مجلس الأصدقاء ،،

[حلم الطفوله]

هلا عهوده

انا سهرانه هالأيام ...

شخبارج يا قمر :)

[عهد الوداع]

حلم سهرانه ...(:

تمااام ...وانتي شوو اخبااارج ... شوو تسويييين ... يا حلوه ,,

[حلم الطفوله]

بخبرج شو أسوي ويا عهوده .... بس ركزي وياي ولا ترقدين :)

داشه الواحات وأتنقز ومن مكان لمكان .... وداشه المسن وأكلم أغلى وحده بحياتي الواحاتيه

وأفكر بناس امغصصيبي وأبا أسامحهم بس مب قادره !!!


وأفكر متى بيعتدل رقادي وخصوصا إنه رمضان جريب ....

وأقرر ويا بنت أخوي إلي امجابلتني وين بنسير باجر !!!

شفتي ...حد ضايع مثلي بالأحداث كلها :)

[عهد الوداع]

ونااااسه مب نفسي سهرانه برووحي ..

عاااد الرقاد يعتفس زيااده في رمضااان ما بتقدرين هههه ... ^_^

والله انا سطلت شوي وبرقد ..عاد باجر الجمعه ولازم شوووي اقووم من وقت ,,,

[حلم الطفوله]

أفا يا عهد !!!

الحين بتخليني أحرس الواحات بروحي

تصبحين على الطاعه

[المزوحي]

جمعه مباركه

[الموز]

مساء الخير، محد في الميلس

[مــهــابه]

| مرحبـآ الســآآع


~ يمـعه مبـآركه ع الجمييييع



اليـوم رقدت من الخاطر ، من عقب صـلاه الفير يليييين يأذن العصر وكـآن في خاطريه آكمل لكن كنت أدري انه امييه ملانه ومحد عـندها فـقلـت لآزم انش


يبـون يودوني ارقد عند ختيه يومييين وانا مابــا ، مااحب ارقد برع البيـت


شحـآلكم ؟ شخبــآركم ؟ مممم شو مخططاتكم للـيوم ؟

[المزوحي]

هلا مهابه

ليش هذا كله، ليش ماتعدلين رقادج، حتى لو إجازة ...

اليوم نحن معزومين على العشاء ..!

[مــهــابه]

المـزوحي :

ارقـادي معتدل ، احسن عن قبل بـ وايد ، قبل كنت ارقد 10 الصبح وانش 6 المغرب

لكن هالاسبوع ماكنـت ارقد عـدل امررره ، يعني ارقد مال 4 ، 5 ساعـات بس ، فـ طلعـت رقـآد آسبوع كـآمل

وبعديين انا لـو رقدت 1 ولا 2 بـتحصلني نـاشه الفـير ومابقدر ارقد عدل، فـ اتم لين يـأذن الفير وخلاف ارقد


عـسب مـآ آنش


~ حلــوو ، من زمـآن مـآصـآرت عندنـآ عزيييمه ، ممم آخر عزيمه كانت الشهر اللي طاف

[المزوحي]

زين مهابه

وشو بعد .. وين آخر مكان سرتوا له ؟

[مــهــابه]

ممم مـاطلعـت من كم من يـوم ، على اساس اني بروح دبي مول اخلص باجي اغراض الجامعه

وعلى اساس اني بروح افصل عبي للجامعه ، و المفروض ارووح العـين اليـوم لكن ! كل المخططات اتكنسلت

[المزوحي]

افا .. ليش جيه

إن شاء الله تسيرين دبي مول باجر، اليوم زحمه ...

[مــهــابه]

طـول الآسبوع زحمه ، يوم الأحد روحت مول الامارات كان شبه زحمه ، روحت اليوم اللي عقبه على طول وكانت الزحمه مش طبيعيه ، تخلي الواحد يتنرفز ومايعرف يشتري شي ، يمكن لاني روحت ف وقت متأخر ماادري

المشكله يوم المول يكون زحمه ماتاخذ راحتك وماتقدر تشتري شي

[المزوحي]

انا قلت حق الجماعه‘ إنه ما قام يعيبني مول الامارات، صح المولات بشكل عام فيها حركه، لكن هذا المول كل وقت

اسير له جيه، يعني السبوع اللي فات عندي إجازة وسرت الصبح، مادري من وين يطلعون هاذيل ... قلت يمكن يكون

هادي، ما احب الزحمه ...