وداعا 1429 - 2008

[أمطار]

2008 ما ادري في أي خانه اصفها؟
تعيسه + سعيده

بدايات 2008
عشت فرحه ورا فرحه
كنت دوم خـــالت حد .. بس استويت عمــه هالسنه ^^
توني حسيت ان اخواني مقصرين بالعيال على عكس خواتيــ ...!

شهر 7
كان بداية التعاسه
صارت مشكله غيرت منظوري للأمور
ولازلت اعيش تبعات هالمشكلهـ ..!

واكتشفت ان ذاكرتي شرات ذاكرة البعير (ما انسى اللي يجرحني)
وقبل كنت احسب اني انسانه مسالمه واسامح الكل وانسى بسرعهـ ..!

لكن مش هالمره!

صارت وفيات كثيره من الأهل والأقارب
ما تهنينا في الأعياد

عيد الفطر عندنا وفيات في العايلة .. قبل وبعد العيد

عيد الاضحى استوى الأدهى
ولازالت المشكله مستمره

ديسمبر يا ديسمبر
الفرحه الوحيده اللي حسيتها هي احتفالات بلادي بالاتحاد

وديسمبر رجعني 3 سنين ورا
خلاني ارجع اعيشهم من يد ويديد

وسالت الجراح في ديسمبر مع عزه
ولا زالت تسيل!

ولازال تأثير ديسمبر مستمر حتى مع اطلالة يناير 2009

وايد احداث استوت بس الفوق يكفي وداعاً 2008

[عفاريتووو]

2008

- في بدايتها مرينا بموقف حسيت فيه انه اخر لحظاتنا بهالدنيا
لكن الحمدالله الحمدالله انه الله نجانا

- في هالسنة صار عندي سيارة و قمت اروح الجامعة بروحي

- في هالسنة و خصوصا في نهايتها فقدنا واييد ناس و خبر وفاتهم اثر فيني واييد

- هالسنة بعدتني عن ناس و قربتني من ناس ثانيين

- صار عنا دانة في العايلة

- شفت دولتين اول مرة اروحلهم بلجيكا و لوكسمبورغ

- صرت احب بوظبي بعد ما كنت ما احب اروحلها


ان شالله تكون 2009 احلى على الكل ^_^

[تحفه]

١- ماتو ٢ عزيزات على قلبي بموت الفجاه! اول ماعرفت يلست اضحكت من الصدمه فالبيت زاغو علي .. وبعدني مب مستوعبه انهم خلاص راحو .. بس تدون احس اني بشوفهم احس انهم مسافرات وبيوون بس بيطول سفرهم .. وكل ما اييبون طاري انهم توفو ابتعد ولا اغير السالفه .. مابي اتقبل ولا استوعب شي ... مب وقته
ماشبعت منهم كلهم طيبات

٢- ابتعدت عن ربيعاتي و كزناتي .. كل ما اشوفهم احزن وتضايج لاني اتذكر الي راحو *sniff .. احب ايلس فالبيت

٣- كسرت الرقم القياسي في الغيااااااااب ... كل اسبوع اغيب يوم ولا يومين ولا ثلاث ( ماتمصخر ) بس جي احب ايلس فالبيت مالي خلق الجامعه

٤- هالسنه سويت معرض صور خاص فيني انا بس ! كان حللللللم وتحقق!

٥- بتاثير من شخصيات فالعايله وبرع .. نما "الهام" يديد في حياتي .. هالسنه عرضت ٢٠ صوره من صوري والريع كله عائد للمحتاجات فجامعه زايد

٦- صرت من المعجبين الكبار ب محمد عبدو

٧- يدتي تعبت وايد - الله يخليها لي - !

٨- هالسنه حطيت حد لكحد له تاثير سلبي في حياتي

٩- غيرت رقمي وايد ... وكل ما ابي اغيره اتذكر بنت قالت لي انتي كم مره تغيرين رقمج فالدنيا؟ تسع مرات غيرتي رقمج هالسنه !!! لوووووووووول ماستوعبت اني اسوي هالشي الا يوم قالت لي البنت هالجمله! ولا قبل ماكنت حاسه بعمري!
١٠- هالسنه ... كانت طويله - قويه - صعبه - حلوه - مره - ثجيله عالنفس - انترستنغ و ممله ! ماقدرر اشرح اكثر عن جيه !

