مجلس الأصدقاء ،،

[الهيثــم]

يعتمـــد مهــابه ... إذا كانت حبوووبه وخلوووقة وهااادية ومثل ما انا اباها ، ما بفرط فيها لو شو ما يكون ..

[أنامل قلب]

^ ذكرتني ابـ أحدهم !

[الهيثــم]

يا إلـــهي ... !

[أنامل قلب]

^ فعلا يا إلهي ..!

هالشخص صارت عليه سالفه عبيطه ،
فمن شفت تعليقك ذكرته وابتسمت ..

باذن الله تكون أحسن عنه ..

[الهيثــم]

إن شاء الله ..

دخييلج أنامل ،، لا تجلبين المواجع .. وتفتحين سالفة العروس ..
على قولت الوالدة تقووولي انت اختيااارك صعععععب جدااااااا ..

[أنامل قلب]

جنها سوالفكم نفسها اللي تصير عدنا ،
ونفس الكلام ينقال لأخوي ، بس أهو أحسه دلوع وروحه مو عارف شو يبي يسوي ..

وبعدين إهي مو سالفه اختيار أخوي وخلاص ، لأن مهمن كان حتى لو قضيت مع اللي عقدت عليها بفترة الملجه سنه وزياده ،
أكيد بتظل الحياة معاها عقب ابـ بيت واحد غير ، بتكشف عن أشيا أكثر ، وبتبين لكل منكم طبيعته بشكل كامل ،
واهني الواحد ما يفكر باللي أهو شو كان يبي وخلاص ، لكن يحاول يستوعب الطرف الآخر قبل !

بس عشان ماكون ظالمه رياييلنا ، ترى حتى البنات عدنا دلوعات ، ومع انه مو زين بس وايد يردون ، البنات نفسهم مش الاهل /
مع ان ماعدنا خرابيط الاستهبال ، لكن مادري هل هو الشعور بعدم الارتياح لكونها بالنهايه مسألة كبيره ، مش هينه انك تختار شريك الحياة ..

,

سؤال خارج الموضوع شوي ، ليكون ربيع أخوي وانا مادري !

[الهيثــم]

بعلـق .. بس بعد الصــلاة ..
بسيــر المسيــد ، وإنتـــوا صلــوا بارك الله فيـكم ..

[أنامل قلب]

تقبل الله منا ومنكم ، والله يهداني ،
مرات مادري شوللي يصير فينا ، مادري صدق نستخف ولا نستخف !

كنت مذكره اني ما وترت ، واشوف ساعة اللاب ان يعني الوقت تأخر وماصليت ،
وياريت لو عندي شي مجابلته ضروري ، وبالاخير أذن طبعا ..!

[الهيثــم]

طال عمرج موضوع الزواج موضوع متشعب شوي
بتكلم عن نفسي ، وهي وجهة نظر متواضعة ..

انا عن نفسي حاط مواصفات في بالي لشريكة حياتي ، وإلي أنا أشوفها ضرورية عشان تستمر حياتي مع إلي بختارها كوني عارف رغباتي وأطباعي .. وضروري إن فـلانة اتكون تمتلك هالمواصفات عشان تناسب اطباعي وتفكيري وعشان تستمر الحياة بشكل سلس وسهل ..

بغض النظر لازم بتكون هناك اختلافات وفروق ، بس في أشياء كثيرة نقدر نتنازل عنها او بمعنى أصح نتأقلم معها ونتكيف بها ، لكن في أشياء تظل مبادئ وضرورية للاستمرار ..

أبسط مثال ..
كون خطاب يميل للعصبية شوي ، فـ أنا أحبذ وبشدة إنه شريكة حياتي اتكون إنسانة هادية ، ولا بتكون العلاقة صعبة جدا .. هذا بالنسبة لي .. واعتبره شي جميل إني أعرف شو إلي يناسبني ..

وأمثلة عندي كثيرة .. وما با أعددها ، اخاف باجر صندوق الرسايل يمتزر .. وكل وحده تقدم عرضهاا .. لوول ( واايد واثق من نفسك )

~

جواب خارج
والله لي الشرف إذا ربيعي عنده إخت شراتج ..

[أنامل قلب]

امبلا حلو ان الواحد يعرف شوللي يناسبه ، وكلامك احسبه سليم ، فعلا في أمور تخص كل فرد
"قد تكون مثل ما وصفتها مبادئ" بحيث ان غياب شيء منها قد يوتر العلاقه جدا ..

ربي يوفجك أخوي ، ويحفظ لكم الوالده ~ ..

[مجموعة إنسان]

اذا كل واحد يختار شريكة حياته بالمواصفات اللي يبيها
يسير يتزوج سيارة احسن له ,, " بو عمار" هههه

هذي اقوال ابوي

[المزوحي]

ماشاء الله الجماعه في الميلس ... صبحكم الله بالخير

وش حالكم

منو بيتزوج ماشاء الله بالبركه

خطاب ... فهمت عليك بس صعب تحصل كل شي

يعني النظره غير والواقع عقب يكون غير

بس حلو تختار اللي في بالك واللي تباه انته ...

التنازل جميل من الطرفين

[مجموعة إنسان]

نحن غاسلين ايدهم منها بالزواج هههههههه



شو اخباركم ؟
شو مسوين ؟
شو مشاويركم اليوم ؟

[المزوحي]

مجموعة انسان لحد الحين ماعرف مشواري لكن الحينه في الدوام

[مجموعة إنسان]

الله يعينك


انا توني مخلص هالريوق السنع مع الوالده
وشارب شاي الورد

والحين نحوط في النت شوي



والجو حااااااار برع