مرحبا بج اختي في هالموضوع اللي دوم اعاني منه، واللي كنت اتكلم عنه، بس الكثير من هل الواحات يفتكر إني أبالغ

أو أحب أطرح مواضيع يديده، بس صدقيني، طيعا اتكلم عن عمري ولحد الآن ما عندي صديق بمعنى صديق !

هل العيب فيّه أنا ؟؟؟ ما عرف ... حاولت أشوف عيوبي

صح إنه لي علاقات كثيرة و اجتماعي ... ولكن ما عندي حد جريب مني ..

في الفتره الاخيره انا وواحد من الاهل استويا جراب من بعض، ومع هذا في اشياء ما اتكلم عنها وياه، يعني

بعد احتفظ بشغلات لنفسي، ويوم قلت في خاطري إني حصلت واحد يستحق الصداقه، الاخ بيتزوج جريب ...

أما الأسس لأختيار الصديق، أشوف كيف اسلوبه ويايه، يحترمني .. الخ وبعدين ممكن اكون وياه أما درجة المصداقيه

فأنا صادق مع الكل، لكن إذا ما أحب اتكلم بشي افضل الصمت، يعني مب كل شي ينقال ...

إذا دوم اتكلم مع شخص معين هذا يعني إنه جراب من بعض ..

وفعلا ندمت على صداقات ... وتركت البعض والبعض تركني ...

ما أحب أكون مع انسان يحب يعرف كل شي ويحتاج كل شي ووقت ما نحن نباه يخلق لك مليون عذر ..

الصديق اللي يحبني وقت ما هو يبغي، ويوم يسير يعتمر ما يخبرك، على الاقل استسمح من الناس ...


حلم الطفوله الاحسن إنج ما تتسرعين في اختيار الصديق وتخلين المواقف تحكم من يكون صديقج، وما تقولين

كل اللي عندج، مب قصدي تقولين أمور مب موجوده ولكن انتقي الصديق مع الصدفه .