[ايه احبك]

ياااااااااااااااااااااااا ي يا حلومه الحلوه صدق استمتعت وانا اقرى احداث السنه على البنات والشاب XP لوول
وما اقدر ما ارد ولو اني متأخره بيومين لوول
20000000000000000000000000000000000000000000000000 0000000008
اتخرجت بشق الانفس --> صح جي التعبير لوول XP
بس صدق تعبت لين ما تخرجت من الدبلوم العالي اصلا السنه الاخيره كانت وايد متعبه وفيها كرهت الكليه مع اني دوم كنت اقول احبها
والحين اكمل الباجلر وانا لايعه جبدي منها -_-
احس ابي بريك من الدراسه ومن الاساتذه الي يلوعون بالجبد
في هالسنه اول سنة ادعي على استاذ بالعاده اقول انا احب الي يدرسوني لول بس هالاستاذ لوع بجبدي
في هالسنه اول مره احس اني اسوي واشتغل وما احصل نتيجة الي اسويه -_- والله وايد متعبني هالشي
وااااايد استانست يوم الخلق ايقولون لي من اي مدرسه خاصه متخرجه لوول اونه انجليزيتج حلوه الحمدلله الحمدلله كانت احلى مدحة تلقيتها خلال هالسنة بخصوص هاللغه ^-^

اعراس هالسنه كانت ورا بعض ما شالله
عرس اخوي الحمدلله وكنت غير في عرسه :$
بنت عمي عرست وكانننننننننننننننتتتتت جميله في عرسها ما شالله محد اتوقع انه بتطلع هالطلعه ما شالله والله يهينها
وعرس ولد عمي الي كان كوبي كات عن عرس اخوي لول

في هالسنه سويت وايد موقابلات وظيفية لين ما صارلي تشبع لوول بس صدق من شهر اربعه لين شهر عشره وانا اسوي لين ما اتوظفت
اغرب مقابله كانت مال ماكروسوفت صدق عجيبة غريبه -_- من 9 الصبح لين 6 فليل لوول هاي مقابلتهم جي عيل شغلهم كيف لوول
وفي شهر عشره اشتغلت وتوظفت في مكان كنت دوووم اقول مستحيل اشتغل في هالمكان لوول بس احس اني استفدت اكثر عن اغلبيت ربيعاتي الي اشتغلوا واحس بطلع منه بشي
تعبت وايد في اول الفتره لنه كان دراسه في الدوام ودراسه في الكلية ولا هناك من يرحم
فقدت وااااااايد من ربعي الخلص خاصه بعد ما اتخرجت وصرت اعيش في دوامة الواغده وحب النفس وهاي اول مره في حياتي اكتشفها -_- صدق الله يعديها على خير
على الرغم من الفايده الهائلة الي استفدتها من شغلي بس البيئه الاجتماعية الي فيه مخيسة هالفايده خاصه قلة الاحترام الي اشوفه من الشباب هذا الشي اول مره يصادفني
اتعلمت درس يديد اني لو اضاربت عشان احصل شي ثاني انا اباه ومب مقتنعه بالي عندي الله يكتب لي الخير في الي عندي والي اضارب عليه ايكون فيه شي مب زين لي
في هالسنه بعد اول مره من سنه اسوق وسويت حادث -_- ورياكشن مالي كان صياااااااااح لدرجة انه الي داعمني ما رام يرمسني -- الله لايب هذااااك اليوم *_*
وهالسنة بعد اشتريت سيارتي الخاصه وبست لي كم سياره ورصيف فيها لوول XP حبيتها بشكل لا يوصف على صبرها الله يديمه
اجازت هالسنه كانت احلى اجازه لوووووول سافرت 9 دول في عشرين يوم كانت سفره بلارحمة لنه جسمي صدق عورني بس حلووووو ه
احس ما خذت حقي من التأجيز من الكليه في هالسنه اما الدوام فمستمتعه فيه الحمدلله ^-^
وصار عندنا تو نيو بيبز وكله بنات ما شالله لووول صدق انه بيتنا بيت ابو البنات لووول الله يزيدهم ان شالله
--
من الناحيه النفسية
وايييييد صايره كسوله دراسين
واييييد حدود من مبدائي انكسرت
احساسي بالوحده وقلة الناس الي اثق فيهم دمرني
احس اني وايد انغدرت بس مب قداره اصدق هالشي ولا اتخذ له موقف
شخصيتي وايد ضعفت من هول الصدمة وكارهه اني استجبت لرغبة الغدارين في تقليل من ثقتي بنفسي
وايد متوله على ربيعاتي المخلصات الي صدق ارووم اثق فيهم
احب واتمني اني ارد للي كنت عليه وكارهه الي الي استويت انا فيه
تعبت من قلة الوقت صدق حتى قمت انسى الاشياء الي تستولي وقل تركزي -_-
ابي ارفه عن نفسي في 2009 واتمنى اني انجز شي كبير في حياتي مثل ما سويت في 2007
وراي روبرت مب مشتغله عليه -_-

[مزن هتان]

أقدر أقول ان فـ 2008 انكسرت ..!

[ملاك الروووح]

حلووووووووووووووووووووو الموضوع ..

حبيت ردود الصبايا والشباب ..

وسعيده بالانجازات والاشيا الحلوه اللي حققوها ف هالسنه ..



:

لي عوده أكيد ..

[رمــش الغـــلا]

وانابعد استاااااااااانسبت بـ قرآآية الرود ^_^

وانا حطيت كل شي في موضوعي :)