لازم نرفع كلنا هالشعار...

[خيال الحب]

وكالات السيارات تعلن ان اسعار السيارات سوف تكون ثابته في 2009(المصدر: جريدة الاتحاد , الملحق الاقتصادي 28/12/2008 )


الاقتصاد منضرب بكبره وهم مب راضيين ينقصون.. شو هالمصخره والمهزله الي صايره..

لين متى بيقعدون التجار يتحكمون فينا؟؟

بالعالم كله السيارات صارت برخص التراب وفي بلادنااا صارو يزيدون سعر المواتر

شو هالمصخره

لازم نقاطع ومانشتري من الوكالات ولا ربع سياره لين يرخصون اسعارهم+اسعار قطع الغيار


ولا نخليها تصدي عندهم في مخازنهم يعلها الحراق

[تـ ق ــهـويــ ت ـك ولـهـ~]

ههههههههههههه

الحمد الله مرتااحين نحن البنااات ماانحااتي السيااير وقطع الغيار ماالتهم..لووووووووووول

يحليلكم ..ويييييييييو

[خيال الحب]

احلفي انتي بس


يا شماتت ابله طازه فيه

[تـ ق ــهـويــ ت ـك ولـهـ~]

ويييييييييييييييييييو حليلكم..

تستااهون عشاان مااتلعبوون بسيايركم

[مزن هتان]

يوم شيوخنا مخلينهم عـ راحتهم تراهم بيقعدون يلعبون بحسبتنا
و كل واحد فيهم يشوف مصلحته


شلون ما نشتري سيايير خيال
الحين بالبيت ناوين على 3 سيايير تخيل انت بس !

[شرجاوي]

الواحد اييبله موتر من برع عالزيرو بيطلع ارخص عن سعر الوكيل ب وايد و بيكون عليه ضمان من المصنع ..

[مزن هتان]

شرجاوي اذا جبنا الموتر من برع ما راح نتخسبق حزت التسجيل ؟ و من هالقبيل

[المزوحي]

خيالو برع اقدر آخذ سيارتين بنفس جيمة عندنا ...

او موتر و50 ألف عليهم لوووووول

صدق كلامك خيال .. وايد يبطون الجبد

[بنت الدلع]

غريبه !
انا توقعت اسعار السيايير بتنزل بعد الـ financial crises

يمكن هذا في البدايه بس اكيد بتنزل اسعارهن مش معقوله يتمون صامدين

[وحي القلم]

لانهم يدرون أنه اللى عندنا بيشترون

حرام عليهم اللى يسوونه

[بنت الدلع]

أصلا الغلط من المواطنين

يعني خلونا نتكلم بصراحه
قبل لا تستوي هالأزمه

خلونا ناخذ الحريم على سبيل المثال

اذا المحلات رفعوا اسعارهن بالهبل الحريم مايهمهن بيدفعن وبيظهرن
ولا بيكاسرن في السعر

يعني قبل يوم الوحده بتفصل لها كندوره مخوره كم بياخذ عليها الهندي ؟؟

الحين على ابسط شي قال والله بمادري كم
ليش هالسعر !!

يقول اذا انتي ماتشترين ترى غيرج يشتري
بس لو الكل ماسوالهم سالفه بس لمده قصيييره
محد بيتجرأ وبيرفع الأسعار

هاي سالفه صدق مستويه
ريال كان عنده محل يبيع اشيا نسائيه
كل ما تدخل حرمه مواطنه ويقول لها هالقطعه بالمبلغ الفلاني "شي بسيط يعني الي هو السعر الاصلي للسلعه" تطالع القطعه ومايعجبها السعر يعني واااايد رخيييص ومب من مستواها طبعا وتظهر من المحل
وغيرها وغيرها

بعد كمن شهر كان زبون في المحل وبعدين دخلت وحده زلمه اشترت شي وقالها هذا المبلغ دفعت وطلعت
بعد ماظهرت على طول يت وحده مواطنه وخذت نفس القطعه بس اشترتها بدبل السعر بمرتين ولا قالت شي
يوم الزبون قاله ليش نصبت عالمواطنه رد عليه المواطنات جيه يبون !!


واخر شي نقول والله الدنيا غاليه

[الاسطوري]

هالمره لازم نوقف ويه بعض وقفة شخص واحد

الامارات او دبي بالتحديد مب طايعه تعترف انها متأثره بالازمه لأن هالشي بينعكس عليها سلبا وبيشردون نص الناس وبيضطرون ينزلون الاسعار وبتتراكم عليها ديون و و و و و و فهم يحاولون يوهمون الناس ان الامور اوكيه وماعندهم اي مشكله وكل شي طبيعي وانهم بيستمرون على نفس الموال ولكن هذا كلام جرايد لا أكثر الواقع شي مختلف تماما لأنهم مايبون العماله الموجوده تطلع لأن راح نتضرر بان السيوله كلها بتطلع من البلاد وبالتالي راح يكون في نقص كبير والبنوك بتتأثر بشكل كبير ولو بنك واحد عندنا يطيح راح يطي وراه باقي البنوك لأنهم مرتبطين ببعض واي مشكله بتأثر على الباقين فهم يحاولون يعيشون حالة تقشف عشان يتجنبون هالمشاكل خلال الفترة اليايه وياتصيب ياتخيب

