وداعا 1429 - 2008

[حلم الطفوله]

السلام عليكم ورحمةالله وبركاته


حصاد 2008

مع قرب انتهاء هذا العام .... وصلني مسج يقول


في هذا العام ضحكنا ...لكن جتنا أيام وبكينا ...
فرحنا وجتنا لحظات وشقينا ...
حلمنا ..بس جتنا اوقات ...وصحينا ...
تأملنا ...وما حصلنا كل ما تمنينا...

يا عسى العام الجديد

نضحك ...بلا ألم ولا دمعه
ونفرح ...وما تنطفي لنا شمعه


في عام 2008 ( حصاد محزن ومفرح )

- بدايته لم تكن مبشرة بالخير ونهايته كانت أسوأ كذلك ...ولكن قدر الله وما شاء فعل

- خطف الموت العديد من الأرواح التي كانت تربطني بهم علاقات قويه ( يرحمهم الله )

- فارقت من كنت أعتبرها صديقتي بطريقة دبلوماسيه ولكن ما زلت أتحسس طعنتها بظهري وأقول :

إنك لن تهدي من أحببت ولكن الله يهدي من يشاء

- تعلمت لعبة جديدة ( تبديل الأدوار ) فعرفت أننا لن نقتنع بأفعال الآخرين إلا إذا عشنا شعورهم .

( المشكله هاللعبه ما تتفسر أكثر )

- ودعنا بوش بقضية الحذاء ويالسين ننتظر أوباما يرد من هاواي

- اقتنعت ببيت شعر شعبي يقول : ( لي ما زارني يوم الديار امخيفه لا مرحبن به يوم الديار أمان )

- لم يضاف إلى رصيد أحفادنا هذه السنة أي حفيد !!

- الصدف العجيبه كان لها دور البطوله بحياتي خلال هالسنه ، وأهمها اكتشاف إنه أحد أبضايات العيله امشارك بالواحات، وأغلب البنوتات طلعن من فريجنا

- سافرت 3 مرات ولم أشعر بمتعة السفر أبدن!!

- اشتركت بجروب رؤى ويا أحلى وأروع ناس ، مع راجل وسبع ستات

- افتقدت مشاركة الأخ الروحي ( الحاضر الغايب ) و ( قلوب دبي ) و ( ألم ترى)

-- تعرفت على العديد من الأخوات في الواحات في هذه السنة ... فكانوا خير خلف لخير سلف

- استلمت من إشوي رساله شخصيه ونستني وااااااااااااااايد وااااااااااايد
من انسانه احبها وااااايد واااااااااااااااااااااااا ايد

تقولي في بدايتها : اشحالهم الأمامير

محد أموره غيرج يا أمر 2009

وعسى أعوامكم كلها خير بخير


وإنتو ؟؟؟؟؟؟؟؟؟؟؟؟

شو كان حصاد عام 2008 وياكم؟

[مــهــابه]

وداعـاً 2008

2009


عـلى الـرغم آني مآ آحب آرمس عـن السنه اللي بـتعدي إلا عـند آخر ثـانيه من العـام إلـى آن بـقـول كيف ودعـت وآسـتقبلت 2008

كـانـت آمنه نـوعـاً مـا

عـلى النـطاق الشخصي :


بـ 2008 :


~ وصـل آول حفـيد يـحمل آسم الـوالد ، وصرت عـَمه


بـ 2008 :

سـرق الـموت ، صديقـة غـاليه عـ قلبي ، ربطني بهـا [ مكـان واحـد ]


ربي يرحمهـا ويغـفر لـهـا


بـ 2008 :

يـمكن كـانـت المـره الآولـى اللي آوقف فـي ويـه آهـلي وآقـول لـهم : لآ


بـ 2008 :

تـمسـكت بـهم آكثـر من قـبل ، تـحديـت الكـل عشـانهم ، وفيـت بـ وعـدي لـهم


ولازلت منتصره


بـ 2008 :


تعـرفـت عـلى بنـوتات عـسل وحـلوين وطيبــوبـات اهنيه فـ الواحات


بـ 2008 :


تـخليـت عـن آشخـاص كـان وجـودهم [ غـلط ] ، وتـصَـحح وللـه الحـمد


بـ 2008 :

قـدرت آنجـز شي فـ دراسـتي ، وبـتوفيق من الله ، ووقـفت آهلي معـايه عديـت مرحله مهمه

