يالله ندخـــن !

[عذبة الروح]

مافی احلی من ریحه اگسیجار الکوبی الأصلی
الی یتنقع فی مای بارد یومین

ما يخصني بـ السوالف هذي لكن هـ الرد أجبرني اني اكتب شي هني
السطر الثاني بردك اخويه ..
ينم على انك (..... سجاير) واتمنى ما يكون هـ الشي صح :(

--- --- --- ---

عن نفسي تييني قشعريرة بـ معناها
يوم اشم ريحة شخص مجرد انه مر عدالي وريحته سجاير
فـ ما بالكم لو قاعد يدخن جدامي .. وعلى الهواء مباشرة اسميني .. بـ اختنق واموت


المصيبة أكبر واعظم بالنسبة لي؟
ليش .. انا اقولكم

وايد اتحسس من الروايح
ردة فعلي بـ اللحظة تنعكس على شخصيتي & ويهي

.....

والبلا ..
يوم اييني مريض على العيادة وريحته سجاير .. واشيك على ضروسه وعالجهم
أحاول اعديها .. والله يصبرني

ابتديها بـ إحراج المريض واقوله يتمضمض بغسول مطهر .. عسب يحس انه ريحة حلجه خايسه
وانهيها باني احط دبل ماسك على ويهي وارش عليه عطر

لكن وبكل الاحوال تبقى ريحة السجاير موجوده
ولكن شي اهون عن شي :(


هذي معاناتي
والحمد لله ربي..
شخصياً ما اعرف حد يدخن من العايله الكريمه .. وان شا الله ما نعرف :)

[ذنـيـنـي]

نتانه و قذارة !!
ما اشوف السيجاره فيها نتانه و قذارة
مضرة, نعم
لكن قذرة و نتنه !! اعارضك في الراي بكل صراحه

بالعكس ياخي انا اشوف انه بعض انواع السجاير شكلها جدا راقي و انيق
و في النهاية هالشي يعتمد على الشخص الي يدخن لأنه في ناس يدخنون بخبال و ناس يدخنون بعقل

حتى السيجار الكوبي الاصلي غييييير مثل ما قال مجموعة انسان
تحس انك شخص راهي يوم اتدخنه


عالعموم يظل كلامكم وجهات نظر يتغير مع تغير الشخص و شخصيته و طريقة تفكيره و نحن بدورنا نحترم جميع وجهات النظر حتى لو خالفت وجهات نظرنا

[الهيثــم]

~ تبقى وجهة نظرك ~

[صريح]

Hoyo De Monterrey cigars

Double Coronas



من اجود الانواع ... ما اعرف اذا موجود فلبلاد ..



مدخن سابق

[مجموعة إنسان]

صريح
هذا صعب تحصله في الأسواق


بس تحصله في السوق الحرة
اخر مره ابوي يابلي نوع حلو مب موجود هني

[أنامل قلب]

هذي بعد حلوه ، ومن أجود الأنواع :




بس بتلاقونها وايد في البلاد ..

[مزن هتان]

" اللهم احفظ و اهدي و ابعد أبائنا و أخواننا و أبنائنا من و عن هذا السُم "

وايد أخاف من هاي الصوره يا سكون

[مزن هتان]

صور يحبها قلبكم

:: :: ::



:: :: ::

[الهيثــم]

فاعتبروا يا أولي الأبصار

[ألم ترى]

الله يشفينا ويعافينا من هالأمراض

[أنامل قلب]

قوية مزن !
اول ما شفت الصورة الاولية قعدت امسح اديني !!

من اسبوع تقريبا الدكتوره تسألني كذا سؤال ، ودخلت تالي بسوالف التدخين ،
عساس رايحه اسوي جيك اب ، بس مادري كلامها ذكرني بالموضوع وتميت !

المشكلة اني ماروم اتكلم ، لأني احس مادري الناس ما قامت تستوعب الكلام ،
قامو يعتبرونها مجرد شي مكرر / وترى الكل يدخن ، يت علي أنا يعني ! << كلام من هالقبيل ..

اللي يعور القلب اكثر ، لمن يتكلمون عن حالات ناس مادخنو بحياتهم ولا مره ،
بس متأثرين من اللي يدخنون حولهم ، وكأنهم يضحون ابهم !

الله المستعان ، ويبعد عنا كل داء / ويديم علينا عفوه وعافيته ..

[مزن هتان]

" ربي يشفيهم من هـ البلاء "

إهداء من نوع آخر أخواني

<object width="425" height="344"><param name="movie" value="http://www.youtube.com/v/GjJaTFyNFp8&hl=en&fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/GjJaTFyNFp8&hl=en&fs=1" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

[الهيثــم]

^^ إن شاء الله ،، وربي يعيينج على هالشغلـة ..

أنا عندي نفس الحالة ، أتحسس من الروايح ، يعني إذا حد واقف عندي ف الصلاة وفيه ريحة من أي نوع ، أتخبل ، ما عرف أصلي ..

[عافك الخاطر]

انا وحدة تؤمن بأن التدخين مثله مثل اي عادة سيئة يمارسها الشخص وتضره يا جسدياً أو نفسياً ..واللي يبغي يودر اي عادة سيئة يحتاج انه يكون صادق مع نفسه و يدور عن السبب اللي خلاه يمارسها و بعدين تكون عنده قناعة تامة ان اللي يسويه غلط *وهالشي معظم المدخنين يعرفونه عشان جي تذكيرهم بالاضرار ما ينفع احياناً* و بعدين تكون عنده عزيمة وإرادة قوية وصبر و دعم من اللي حواليه عشان يقدر يترك التدخين والا ما كانوا بيسوون جمعيات لهالسوالف..
وشي نقطة ثانية ..الاعلانات التوعوية مب دايماً اتييب مفعولها عند كل المدخنين .. لأن أسباب لجوئهم للتدخين مختلفة ..شخص ممكن يتأثر بصورة او إعلان لأنه لمس شي في داخله بس غيره ما أثر فيهم.