نحن مب في الجاهليه عشان ينقص علينا ونصدق كل شي بدون ادله، اغلب مشاريع دبي مالها تمويل اليوم ودبي ضاغطه على عمرها بقوه عشان تحاول تكمل المشاريع اللي بدت فيها مع تمديد الوقت واغلب الشاركات الضخمه متوهقه في السيوله اللي شبه انقطعت عنها بسبب خوف البنوك من تمويل المشاريع الكبيرة عشان مايطيحون اذا تعذر التسديد، المشاكل مابتيبن الحين خلال السنه اليايه بتشوفون مشاكل وبلاوي يديده من ورا هالادعاءات اللي بتخلي الناس يعيشون في غفله ويتفاجؤون انهم ماستعدوا للي ياي بسبب تصريحات الحكومه والمسؤولين

بالنسبه للسيارات في بعض الدول الغربيه الاسعار وصلت للنص وهني حاليا مب طايعين ينزلون فلس واحد لأن منطقة الخليج معروفه بانها اكثر منطقه في العالم يمشي فيها سوق السيارات والناس تحب المظاهر وحتى اللي ماعنده ياخذ السيارة بتمويل وحسب احصائيات الوكالات نفسها بان حوالي 85% من اللي يشترون سيارات ماياخذون كاش حتى لو كان عندهم بل يفضلون التمويل، البنوك تقريبا شبه وقفوا التمويل وبدوا يتنقون بعض الاشخاص اللي بيعطونهم قروض عشان ماتصير مشاكل في التسديد وبالتالي عجز في الميزانيه، معناته الوكالات رضت ولا مارضت المبيعات عندها يتنزل حوالي 70% هذا في احسن الحالات اذا ماكان اكثر بعد يعني السيارات اللي توصل الحين لو قدروا يبيعون نصهم قبل في نهاية 2009 هذا يعتبر انجااااااااااز لأن عندهم في المخازن سيارات بالهبل أكثر من عدد شعر راس أكبر مدير فيهم، خفض الاسعار هذا شي الزامي عشان المبيعات تمشي وترد لهم شويه من السيوله اللي تجمدت في هالسيارات وقالوا الشركات الام راح تضغط على منطقة الخليج عشان تنزل ولكن الظاهر مايفيد وياهم إلا المقاطعه مثلما الكل يقول وهذا بالفعل اللي صاير محد يبى يشتري الحين كل حد يقول بنتظر الاسعار تنزل وبالتالي الوكالات تعيش بداية الازمه لأن محد يروح لهم ومب قادرين يبيعون المتوفر عشان يفكرون يطلبون زياده

فحسب وجهة نظري لو مانزلوا الاسعار عقب فترة بنشوف الوكلاء اللي عندنا يطيحون ويعلنون افلاسهم واحد ورا الثاني وعقب بتنباع السيارات برخص التراب عشان يستردون شويه من المبالغ اللي اندفعت، قبل يوم ارتفع سعر البترول كل شي زااااااااااااد سعره وبدا الغلاء والحين يوم سعر البترول تقريبا صار او بيصير ارخص من الماي مانزلوا عندنا تقريبا ولا شي بس فالحين يستنزفون الشعب ويمصون دمهم عشان يغطون على غلطاتهم وان شاء الله الاسعار تنزل والشعب يكون المستفيد الاول وأتمنى أتمنى أتمنى أقل شي 50% من الاجانب يطلعون من بلادنا عادي راضين مانبى مطاعم ومحلات راقيه و و و و و بس على الاقل بنحصل راحة البال وبنعيش بهدوء والواحد عقب بيعرف يربي عياله ويعطيهم حقهم

السموحه بس فيني قهر ونار فحبيت
اعبر واطلع من اللي في
خاطري شويه


نعم للمقاطعه ولا للغلاء بعد اليوم

[مــهــابه]

آنـآ آشوف آحسن

يـوم آنه عـدد السيآسير آكثر من عددنا آحنا ..

يمكن عـسب جيه مآنزلـوا الآسعـار

يمكن يفـكرون آنهم يخفـفون الزحمه بـ تقليل عدد السيآرات

يعـني مثلاً :

لـو رفعـوا سعر السيآره آو آنقول انهم مانزلوا الآسعـار ماراح تـشترون بعكس لو كآنوا منزلين

وآحنا نشوف في كل بيـت آقل عـن 4 و 5 سيآير مابنحصل ( سياره للدريول ، وسيآره للمزرعه ، وسيآره للدوام ، وسيآره للبر وسيآره لـمآدري شو )


يمـكن عـسب جيه هم يسـون هالشي ~ * ..


صح آنا ماعندي خبره فسوآلف السيآير وهالآشيآ ، بس مآ آدري يوم قريت الخبر فالجريدة ، حسيت آنهم يفكرون بهالطريقـة


قآطعـوا آحسن ، عسب تخففون من عدد السيآير ومن الزحمة ، ومن التلوث البيئي = > وايد متأثره :p

[مايهزك ريح]

انا ويا الأسطوري .. خصوصا في سالفة تقليل الأجانب ..
ياخي تعبنا من هالعالم اللي يايبينهم .. من برا .. ضيجوا علينا بلادنا ..
احس انه هالأزمة بتفيدنا اذا هاذيلا ذلفوا ^_^

ونعم للمقاطعه >> خصوصا انه الموتر اللي اباه كان بينزل في آخر 2009 .. وعلى هالأزمه ما اظني ينتجونه أصلا ^_^!!

[بنت الدلع]

تأثرت بكلام الأسطوري بصراحه

والله صدقك
جان زين يظهرون هالأجانب الي مسوين لنا ازمه
هم في شو فايدينا غير انهم علّه على قلوبنا
مشاريعهم حقهم والبيزات في مخباهم
شو المستفيدين من وراهم؟!!!