كنـت بسببهـا يمكن آكون قـاعده فالبيـت الحين


بـ 2008 :

يـانـا عـيد الفـطر + الأضحـى بـ سـلام ، بـعد مـاكان لـ سنتين ع الـتوالي يسرق [ الموت ] آحد المقربين لـنا ومانعـَيد


الحـمدلله


بـ 2008 وبقـدوم 2009 :


راح يـوصـل للعـايله 7 آطفـال بإذن الله من ضمنهم ( 3 أحفـاد يـداد ) إن شاء الله


حلـم :


شـكراً عـ هالمســاحه

[دمعة عين]

:

آنـآ في 2008 حسيت إني كبرت 10 سنيـَـن !
لول

.
.

فـ 2008 !
~. دخلـَـت سـَن 19 سنـَـه ، وطلـَعت من السن إلي مـآكنت آبآ أطلع منه
(18 )

،

فـ 2008 !
~. تعـَـرفت ع نــآس ، وفـَـآرقت أغلى النـَـآس

،

فـ 2008 !
ارتتكبت أبشــَع غلطـَـه في حيـَـآتي ،
والله الشـَـآهد اشكثـَـر آنـآ ندمـَـآنه ع هـ الشي

،

فـ 2008 !
اتخـَـذت القـَـرآآر إلي بتتوقـف عليـَـه حيـَآتي المهنيـَه
ونـَوع التخصص إلي آبـَـآه ،

،

فـ 2008 !
تغيـَـر كل شي فحيـَـآتي ، ويمكـَـن استويت أفكـَر بعقلآنيـَه أكثـَـر
بس طبعي ( الإنفعآليه والعفويـَه والشخآفه شكله مآبيسير لول ) . .

،

فـ 2008 !
كونـَـت صدآقآت يديـَـده ،
وآهمهـَـآ M ، وقفـَـت ويـَـآيه وآيـَـد ،




بس مجملـَآ 2008 سنـَـه خآيسه بالنسبه لي ووآيـَـد كآنت صعبه !


" تدريـَن حلم ، آحس ألحيـَـن آبـآ أييب ورقـَه وقلم وآكتب كل شي آنـآ سويته ،
وإلي أبــآ أسويـَـه في السنه اليـَـآيه ، "


.
.

[مجموعة إنسان]

شو أحلى من مشاركة ال7 بنات في قروب رؤى في 2008 ,,
صدق استانست عليهم واستفدنا منهم



هههه


ممم

أكثر شي واحلى 3 اشياء

اني تعلمت التصوير والحمدلله في سنه قدرت اطلع بشي يستاهل

واستويييت عم لبنوتين مها و عاشه

والأهم من هذا كله
افتكيت من شي اسمه جامعه الإمارات
والحين ادرس في الكلية هندسة والحمدلله امشي فيها اكثر عن الجامعه الأرف


ودخلت سوق الأسهم بعد قصدي ال21 ههههه



ربي يخليكم للي تحبونهم ويحبونكم ان شاء الله
ولا يبعدكم عنهم



حلوووم ,,
منووو هالأبضاااي؟
هههه

[مــهــابه]

ونحـن نودع الــ2008 :

~ نشـوف الناس تـستعد للـنيو ير ، وفـ غـَزه يـموتـون الشبآب والحريـم جدآم عـيونـاَ ولاحد يـَرمس

الحـرمه تتـرمل ، والآم تـشوف ضـنآهـا يمـوت جدآم عـينهآ ، والآطفال يـتيـتمون :(

وآحـنا ويـن ؟

نعـآيد بـعض بـ النيـو يـر ،


اللي يصيـر بـ فلسـطين يـزعل ويـن العـرب ؟

مـافي حـَد يـروم يـتحرك ؟

[شمعة أمل]

لي عوده أكيـد :)

[وحي القلم]

في 2008

قدرت أكون صداقات ويا ناس من جنسيات ثانيه غير العرب

.

حددت مستقبلي المهني شرات دمعة عين

.

بديت أحس بثقه أكبر في قراراتي

.

قررت أني ما أسوي سالفه حق حد إذا اميه و ابويه اموافقين على اللى أسويه

الناس ما يخلون حد في حاله

.

لعبت دور الأم لفتره.. و كنت أحس فيها اني جيه>>

الله ايعين الأمهات

.

كنت أزيغ من الجلاب.. بس رمت أغير هالشي<< شو رايج في هالنقطه حلم؟؟

.



