البنــــات ..

[ايه احبك]

موضوع جميل جدا جدا ...
صح كلام صريح نحن نميل للاستقرار اكثر
بس انا بقول من وجهة نظري لنقطة يمكن مب وايد واضحه واكيده
انه لو نظرنا الي اغلبية العاملات الي مب متزوجات يمتلكون القدره على العمل بكفاءه احسن باضعاف من الرجل العزابي او المتزوج عشان بتلاحظ الاغلبية عندهم وقت فراغ و تفرغ وصدقها تحفه البنات قله ما يطلعون يعني مب بشكل يومي للترفيه مثل الشباب بس من يعرسون مستواهم يقل وبشكل ملحوظ في احس انه صح لو الدوائر تفضل الحريم اكثر عن الرياييل بس احس بعد يفضلون الي مب معرسات على الي معرسات
بس قي طريقه انه نحل مشكلتكم يا ريايل بانه لو حبسنا الشباب عن العالم الخارجي الوصخ جان بتتحقق عدة انجازت XP
مثلا بنقضي على العونسه هيهي والطلاق وجرائم وتفكك الاسر والخاينات الزوجيه وبتم القضاء على البويات والزيزات والعياذ بالله
وبنخرج رياييل شرات اول قد المسئوليه في الدوائر والمؤسسات والقطاعات الشامله
--
عيب مجتمعنا هو رجاله لو يتغيرون كل شي بيرد للأفضل والاحسن
ما سبيت حد XP بس القيت الخطبة لووول

[صريح]

ذنيني


كنت اكتب و انا يالس اتريق بعد لووول

[ذنـيـنـي]

صريح و ليش مانعين عنا المنتديات
ولا حلال على مال الاي تي و حرام علينا

انا عصبت خلاص بقدم استقالتي عشان الواحات p=

[الاسطوري]

موضوع جميل .. بس مااتفق ويه صريح يعني احس مافي قاعده نقدر نعممها على الجميع يعني مب كل الحريم من النوع اللي يستقر ولا كل الرياييل من النوع اللي يتنقل على حسب الشخص والبيئة ونوعية الشغل .. الخ، مثلا احد الاقسام عندنا في الغالب يوظفون بنات مع انهم ذايقين الويل منهن يعني تلقاهن كل كم يوم وحده طالعه اجازه على اتفه الاسباب مره ضفرها يعورها مره عينها وارمه من السهر ومره مزاجها متعكر ومره يدة ام بنت خالة اخو ربيع عمها مريض او على فراش الموت فهي لازم تواسيهم وترقد في البيت غير عن اللي توه انخطبت واللي بتملج او اللي توها معرسه او اللي بتربي فتلاقي القسم فاضي يتناوبون على الغياب والاجازات عكس الشباب اللي ماتشغلهم مثل هالامور حتى لو حرارته تدق 45 يداوم << لا جيه وايد بالغت يعني اقصد الريال يمشي مايتدلع من البنات على كل شي والواقع اللي انا اعيشه هو اللي خلاني اشوف هالموضوع بالمنظور هذا

[مــهــابه]

يقـولون أهـل مكـه أدرى بشعـابهـا ، وبحكم أني ماعـرف بيئـة الشغـل والدوام عـدل

مـنوه أكثر ومنـوه أقل


بس قبل أسـبوع وفـ غـلف نـيوز ..

كـانوا يـتكلمون أنـه " فـ القطاع الخاص يعـانون من قلة المواطنات "

وكانـوا يدورون حل لـهالمشكلـه ،


وكانوا حاطين نسبه وفعـلاً النسبه قليله جـداً . . .

