مجلس الأصدقاء ،،

[المزوحي]

الحين لو ياخذون علينا ما يخالف، لكن انته تحترمهم، وشايفين حالهم عليك ( ومب بلادهم ) واليوم الشغل اللي عندي اكثر

عن امس، وقف عن الطاوله، أونه عندك شغل ... يوم بقولكم إنه البروجرام عنده ويعرف الضغط

اللي عليّه، ماقدر اقول هذا صدق يسأل ...

ابغغغغغغغي اطنشه ...

.........

وأصلا قريت معلومه .. من حرارة الجو ممكن الواحد يتنرفز ... فيكفيني الحر اللي انا فيه مافي داعي يزيدني

[رمــش الغـــلا]

1 - تذهب لأحد المطاعم الفخمة ويقدم إليك الطعام بارداً فلا تجرؤ على الاعتراض، وقد تقدم إليك الفاتورة وقد شككت في صحتها ولكنك تجبن عن مراجعتها خوفاً من خدش (بريستيجك)!

2 - يتقدم عليك أحدهم في إحدى الطوابير وتكتفي بحديث داخلي مفاده (فعلاً شخص ما عنده ذوق).

3 - تطلب منك الطبيبة في إحدى المستشفيات الخاصة عشرات التحليل والأشعات والتي لا تشكين أنها مبالغ فيها ومع هذا تستكينين وتمسكين بالأوراق ميممة نحو المختبر معزية نفسك بقولك (هي طبية وأعلم مني) ... وغيرها من المواقف المشابهة.

صباحكم ورد ...
وصلنـي عالايميل وعيبني ، وقلت بنقله لكمـ =)

[أنامل قلب]

=) ..

[مايهزك ريح]

صباح الورد والفل والياسمين .. وين الجماعه .. محد في الميلس .. ^_^!!

ما اصدق انه اليوم الخميس ..

[المزوحي]

مرحبا مايهزك ريح .. اي ميلس ونحن في الدوام، ظهرت اوني من وقت، قبل نهاية الدوام بــ 7 دقايق
زين بعد سويت شي .. نحن ما يستوي نطلع بكيفنا .. يحتاي نختم .. بس قلت خلهم يولون شو بيستوي يعني
اليوم الخميس ....
فتحوا هافانا كافي في مول دبي ..

[المزوحي]

اللي يبغي يشتري عطر توم فورد ( توسكن ليذر ) موجود في هارفي، قبل لا يخلص

[تحفه]

^فتحوا محل توم فورد في دبي مول خلاص مافي داعي نحاتي لول

[المزوحي]

اليوم كنت هناك بس ما شفته، بسير باجر عيل ..


شو جربتوا من أرماني كافيه ؟

[المزوحي]

تحفه اليوم سرت دبي مول وشفت توم فورد لكن مادخلت البوتيك ... وشفت فاتحين fauchon كافيه عدال أرماني كافيه

[المزوحي]

دار حوار بين وبين واحد عن الموبايل ...

قبل كل شي بالنسبة للي عندهم كمبيوتر، والمواقع اللي يدخلونها، كل هذا يتخزن على الجهاز نفسه، وحتى لو الواحد

حذف المواقع بعد فتره على أساس ما تتكدس المواقع اللي دخلها ... فممكن أي شخص يقدر يطلع الصور الممسوحه

عن طريج الجهاز ...

بس اللي صار اليوم، كلامنا كان عن الموبايل، إنه الواحد يوم عنده موبايل وبيشتري غيره، من الافضل إنه ما يبيع الموبايل

والسبب، إنه بإمكان اللي يشتريه يطلع الصور اللي في الموبايل وحتى المسجات ... يمكن تكون سالفه جديمه ..

بس اللي استغربت منه، قال لي إنه ممكن يسمعون اي مكالمه هاتفيه دارت من خلال الموبايل ... بس هذا

الشي مادخل مخي ... شو رايكم بالكلام هذا ؟؟؟

إذا في تكنولوجيا وصلت بالطريقة هذي انا ماعرف عنها .. والمقصود مب إنه مكالمات تجسسيه .. لا

المقصود إذا عندك موبايل وبعته فالطرف الثاني يقدر يسترجع كل المكالمات السابقه ... كأنه المكالمات مسجله ..

[أنامل قلب]

^ هالمواضيع وهالشغلات اللي يقوم ابها بصراحه بكون إنسان ... و .... و يفتقر للـ.... !

لو بنقعد نتكلم عن الاستغلال السلبي من البعض بـ مثل الأمثلة اللي طرحتها ، بيشيب شعر راسنا ولا بنخلص ،
قبل ماكنت ادري وايد عن هالأشيا ، بس من زود ماسمعت قمت !؟!؟!؟!؟؟! ..!

,

فيهم مرض ، ربي يعافينا ويكرمنا ..