.

[كتكوتة]

عام 2008 كان ملييييييييييييييئ بالأفراح و المناسبات خخخخخخخخخخخخخخخ

[عافك الخاطر]

حلم : عسل انتي عسل :) ، الله يحقق لج كل اللي في بالج و يسعدج يارب
.
.
عن 2008
على الصعيد الشخصي بديت أغير نقاط سلبية في شخصيتي ..و لين الحين الوضع زين .. هاي السنة حسيت اني كنت استقلالية أكثر ..و زادت ثقتي في نفسي .. اندهشت بكم الأشيا اللي اقدر اسويها بمجرد اني اؤمن بأني أقدر و ما أهتم لمحاولاتهم في تثبيطي :)
.
.
المشكلة في هاي السنة صرت منعزلة أكثر.. وايد مناسبات اجتماعية مرت و ماسويتلها سالفة..و وايد ناس ما سألت عنهم ..
.
.
هاي السنة حبيت دراستي أكثر..وكان التدريب في المستشفى من الأيام اللي ما تتنسي .. حسيت ان أهدافي صارت أوضح..والدافع للدراسة زاد بعد ما اختلطت بالمرضى و شفت كيف ممكن اني أزرع ابتسامة بمجرد اني أأدي واجبي على أكمل وجه ...
.
.
اهتمامهم فاجأني وما توقعته أبداً ..بس الخوف كالعادة موجود .. و في شي داخلي يقولي انه خوف ايجابي ..

.
.
عن الكثافة السكانية في العائلة .. فـ ما شا الله زادوا هاي السنة ..2 "أطافيل" انضموا للفريق وشي ثالث في الدرب..
.
.
وبس ها اللي في راسي..

[طير الغرام]

وداعــاً سنــة 2008 - 1429

بــ [ حلــوهــا و مــرّهـــا ]

::
:

شهـر [ ينــايـر ]

- دايمــاً بداية كل سنة اتكون حلوه بالنسبه لي والحمدالله لنه عيد ميلادي يكون فـ هالشهر
أكبر سنـة ازيـادة ،، وتكبــر معايـه تجاربيــه فـ هالحيــاه !

- بنت خالتيه عرست // وودعــت أيــــــامنـــا

:

شهر [ فبــرايـر ]

- مافيــه شي يذكــر !

:

شهر [ مــــارس ]

- مافيــه شي يذكــر !

:

شهر [ أبريــل ]

- أعتبره شهر حلوو لنه يصادف فيه يوم ميــلاد -[ أغلــى نــاسي + أخــويه الغـــالي ]- فـ نفس اليــوم

- وفـ هالشهــر يدتيــه [أم أمايه] ســوّت عمليــه ،، والحمدالله عدّت هالفتــره ع خيــر

:

شهر [ مــــايــو ]

- مافيــه شي يذكر !

:

شهر [ يونيـــو ]

- نهــايـة عام دراسي كان ملــيء بالأحــداث الحلوه والمره

- صـــار شي واااايد حلووو فيــه ،، اتمنـــيت لو كـانت أيامـي كلهــا حلـم أنا أتحكــم فيــه ،، عشان ما يكون هالشي محدود

:

شهر [ يوليــــو ]

- كلـه كان فـ المستشفى ،، تعبنــا نفسيــاً ،، وسبحان الله كان المفروض إني آخذ صيفي ،،
بس أنا اختــرت اني أكون قريبــة من يدتيـه فـ هالفتره قد ما أقــدر

- شاءت الأقــدار قبل نهاية هالشهــر إنه ربـي ياخذ أمانتـه واتوفـــت [ يدتيـــه ]
الله يرحمــج ابرحمتـــه يا يدووه ويغمــد روحج الجنــه !

:

شهر [ أغسطـــس ]

- خبــر وفاة يدتيه كان بعـده فـ بدايتــه ،، وله وقعـه وتأثيــره علينــا

- انصدمــنا بخبر وفـاة [ ريل عمتيــه ] وقــدّر الله وماشاء فعـــل ،، الله يرحمــك برحمتــه ويغمــد روحـك الجنــه
- الأحزان قربتنـا وخلت اقلوبنــا ع بعــض

:

شهر [ سبتمبــر ]

- بدايـة عام دراسي جديد ،، وبدايته بالنسبه لي كان امشكل ضغط نفسي كبيــر ! بس الحمدالله ع كل حال

:

شهر [ أكتوبـــر ]

- كان عيـد الفطــر حلوو لنه مـرّ عيديــن ع آخر مره عيدّنــا فيه كلنــا فـ العين واتيمعنا فـ بيت واحد

- أقــدر أقول إنه فـ هالشهـر اتعمقــت فـ مجــال تخصصيــه

:

شهر [ نوفمبـــر ]

- مافيــه شي يذكــر !

