عليكم السلام و رحمة الله و بركاته
حلم الطفوله
ما هي أسس اختيارك لمسمى صديق ؟
موضوعج هذا خلاني أكتشف أنه ما عندي أساس معين في اختيار الصديقات
لانه بالنسبه لي تكوين الصداقات مب شي صعب أو أنه له قوانين
امممم.. بس في محيط الدراسه أكون متحفظه شوي.. من اللى أشوفه
لانج يوم تكونين موجوده في مكان معين لفتره طويله يكون وايد سهل أنج تكتشفين عيوب الناس اللى ممكن أنج ما تتحملينها
و في النهايه تراه مثل ما يقولون "الطيور على أشكالها تقع".. يعني كل اللى أرابعهم أطباعهم تكون قريبه مني
بالحظ يظهرون جيه مب انا اللى أتنقى
.
وما هي درجة مصداقيتك مع صديقك ؟ بمعنى هل تقول له كل شيء في أي وقت ؟
لا مب لهالدرجه.. الناس اللى أقدر أقول لهم كل شي ينعدون.. و الصديقات مب منهم
بس شو يعني درجة المصداقية؟؟آسفه عالسؤال الغبي بس أبغي أتأكد
انتي تقصدين أنه إذا كنت أخش شي عنهم ولا ما أقول لهم الصدق؟
إذا هذا قصدج.. أنا مستحيل أني أقص عليهم.. بس إذا عندي شي ما أبغي أقوله فـ ما بتكلم عنه جدامهم
و إذا سألوني عنه.. فـ بخبرهم.. ما عندي حل ثاني ..!
.
هل الحديث الدائم مع صديقك دلاله على قربك منه ؟
لا.. لكل شخص ظروفه
بس السؤال وايد مهم بين فتره و فتره
.
ما هي الأمور التي تتوقف عندها الصداقه ؟
إذا ما كان شي احترام متبادل
.
هل صدمت باختياراتك للاصدقاء وندمت ؟
هيه.. صداقه دامت خمس سنين.. و آخر شي انتهت لسبب تافه
و يوم أتصل بها تقول انها وايد مشغوله عشان جيه ما تسأل
بس عقب اكتشفت انه علاقتها بالباقين ما تغيرت.. إلا أنا
لكني ما ألومها لاني يوم كنت أسمعها تقول انها مستحيل تسامح اللى يغلط -و لو كان السبب سخيف- ما كنت أقول لها شي
و هاي النتيجه
.
.
حلم.. من زمان ما كتبت رد طويل اتصدقين؟
رد مع اقتباس
مواقع النشر (المفضلة)