[شمعة أمل]

لتصحيـح المعلومـه
في الامارات نسبة الريـايل أكثر عن الحريـم، لكل حرمه أربع ريايل!
لكن اذا بنرمس عن المواطنيـن، وهالموضوع ماحدد.. فـ لكل ريال ثلاث حريم


وبمـا انه الريايـل أكثـر، فـ مافي سبب يمنعهم يكونون أكثر من الحريم في المكاتـب:)



الشي الى انا لاحظتـه
انه البنـت في هالمجـتمع تعاني وايد. أذا مب من ربيعاتها، من أهلها، إذا مب من أهلها، من المجتمع ككل! أحس انه صعب على البنت انه يمر عليها يوم كامل وماتسمع جملة" وكلاااام النـااااااااااس؟!؟!؟!؟!؟!"
البنت في هالمجتمع لازم تضحي بوايد أشيـاء عشـان تقدر توصل لـ مركز عالي في المجتـمع، اذا بنرمس عن الحريـم المتوفقات! بتحصل ناس يشتمنوها ويذمونها في البدايه، بس آخر شي يوم تنجح بتحصـل المدح و"المصـلحه".
مجتمعنا اناني بحد ما، كلحد يدور مصلحته، واذا البنت تبا تنجح، لازم تضحي!
واذا تشوفون برامج إعداد القاده، الأغلبية بنات!!




فـ عشان جي إذا الشركات يميلون على انهم يوظفون الحريم، فـ هذا هو السبب!
لانه البنت اظطرت تعاني وتضحي عشان توصل لمركزتها. والبنت طبيعتها تحاتي يا تسوي شغلها صح 100% يا ماتسويـه. والبنت بتسهـر على شغلها وبتداوم في الويك اند وبتعطي وقتها وبتنسى أهلها لـ شغلها، عكس الشاب الى عنده اهتمامات أخرى.


بس بعد هذا مب معناته انه الريايل مايضحون بشيء

[تـ ق ــهـويــ ت ـك ولـهـ~]

السلام عليكم ورحمته الله وبركاته ..


احم احم ..^^

اولا ,,,تلسم بو سنيده ع المو ضوع ,,,


ثانيا ,, اناا الصرااحة انسانه عندي اعتقاد في باالي واناا ما اعتقد اغيره ,,

المهم .. ماهوو هذا الأعتقاد الذي أومن به..

هو ,,, انه الأسلام اعز المرأه واعطاها حقووقهاا قبل كل شي وقبل اي حد

وهااذيل الي قوولون حقوق المرأه وماادري شووه ..خراطين

هذيل ماايسموونهم مدافعين عن حقوق المرأه هاذيل يسمونهم هاادمين أنوثة المرأه


تعرفوون ليش ؟؟؟!!!.....









لأنه خلو المرأة مثل الرجل تتعب وتركض ادور شغل وتروح منيه ومناك وتهمل بيتها وعيالهاا ..

""لاحد ايي ويقوولي عاادي ترووم توفقك بين بيتهاا وعيالها وزوجها.. وشغلهاا""


بعدين نحن ياا النساء المسليمات الله عزنا واكرمناا وخلناا مثل الأميرات والملكات نيلس في بوتنا ونرعاا عيالنا وأزواجناا

انتم تعرفون انه نسااء الغرب يحسدوونا نحن يالمسليمات ع هاا الشي

تعرفون انهم يقوولون ياليتنا بدالهن هن يالسات في بوتهم مثل الملكات ونحن نركض لمساواة الرجل في الحقوق وفي الأخير نحن الخاسرات لأنه باتو ينضرون إلينا كالرجال ...ونسوووا انوثتناا التي ضااعت ونحن نبحث عن المسواه مع الرجل في ميادين العمل

في الاخير اقوول لاتنسوووا أنه الله جعل القوامه للرجال

ونحن يالحريم بس نيلس في البيت نطيع ربنا وزجنا ونربي عيالناا

وماعلينا من شي ثاني..والزوج الي هو الرجل .. هو عليه انه يصرف ع البيت ويحميناا ويؤمن مستقبلنا


اووه .. تعبت واناا اتكلم.. خخخ ..((عاد اونه ))..ههه

تقبلوو مروري .. أختكم ..ﺧﻟﮱ معي

وشكرا...^^

[تـ ق ــهـويــ ت ـك ولـهـ~]

ويعني بالعربي ...