:

شهر [ ديسيمبـــر ]

- كان شهر حلوو ،، وجود يهــال معانا فـ البيت ،، نرقــد ع حشرتهم وانقــوم الصبح ع حشرتهم
كانت فتره حلوه [ خالتيه كانت سايره الحج وخلت اعيالها عندنا ] ،، أقدر أقول اني حبيتهــم أكثــر وهم معانا فـ بيت وااحد
لدرجة إني كل ما أظهر أحب آخذلهم شي وأنسى عمريه

- أول مره نظهر مع أمايه وانجـوف المسيره LIVE

- يوم 3 /12/08 كان وااااايد حلوو ظهرنــا فيه مع اليــهال واستانســنا وااايد

- ما حســيت بعيد الأضحى هـ السنه لنه عيدنـا فـ بوظبي وأغلب الاهل كانوا فـ الحـج ،، الله يكتبلنــا أداء هـ العبـاده

- ما أعرف إذا ع آخر يوم فـ هالشهــر ممكن يصيــر حدث يستاهــل إنه ينذكــر ............ !!

أقــدر أقول إني ردي كان عباره عن أهم الأحــداث واليوميــــات

ما نقــدر نتحــكم بـ أيامنــا ع هوانـــا
إن كان شي زين نستانس ونحمد الله ع هالشي
وإن كان شي شين نصبر ونحتسب ونحمد الله ع كل حال


=)

[تحفه]

هالسنه كانت صعبه علي! حزنت فيها وايد .. وفرحت فيها وايد ..

اكتشفت الناس بمعادنهم الاصليه ! عرفت منو يحب لي الخير من الناس. مريت بدروس مهمه فاكيد لازم اشوف كل المشاكل بمنظور ايجابي =)

هالسنه اتاحت لي فرص في كثير من نواحي الحياه .. احس انها بدايه لمسيره مهمه بتحدد انا شو بسوي في المستقبل. ولو انها كانت مثل "ومضات" بس اعتبرتها اشارات مهمه لي.

الدروس الي تعلمتها من اخطاء .. اتمنى اني ما اكرر الاشياء الغلط الي مريت فيها

[بنت الدلع]

السلام عليكم ورحمة الله وبركاته

2008 كانت سنة مليـــــئه بالأحداث

حسيت اني وايد صرت رزينه أكثر عن قبل
واحترام أهلي لي زاااد بشكل ملحوظ
قبل كان اسلوبهم مختلف شوي معاي، يعاملوني على اساس اني وايد دلوعه بحكم اني آخر العنقود
بس الحين وايد قاموا يعتمدون علي "الحمدالله"

اتعرفت على وااااايد ناااااس ومن شخصيات مهمه جدا في المجتمع
أبدا ماكنت متوقعه اني بدش في هالمجال وبحتك مع هذي الأجناس

اثبت للكل اني اذا ابا اسوي الشي اقدر اسويه بجداره
وهالشي عطى انطباع جدا ايجابي عني للناس
وكان كلام الناس جدا جميل عني

كونت صداقات مع شعب جدا حلو ومن مختلف الدول في جنوب امريكا
كانت ايام وايد حلوه

اقترفت خطأ كبييير بحق نفسي وواايد أنبني عليه ضميري
بس الحمدالله اتعلمت من غلطتي

وااايد تألمت في هالسنه وحزنت على اشيا صارت مع اقرب الناس لي

فارقت ناس كانت لهم معزه كبيره في قلبي
ماكنت متوقعه ان هالشي بيصير

تزاعلت مع اثنين من ربيعاتي

وصلتني هديه في عيدميلادي الـ 20
وكانت شوي تضحك من اقرب صديقه لي

الله انعم علينا بولدين وااااايد حلووووين

تطوعت مع دبي للعطاء وصبغنا مدرسه في عيمان
كانت تجربه غريبه بس حسيت اني سويت شي يفيد مجتمعي

