشكلة كلها ..بس على الأقل ساهمنا في التغيير بشكل غير مباشر ..