مجلس الأصدقاء ،،

[أنامل قلب]

الشر ماييكم أخوي ..

الله لا يبلاكم ، ماتم شي ابـ بطني إلا وظهرته خخخ
مع ان اكره ماعندي اني استفرغ ، بس ارتحت عقبها ولله الحمد !

قطعوني كلحد يقط علي كلمه :
ـ مادري شو ماكله ومخبصه بالاكل .. > لأني وايد أمكس بالأكل ^^"
ـ أكيد مو ماكله شي !
ـ ماتاكل مثل الأوادم !!"

بس صدق الواحد مايحس بنعمة العافيه ،
إلا لمن يتعب ولو كان ابـ صداع خفيف !

الحمدلله / واسمحولي جان قرفتكم =#

,

وشخباركم بعد ^^"

[الهيثــم]

شـ عقبه ! .. لول

[المزوحي]

السلام عليكم

اش حالكم ؟؟؟

والله إني رديت من الدوام وانا الحين في البيت، بس عشان ما ارتكب جريمه في مسؤولي، على كثر ما تحترمهم

هالوافدين، ما يحترمون نفسهم ....

شو أموركم ؟؟؟

[رمــش الغـــلا]

^ لوووول

الحـآل من بعضه .. ولاجني تدريب صيفي عندهم ..!
قمت أعرف كيف اتصرف وياها
الشغل اللي تعطيني اياه اخليه حق اليوم كله واذا خلصته بعد ما اخبرها لانه بتكرفني بعد ..!*
الله يهديهـآ بس ويصبرنـآ لول ..

[المزوحي]

هو من ناحية الكراف، الصراحه اكرف، لكن ما احب اسلوبهم ويايه، واااااااااااااااااااااااا ااااااااااااااااااااااااا ايد تغاضيت

وكل شي له حد اختي ... اسلوب الاستهبال ما يعيبني ...

[رمــش الغـــلا]

اللهـ يعينـــك أخوي .. ^__^

[الهيثــم]

عصب مرواان ..

أعصااابك الغالي ،، ما يسوون ظفرك .. أفا عليك انت بس ..

[المزوحي]

خــّطاب ... تراني ساكت من زمان عنهم، ودوم أقول حق ربعي، عاملوهم زين، حشى استوينا مظيفين طياره

من كثر ما نبتسم لهم، بس اشوفهم مب ويه حشمه ..

[أنامل قلب]

^ بالاول الحمدلله ع سلامتك اخوي ، ماقمت تنشاف !
ثانيا ، حلو اسمك ما شاء الله لول >> اوني اهدي الوضع ^^" / بس لا صدق وايد يعيبني هالاسم !

وثالثا / ياكثر مانشوف الموظفين يتشكون من زملاءهم او رؤساهم او أيا كان ،
لكن حاول اخوي تجمع بين الاثنين ، تلين وقت اللزوم ، وتشد وقت اللزوم ..!

والله يعينك "

[الهيثــم]

^ مروان ما عليك من أنامل بتضييعك تراها .. لول سوالف

والله حاس بشعورك يا ريال ، ويوم بيئة العمل اتكون بهالطريقة تكره عيشتك واتحس انه الوقت ما يمر
وما تشتغل من خاطرك .. بس بعد الحمدلله شيخي إنه زملاءك ناس متفهمين وقلوبكم ع بعض ، إذا إلي فوقك هاي تصرفاتهم
طنش بن عمي ولا تعور راسك وياهم .. سو شغلك وما عليك من حد .. والرزق على رب العالمين ..

[المزوحي]

اهلا أنامل قلب ... شكرا على الكلام ...

اليوم ياني واااحد ( موظف يديد ) سألني عسى ماشر، مب على طبعك، قلت له : لا - مافي شي !

تدرين إنهم يستفزون الواحد ..

...


خــّطاب .. تراني أقول بسوي الشغل وبسير البيت، ليش احتك بهم، ومع هذا بقولك إنه طبيعة شغلي ما تتطلب

من مسؤولي المباشر إنه يعطيني أوامر .. كونه الشغل اللي انجزه اعرفه وما بيغير شي لو تكلم

وما اقولك إنه في التهايو هم مسؤول وله الحق يقول كذا وكذا .. بس مشكلة يوم ....... عليك

واللي اعلى عنه اخس لكن إنهم يتكلمون بدبلوماسيه، لكن محد يطيقنا ..


..............

يبالي شاااور عسب ارتاح

[الهيثــم]

ما اقول غير ربي يعيينك

ادااوم في قطاع خاص .. !!!!

[أنامل قلب]

^ !

أخوي المزوحي ، من تلقى فعل مايعجبك من احد ابتسم له ،
واذا ماقدرت او حسيت انه ما ينفع ، فـ امممم تم تستغفر وانت تتفادى انك تشوفه او تركز عاللي يقوله ،
مع اني احس انكم تقدرون تتواصلون وتتفاهمون بالكلام عادي ، ترى مهمن كان انتو بمحل عمل كلن له وظيفته ،
بغض النظر عن اختلاف الرتب وما الى ذلك ..!

وبعدين سبحان الله يمكن هالفتره عنده شغله مكدرتنه > ما اعذره ، لكن حاول تغض النظر كثر ماتقدر ..

[المزوحي]

انامل من اول ماداومت وهو هذا طبعه وكنت اطوف، لو من هاك اليوم رادنه كف احسن

[مايهزك ريح]

^
يقول المثل .. حد احشمه وحد احشم عمرك عنه .. !
والله يعينك .. صدق في ناس ما تنعطى ويه .. ياخذون عليك عقب عاد استحمل اللي اييك منهم ..