[أنامل قلب]

وصلني بالإيميل ^^"

فيك شدة اضحك بس

هذا موضوع أنشائي لطالب, الموضوع بصراحه يستاهل القراءه :) , الطالب نصااااااااب وبطريقه خطييييييييييره وشكله عمره ماطلع من منفوحه :)بس بصراحه موضوع مرررررررره جميل ومضحك لا يفوتكم ....

, لقد رحنا في العطلة الصيفية أنا وأهلي إلي بلدي الثاني لبنان
رحنا بالطيارة و كانت امي خايفه جدا جدا لانها اول مرة تركب طيارة , بس انا اصلا دايما اركبها, وفي الطيارة جت شغالة الطيارة وجابت لنا القهوه والشاي ثم جت وقالت اقلطوا على العشاء , وقلطنا في المقلط مع العفش, وكان الطيار واقف على روسنا ماسك اللبن وقال سموا على عشاكم,يالله إن تحييكم, وكان مفطحا شهيا. وخلصنا وغسلنا, وكان ومساعد الطيار ماسكن الفوطة والطيب وأعواد الاسنان.
وعندما وصلنا لمـطار المـلك خـالد حقهم, ذهبت انا لتختيم الجوازات والرخصة والاستمارة وذهبت امي للتطبيق , وكنت اتحدث لغتهم بطفاقة لاني امي وابي مامعهم لغة.

وقال لي العسكري : جواز مين هيدا ؟.. فقلت له" بييَ (ابوي باللبناني) , وقال: "وهيدا؟" قلت: مييَ (أمي) . وهيدا ؟ قلت" خييَ (أخوي " ) وقال " وهيدا؟" قلت : نييَ (أنا) " وكان جوازي...............


وقال لي ابوي ماشاالله عليك ياوليدي إنك بلبل في اللغة اللبنانية الفصحى, التفت عليه وقلته, أي لا كــان , ثم التفت للبـنـانـي وقلت له تـرى أنا سـعودي مانيب زيكم, وشكله كان مستغرب يحسبني لبناني.
وفي لبنان سكننا في مدينة بيروت مشيط وكانت مدينة جميله فيها مـزارع بكل مكان, ولم اشوف عندهم تـراب, علشان كـذا مافيهم الاشـهب, تمشينا في مناطقها السياحية واسـواقها, ذهبـنا الي اللبنانيـة,والحـريرية .وركبنا كـورة الحـريرية وناظرنا جميع حـدود لبنان, ورأينا دولة إسـرائيل الملعونة, وكانت دولة صغيرة جـدا, ونـظرت للدول العربية والأسـلامية وجـدتها اكبر منها بألف مرة, ومدري كيف ناشبتن بحلوقنا. وإنني أقترح على الدول العربية والإسـلامية , مادامها أقـوى منكم وعجـزتوا عنها وماعندكم إلا الدجـة بالاسـلحة, اسـتخـدموا السـلاح الخـلفي لـتوفرة عنـدنا بكثرة, فإني اقـترح, نـوصل جميع انابيـب الصرف الصحـي لدولنا ونـمـده لإسـرائيل, واضمن لـكم بـتغرق كلها بيوم واحـد. خـلونا نتجمع بس, والسلاح امره هين.
ورأيت دولا كثـيرا, وشفت دولة وماعرفتها, يوم دققت مكتوب عليها, بورسعيـد, وشفت اللمملكة العربية السـعودية الشـقيـقة .وكانت حـدودها كثيـرة عرفتها من الخـط المتقـطع. ولكن للأسـف لم تـكن لبنان تـحدنا , وأنا أقترح نضمهم معنا في دول الخليج ونـدف اليـمن بـدالها.


ثم ذهبنا الي الاهرامات وكل واحد مننا ركب له على واحد, انا ركبت على الخنـصر , وأخـواني واحـد ركـب على البنصـر, وعلي الدب ركب على .
" اما ابوي فركب على أبو الـهول لأنه يشبهه. وكانت رحلة سعيدة, ورجعنا بالسيارة ومررنا على تونس الخضراء, والسودان السوداء في الـطريق عبينا بنزين بعشرة لاننا فلسنا, وكملنا الـطريق الي أن وصلنا بالرفـاء والبنيـن

.

[مزن هتان]

المزوحي
عن سالفة الاصور تقدر تسحبهن من اتصالات "اللي انت ماسحهن قبل"
اما المكالمات بشوف بستفسر عن الموضوع و ما اظن صج
زي ما قالت أنامل "ناس مريضه"

أنامل
اما صاحبنا هذا =)
عيل نيي = أنا، من امتى ؟
هل يا كيف كانوا ابلبنان و راحوا الاهرامات و الادهى من ذلك
انه ابو ركب بالهول، ليه خيل و الا ناقه ؟!

[أنامل قلب]

=] ..

[أنامل قلب]

توني متصله ابـ مكان بغيت استفسر بخصوص شغله ،
ردت علي وحده ماعيبني أسلوبها ..!

قمت أحس أحسن لو يردون علينا الرياييل ..!

زين ما سألتها شحالج اختي ،
عادي ترد علي : انتي شلج ، يالله خلصينا / لول !"