عن السرعه

[المزوحي]

بخصوص الردارات اليديده، وبصراحه وايد مركبين هالفتره، في شوارع مانقدر فيها 80 يعني على الاقل 100

ومن غير نحن شاخطين الدوام، يقهرونك الاوادم يوم تبغي تجاوز وتسرع تلقى هذا في طريجك



الحين هذا شو فصيلته بعد ؟؟؟

هو بدون فلاش ؟؟؟ وهل يصورك إذا مب رابط حزام ؟


اول شي شفت 2 ومن ايام بين كل 2 حاطين 1

بلاهم يمتصخرون ...

ومركبين رادار فلاش لكن القصير بش شكله مب هين، وفلاشه اقوى عن الجديم

[مزن هتان]

ظني الا gun اللي يتحجون عنه
هاك اليوم راده من العين و لا مسويتن له سالفه
مادله عاد جان الا قبضني


شكله غلط، تعودنا عـ الصناديق

[عفاريتووو]

صدق وايييد مصخووها
كل شوي رادار .. الواحد ما يقدر يمشي !!

خصوصا معبر خليج التجاري .. شكثر مركبين رادارات فيه !!!
ما قالوا جي عاد ..

اذا هذا هو gun .. مب بس يمسك المسرعين
حتى اللي مو تاركين مسافة .. فانتبهوا ..

بس اظني gun هو المتحرك اللي يكون مع الشرطي ..

[المزوحي]

عفاريتووو اللي ماسكينه الشرطي غير، اقصد اللي في الصوره شارع المعبر التجاري حاطين كذا واحد

خوفي يمسكنا ونحن راكبين الموتر من بيتنا، إذا بيمسك من مسافه، قبل نكون حافظين مكان الرادار ونخفف السرعه يوم

نوصل جريب، أما هذا بيسمك من بعيد، ماشي مجال نخفف، يعني نسوق بالسرعه المحدده من أولها !

[شوق القلوب]

السلام عليكم..

هذا شو يعني..؟؟ يعني مب لازم اتطوف بمحاذاته عشان يزخك..؟؟! يعني عادي و انت ياي من بعيد يقيس السرعه كم قبل ما الواحد يلحق يخف ..؟؟!

[أنامل قلب]

شفته ،، وسيده خمنت انهم طورو شكل الصندوق ^^"

[شرجاوي]

اذا شي اضاءه كافيه .. بيصور بدون فلاش ..

[مايهزك ريح]

انا اليوم ما شاء الله عليه خاطف عليهن برق .. الله يستر جان ما ينسحب الموتر مره ثانيه ..
بس ما رمت اتحمل .. اللي جدامي كانوا يدحون بريكات .. كل ما ايشوفونه !
بس شي منهن حاطينهم حتى لو شي رادار عداله !

الي قاهرني انه ما شي سرعه محدده عشان الواحد ايعرف كم يمشي

[المزوحي]

ايوه شوق ...


سكون الاشكال تختلف ونحن نتوهق

شرجاوي .. صافينهن صف

مايهزك ريح فكرت ابيع الموتر ( الواحد مايقدر يدوس ) محددين 100 عقب شويه ونفس الشارع 80 مره ثانيه 100

وعقب 70

[مايهزك ريح]

اذا انته بتبيع الموتر.. عيل انا شو اسوي ..متعود على الدوس ساير راد ما اروم امشي شوي شوي !

[خيال الحب]

ماقول غير حسبي الله ونعم الوكيــل,,



لاني مخطف عليهم كلهم

[مايهزك ريح]

^
ههههههههههه طلع في واحد مغفي مثلي خخخخخخخخخ

[المزوحي]

كل يوم وانا امر شارع زعبيل لازم حد يصوره الرادار ( يوميا ) احس الناس مب مستوعبه إنه 80

شكلهم بيكنسلون مخالفات الناس، وإذا مريت بالصدفه في الليل لازم اشوف حد يمسكه

[خيال الحب]

بن عمي ما يهزك ريح هههههههههه

ياخي هالرادارات والله مسببه لي ازمه.. وانا امبونييييييي ابد ماشووووووف عدل بالعافيه اشوف الشارع


الله يستررر من رادارات هالسنه>>شكلها بتوصل ال10الاف

[شرجاوي]

خذولكم دراجات و فكوا عماركم من الرادارات