تعلمت بعض من فنون التصوير

بنت اختي صارت وااايد تاخذ من اطباعي
حركاتها ستايلها دلعها بس جرأتها مب علي


هالأشيا الي مرت جدام عيوني

ان شاء الله سنة 2009 تكون سنة خير على الكل

[شمعة أمل]

سنة 2008

- استقبلناه باحلى حفله وعقبه بـ ثلاث ساعات حصلت عمري في المستشفى

- من الناحية الجامعيه، أع! هالكلمه تكفي لول.. كلاسات مسائيه وقروب لـ سمستر كامل ويا دراكولا

- زعلت من خواتي لول

- الصيف كان حلوو!! أحلى شي وجود بنت عمي ويانا! ربشتنااااا.. بس يوم بنت عموه يتنا ماعيبني.. كنت اشرد عند ربيعتي

- رمضان ماكان جنه رمضان.. مادري ماكان حلو

- كل عيد مر علي في 08 ماعيبني

- استويت انطوائيه< وهالشي مكرهني في 2008.. تولهت على كلحد!

- بس مع هذا سويت خمس عزايم لا تنسى الصراحه

- دخلت ال19 .. سنه بايخه! ماعرف الومه على هال19 ولا على 2008؟

- بس عيدميلادي كان حلو لكن كنت وايد حزينه لانه امي وابويه كانو مسافرين

- اشتغلت لـ ثلاث شهوور وكنت أدرس في نفس الوقت .. كان كشخه!

- سرت الهند ورديت في 24 ساعه

- كنت على أخبار الأمارات

- كنت محظوظه من ناحية الشغل لانه شغلي كان يخدم الوطن وكنت اشوف الأشياء الى انجزتها او كنت ظمن هالانجاز في الجرايد ولا التلفزيون وهالشي شجعني وايد وبفضل هالشي تعرفت على شخصيات مهمه في المجتمع من بينهم وزراء وشفت الشيخ محمد بن راشد D:

- كملت سنه أسوق وسرت أجدد ليسني بروحي < هالشي انجاز في بيتنا لول دايما يطرشون مندوب يجدد الليسن

- احلى شيييي انه ربيعاتي عرسووو .. و 2 ربو ويابو احلى بنوتات 3>

- في 2008 خلوني أسوق لين الشارجه






بس هاللي قدرت أفكر فيه الحينه!!

[أمطار]

2008 ما ادري في أي خانه اصفها؟
تعيسه + سعيده

بدايات 2008
عشت فرحه ورا فرحه
كنت دوم خـــالت حد .. بس استويت عمــه هالسنه ^^
توني حسيت ان اخواني مقصرين بالعيال على عكس خواتيــ ...!

شهر 7
كان بداية التعاسه
صارت مشكله غيرت منظوري للأمور
ولازلت اعيش تبعات هالمشكلهـ ..!

واكتشفت ان ذاكرتي شرات ذاكرة البعير (ما انسى اللي يجرحني)
وقبل كنت احسب اني انسانه مسالمه واسامح الكل وانسى بسرعهـ ..!

لكن مش هالمره!

صارت وفيات كثيره من الأهل والأقارب
ما تهنينا في الأعياد

عيد الفطر عندنا وفيات في العايلة .. قبل وبعد العيد

عيد الاضحى استوى الأدهى
ولازالت المشكله مستمره

ديسمبر يا ديسمبر
الفرحه الوحيده اللي حسيتها هي احتفالات بلادي بالاتحاد

وديسمبر رجعني 3 سنين ورا
خلاني ارجع اعيشهم من يد ويديد

وسالت الجراح في ديسمبر مع عزه
ولا زالت تسيل!

ولازال تأثير ديسمبر مستمر حتى مع اطلالة يناير 2009

وايد احداث استوت بس الفوق يكفي وداعاً 2008

[عفاريتووو]

2008

- في بدايتها مرينا بموقف حسيت فيه انه اخر لحظاتنا بهالدنيا
لكن الحمدالله الحمدالله انه الله نجانا

- في هالسنة صار عندي سيارة و قمت اروح الجامعة بروحي

- في هالسنة و خصوصا في نهايتها فقدنا واييد ناس و خبر وفاتهم اثر فيني واييد

- هالسنة بعدتني عن ناس و قربتني من ناس ثانيين

- صار عنا دانة في العايلة

- شفت دولتين اول مرة اروحلهم بلجيكا و لوكسمبورغ

- صرت احب بوظبي بعد ما كنت ما احب اروحلها


ان شالله تكون 2009 احلى على الكل ^_^