يالحرمات لا تروحن تشتغلن .,,, ^^

خخخخخخخ

بس والله موو حلوو اتعب عمري وانكرف عاان شوه عشاان بس استلم أخر كل شهر كمن ألووف

ايلس في البيت وباباتي الله يطول عمره يصرف علي ..

ويوم بروح بيت ريلي هوو بيصرف علي ليش اناا اتعب عمري .. التعليم وتعلمته ليش اشتغل ..

ان حدتهاا الظرووف المرأة تروح تشتغل

وبث هااألي عندي .. ^^

[تـ ق ــهـويــ ت ـك ولـهـ~]

وخلوو الشباب هم يشتغلون وينكرفون .ز ويتحملون المسؤليه

وانتن يالبنات يلسن في البيت .. وانشااء الله تعرسن

لأنه أغلب الشباب ماا يحبون حريمهم يشتغلوون .. ^^

ادري واايد هذربت بس شووه اسوي عيبني الموضووع ....خخخ^^

[بدويه متحضره]

الســـؤال يقول :

لو تلاحظــون ولو تركزون أن في أغلب الادارات أو المؤسســات .. يتواجد فيهــا العنصر النســائي أكثر وبكثيـــر من تواجد العنصر الشاب .. يا ترا شو هوه السبب ؟ هــل لأننـــا ما ننتـــج ؟ أم لأن نحن ما ننتــج كثر انتـــاج البنــات ؟ أم لأن البنـــات شطار أو متميـزين ؟ شو هوه السبب .. منو يعرف .. منو بيكتــب لنـــا الـ reasons .. منو بنورنـــا بأفكـــاره ؟؟

تعرف ليش أكثر المؤسسات يوظفون بنات لأنه أكثر البنات مكملات تعليمهن الجامعي والا الشباب (بعضهم مب كلهم) الحين فكرو إنهم يكملون دراسه

وبعدبن البنات إنتاجهن أكثر عن الشباب والا الشباب أكثر شي شرده عن الدوام (مب كلهم البعض) ما ادري شو السر البنات يحبن الكراف

حقيقــــه :

أغلب الشباب متواجديـــن في الميالـــس .. يلعبون ورقـــه .. ونسبة البطاله للمواطنين بنسبة 49 % .. و الكثير منهم متواجدين فالسجون للـتعاطي بالمخدرات .

هيه والله صدق الرياييل كله حياتهم ميالس والا سينمات والا مولات (حتى البنات بس مب كثر الرياييل)
سؤال آخــر :

- هل لو حطوا الشباب بدل البنات في الهيئات الحكوميه وغيرهــا .. كان بيعتــدل الحـــال .. هل نسبة الزواج بترتفع ؟ هل نسبة المواليد بترتفع ؟

ما يخصه لا بيعتدل الحال ولا هم يحزنون الا بيدمرون الهيئات

- ترا .. البنـــات شو يسوون في المصروف الي يحصلونه ؟؟ يعني بشكل عام ؟؟

انا عن نفسي ما عندي مسؤوليات يعني اصرف على عمري بس وما اقصر ويا الوالده وخواتي الصغار

البنات يفكرون أحسن من الشباب يعني اكثر الراتب يوفرنه مب الشباب آخر الشهر مشي تم في الرصيد الا من رحم ربي

بس أخس شي في البنات الغيره يعني تلاقي كل وحده تغار من الثانيه غير عن الحش في خلق الله يعني يشتغلن ويحشن (ما أدري كيف يركزن في الشغل أكيد فيه سر)

ومشكور عالموضوع

[فديتني غير]

ههههههههههههههههههههههههه ههههههه
ههههههههههههههههههههههههه ههههههههههه
ههههههههههههههههههههههههه ههههههههههههههههه

[ترانيم الغلا]

الســـؤال يقول :

لو تلاحظــون ولو تركزون أن في أغلب الادارات أو المؤسســات .. يتواجد فيهــا العنصر النســائي أكثر وبكثيـــر من تواجد العنصر الشاب .. يا ترا شو هوه السبب ؟ هــل لأننـــا ما ننتـــج ؟ أم لأن نحن ما ننتــج كثر انتـــاج البنــات ؟ أم لأن البنـــات شطار أو متميـزين ؟ شو هوه السبب .. منو يعرف .. منو بيكتــب لنـــا الـ reasons .. منو بنورنـــا بأفكـــاره ؟؟

