مجلس الأصدقاء ،،

[الهيثــم]

يالمزوحي ..

ذكرهم بحديث الرسول صلى الله عليه وسلم : ( من حسن اسلام المرء تركه ما لا يعنيه )

~

وإن الله جميل يحب الجمال ، الإنسان لازم يهتم بمظهره ، مب بشكل مبالغ فيه إنه يمصخها ، ولا إن بشكل مزري وتشفق عليه ..

الإنسان لازم يكون شكله مرتب ونظيف وكاشخ ..

[المزوحي]

خــّطاب الحين كل حد عنده سيارتين ( الله يخليها لك )

رمش الغلا في رياييل عوذ بالله ( الحمدلله )

[المزوحي]

خــّطاب ما احب اللي يبالغ ، ومثل ما قلت لك صح احب الماركات بس مب بشكل ماصخ واللي يسونه .. المهم

واحد من هاذيل ... ملتزم ، يعني بالصلاة وما يخصه بحد .. بس مادري ليش يخلون شكلهم مبهدل

وهذا الشي دوم ... ذكرني بأولاد الفريج يوم يركبون السيكل وينسحت النعال .........

[أنامل قلب]

مززززن ، حياج قربي بنتعشى اليوم ورق عنب ، بعد معاناة اللف أمس P=
على فكره انا متعقدين مني بسبة هالورق عنب ، مافي ظهره اظهرها إلا اطلب فيها ورق عنب جان بنقعد ناكل ،
حتى لو المطعم مافيه ، اسير امر ع أي مطعم ثاني قبل اسولي اوردر ، كرهت رفيجاتي بالورق عنب ^^"

اختي دهن العود ، كاني موجوده بس التهيت اليوم بكذا شغله ، ما تقصرين عالسؤال ^^

أخوي مجموعة ، حياك جان بتذوق ورق عنبنا ، وعن تكون مصدق سالفة الكركم لول
هي البهارات العاديه اللي تنحط بالعيش نفسه لا اكثر ^^"

أخوي المزوحي ، ادعيلنا بس ، ان شاء الله نفج من عقدة السهر ،
وبخصوص السالفة اللي طريتها ، فـ بشكل عام الريال المفروض يهتم بنفسه بقدر الحاجه ،
لا انه يقصر بحيث ينسى النظافه ، ولا انه يبالغ ، لأنه فيها تقليل من هيبة الريال ،
مو حلو عالرياييل يعني الاهتمام الزايد ..

بس خل عنكم هالسوالف ، شو تبوبه الموظف احليله ^^"

,

وشووو بعد ، ان شاء الله ما نسيت أحد ..!

[المزوحي]

لازم تودرين عنج السهر أنامل

حاولت إني اتجاهل الموظف ، وخليته .......... بعد فتره طلع واحد غيره مثله وربعي خبروني عنه ..

يا حبهم حق هالسوالف ..... بس مب شي خلنا منهم

شو اخبارج أنامل ؟؟؟

[الهيثــم]

المزوحي ، يبتها ع العوق ..

قبل كم يوم كنت يالس مع ريل بنت خالي ..
وكنا نرمس في هالسالفة .. إنه في فئة من الشباب اتلاقيهم كشيييخة وحالتهم حاله .. لكن من يلتزمون بهدلوا اعمارهم وكناديرهم أي شي ، يعني اتلاقي شكله مبهدل .. ما دري شو يسمي الي يسويه ، هل هو زهد ، ولا فقر ، الله اعلم .. طبعا مب الكل .. بعضهم ..

أوكي ، هل هذا الشي من الشرع !!!
بالعكس الإنسان الملتزم ( ما أعمم ) لازم يمثل صورة طيبة لهذه الفئة ، بأخلاقه وشكله ومظهره الطيب جدام الناس ..

وترا الدين وهدي الرسول صلى الله عليه وسلم يحثنا على النظافة والاهتمام بالمظهر .. وإن الله جميل يحب الجمال ..

[أنامل قلب]

إي صح قبل نسيت مزن ، يزاج اللخ خير عتذكيرنا بخصوص الأيام البيض =)
مع اني بالخمس مابروم اصوم ، بس اممم ان شاء الله خير ..

,

أخوي المزوحي ، ان شاء الله عمي ، بحاول !
وتم على تجاهلك لمثل هالأشيا ، عن يبتليك رب العالمين بشي شبيه فيه تالي ..

الحمدلله بخير ، وانتو شو مسوين ، شو سالفة طاري السيايير اللي خربتو ابها الميلس P=

[الهيثــم]

انامل .. يقولون إنه المزوحي ياخذ لفة على أذواق الأعضاء وناوي يشتري لكل عضو السيارة إلي يباها ..
حتى الحين يحاول مع دهن العود عشان يعرف أي لون في خاطرها ، عسب يسير يظهر لها الرنج .. لول

[المزوحي]

صدق أنامل ما أعايب عليه، بس أقول حرام يسوي بعمره جيه ... ما ينطاق
خطاّب ... وفي منهم يلبسون نعال اصغر عنهم برقمين او مرات يتم مطلع نص ريله برع ومثل ما تقول يمكن يقول زهد
بس في شي غريب عندنا .. واحد ويانا ملتزم ولحيته طويله وكندورته قصيره ... وعنده من هالمواتر البكب
فجأة شل اللحية وخذ له ألتيما ويشاوح في الشارع ... استغربت يوم شفته يسابقني ونحن ظاهرين من الدوام
وعقب يخف ويرد يسرع ............

[المزوحي]

خطّاب .... صدق بتنزل شهر 11 يمكن بنكلم الطاير يسون خصم بناخذ هنتين لووووووووول

خطّاب بشوف لو اقدر اكلم لك حد عسب الشفر هههههه

[الهيثــم]

^^ هههههههههههه .. يمكن في خاطره يترايس شوي ...

والله يهديه ويصلحه ، ما تعرف الظروف إلي يمر بها .. مرات ينجبر يسوي جي ..

[المزوحي]

زين في خاطركم شي جماعه بترخص ؟

[رمــش الغـــلا]

سمعت ان حد بياخذلنا مواتر لول ..

صح هالخبر والا .. عسب اصف المواتر اللي فخاطري =)

[الهيثــم]

سلااااامت عمرك شيخنا ، دعوااتك بس ..

[بحر الموده]

سلام عليكم
شخباركم ماشاء الله المكان انجلب الى واحة السيارات خخخخخخخ
فديت الاليمه التيما ارتاح لها وايد
ماتقولك لا 6 سلندر انت والخير رباعه رشه على الخط وروح