أناا معاااك في ظاهرة انتشار العنصر النسائي في الادارات والمؤسسات ..
السبب هو من رأييي مب لأن الشباب مايقدرون ينتجون .. بالعكس بعض الشباب يقدرون ينتجون أكثر من البنااات وبعضهم اذكياء ويقدرون يتفوقون فشغلهم .. أتوقع السبب ان ألحين أكثر شي يعتمدون عالشهادات وخاصه الدبلوم العالي والبكالريوس .. وايد شباب يدخلون الجامعه ولا الكليه أول سنة ويظهرون خلاص ملينا نبا نشتغل وهم عندهم شهادة ثناوية .. والاهل مايقدرون يمنعونهم لأنهم شباب .. مب مثل البنت ألي تدخل الكليه وتطلع منها بسهوولة .. وايد أهل يصروون أن بنتهم تكمل وتاخذ شهادة عشان تشتغل وترفع راسهم .. لكن القليل منهم هالايام يمنعون بنااتهم من الدراسة فالكليه ..
أغلـــب الدواائر والمؤسسات يطلبون الشهادات ,, ولكن القليل يطلبون شهادة الثنااوية عشان مايعطونهم معاش مرتفع ..


حقيقــــه :

أغلب الشباب متواجديـــن في الميالـــس .. يلعبون ورقـــه .. ونسبة البطاله للمواطنين بنسبة 49 % .. و الكثير منهم متواجدين فالسجون للـتعاطي بالمخدرات .

والحقيقة أيضا أنهم ناس فاضيه ومب عارفه كيف تبني مستقبلهم .. يدمرونه بييدهم وعقب يندمون !! مهما ننصحهم يقولون نحن ريياااييل ونعرف مصلحتنا !!
الله يهديهم ان شاءالله ..



سؤال آخــر :

- هل لو حطوا الشباب بدل البنات في الهيئات الحكوميه وغيرهــا .. كان بيعتــدل الحـــال .. هل نسبة الزواج بترتفع ؟ هل نسبة المواليد بترتفع ؟

والله على حسب مطلب الشاب .. شي شباب يبون يشتغلون عشان يلعبون بفلوسهم ويتمتعون فحياتهم بزياااده
لكن أوااافق إذا كانوا الشباب صدق نيتهم انهم ايمعون بيزاتهم ويتزوجون .. بس حراام بعد يمنعون البنت من الشغل لانها مابتشتغل إلا وهي محتاجه تصرف على عمرها وعلى أهلها .. البعض طبعا ..

- ترا .. البنـــات شو يسوون في المصروف الي يحصلونه ؟؟ يعني بشكل عام ؟؟
انااا بقول بشكل عام والواقع إلي أجوفه جداامي مب عن كل البنات طبعا
يقولون :
أول ما أشتغل لازم أشتري سياره .. وبعطي امي وأبوي مبلغ حق مصروف البيت كل شهر .. نص المعاش طااار حق المشاري والحوااطه .. ويمعتلها كمن بيزه فالبنك حق الايام السودا .. وبس ^_*

والاسئلــــه لهـــا بقيه .. ونتمنـــــــى تواصلكم معــــانا .. وبنظري الموضوع يستـــاهل انكم اتشاركون ونتمنـــى ما تاخذون الموضوع بمحمـــل شخصي ولكـــن اتمنى انكم تاخذونه بجديّــه وبنقــــاش تصل حرارته لزوار الشبكة العنكبوتيه .. !!


أتمنى أني ما أكون ضايجت حد من كلامي ..
وشكرا عالطرح المميز أخوي ..

أذكّـــر هذا السؤال مش للبنـــات فقـــط .. للشباب أيضــا.

هذا ولنـــا عوده ان شاء الله ،،

بوسنيده .



بإنتظار القادم