مجلس الأصدقاء ،،

[أمطار]

مســــــــااء الخيــــــر ..
وعليكم السلام فركوشـــهـ .. شخبارج؟!


أبا اطلع اليوم بس ماعرف وين اسير ..
ملانـــه ..

[المزوحي]

صح مايهزك ريح، انا بعد ماحب أضيّع من رصيد إجازتي، صح إني ما سافرت السنة، وحتى هالخمس أيام

وأقول إنهن يضيعن جيه، إلا أغسل موتري واليوم سرت أبدل آيل فلتر - ومن غير الأوادم وااايد ينرفزون

مادري أحس مودي مستوي زفت ...

والمولات إما سعوديين - كويتيين - عمانيين

حتى بالصدفه مريت بن بطوطه مول ، لأنه على طريجي وكنت ابغي اتغدا وظهرت منه ...

وسرت لين وصلت مدينة جميرا - ودخلت مطعم مب شي أكله ...

وعند الرده مريت الأولت لت ، من ناحية المواطنين واللي مقيمين في البلاد محد، كله سواح خليجين


اش بلايه استويت مابغي الناس ...

انا يبالي مكان بعيد، ومايبالي اسوق موتر، وادخل في معمعة الزحمه، عيل شو فايدة الاجازة


...........


مساء الخير اش حالكم ؟؟؟

[رمــش الغـــلا]

http://www.youtube.com/user/alaa0alsiddiq

لا تعليـق ..!!*

[أنامل قلب]

http://www.youtube.com/user/alaa0alsiddiq

لا تعليـق ..!!*

ذكرتني بناس نعرفهم ، مابينا وبينهم صلة قرابه ، لكنهم اقرب لنا من الاهل ،
ربينا معاهم ، امهم بحسبة امي واعتبرها خالتي ، وعيالها اهم اصدقاء الطفوله لمن كنا صغار ،
وحاليا بنتها وكأنها اخت لنا والله ، حتى اقرب لنا من بنات عمي والخ ..

والله والرب شاهد إني ما أبالغ بمدحهم ، بس وربي إنهم على قدر طيب جدا جدا جدا من الأخلاق ،
كانو ييرانا ، ولازالو ، وحاليا بعد مشاكل السكن انتقلو من فتره قصيره ، بس هالمره نحن بنتعبهم باذن الله ،
ناس يحمد المرء على امتلاك مثلهم ، حتى اذكر بعد نتايج الثنويه ، أول من هناني كانت خالو ف وبنتها ،
وأول هدية وصلتني منهم ، ما شاء الله عليهم وربي يهنيهم ويكرمهم ويحفظهم بالدارين ..

,

اهمه كذلك بحسبة البدون ، واللنك هذا ذكرني فيها خالو ف لمن كانت تتكلم مره ،
تقولنا واهي تضحك : اللي يضحك ان نحن اهني قبل لاتقوم الامارات وقبل لا يصير الاتحاد اساسا ..!

يعني والله المسأله ماهي مسألة حاجه كثر ما إنها شي معنوي ، شو يعني إن يكون الواحد بدون ..

مره كانت تتكلم واهي صاينه دمعتها ، لأن ولدها طلعوه من ـ مابذكر اسم المعهد ـ مع انه متميز ونسبته عاليه ،
وفوق هذا واعي وجدا عاقل ، يعني مو من هذول اللي يستلمون الشهاده وخلص / لكن الخساره اكيد لهم مو له ..

وبالمثل بنتها توها بعد معانــــاااااة وظفوها وابـ معاش ابدا ما يعدلها ،
إهي بالمثل مو أقل عن أخوها ، والحمدلله على كل حال ، وحاليا بعد ناويه تكمل المجاستير بالطب ..

وايد أشيا بخاطري أقولها عن هالموضوع ، والمسؤولين فعلا لازم يديرون بال واهتمام أكبر لمثل هالفئات ، الظلم مو زين ،
حتى لمن يقولون لأحد بإنهم مو مواطنين ، ينصدمون ويضحكون ، ياخذونها كأنها مزح ، وفعلا الضحك يليق بمثل هالمقام ..!

شر البليه ما يضحك والله ..

[الهيثــم]

^ أنا اعرف شو يبالك مروااان .. !

يبالك وحده تملي عليك حيااتك ، وتتزوج على سنة الله ورسوله .. وتغير مجرى حيااتك ..

[الهيثــم]

رمش الغلا ~ والله إنه قلبي تقطـع .. شو ذنبـهم يا نـــاس .. !
إخوانا وأخواتنا من هالفئة فرقهم الزمن عنا بكلمة " بدون "

انحرموا من أمور كثيرة ، انحرموا من الزواج في حالات كثيرة
انحرموا من التعليم العالي ، انحرموا من الوظايف المرموقة ...

يا رب يا معين اسألك أن تعينهم وتيسر أمورهم أجمعين يا رب العالمين

الإخت إلي تكلمت الحمدلله تيسرت لها أمورها وقدرت تكمل دراستها ، لكن غيرها كثيرين يالسات في البيوت وانحرموا من التعليم لضعف مستواهم المعيشي بسبب قلة الدخل . .
وغيرهم شباب كثيرين لجأوا إلى السلك العسكري بعد انتهاء مرحلة الثانوية وانحرموا من إكمال التعليم
ما أقول غير ربي يعينهم وييسر أمورهم ...


قطعتي قلبنا يا رمش ..

[رمــش الغـــلا]

اللهـ يفرج عنهم همهم ان شاء الله ....~

وصح كلآمك يعني يمكن هالبنت حـآلها أفضل من غيرهـآ ..

ياما ناس نسبهم عـآلية بس ما قدروا يدشون جـامعات لانهم تحت مسمى "بدون" ..!!*

[المزوحي]

خطّاب يوم الله بيريد وبنحصل حد

همم الحين اكلمكم من اللاب توب قلت بيربه، اسمع الوالده الحين تتكلم عن البشاكير، وانا في الواحات لووووووووووول

[الهيثــم]

مرواان

( وشاورهم في الأمر ، فإذا عزمت فتوكل على الله )

شاور الأهل ، وشاور نفسك واستخيير .. وتوكل على الله ..
ترا بنات الحلال واااااااااايد ..

[المزوحي]

ان شاء الله خير خطّاب

[رمــش الغـــلا]

المزوحي .. خطـآب نـآوي أيوزك .. يلآ شد حيلك وعزّم ^__^

[المزوحي]

خطّاب إذا بتحصل لي حد ^_^

رمش وانتي عليج تشترين العود، انا بدفع وانتي اتنقي

[الهيثــم]

هييه لازم يكمل نص دينه ..
ويحصن نفسه ..

[الهيثــم]

أفا عليك مرواان ، من عيووني يا خي .. ما طلبت ..

[رمــش الغـــلا]

خلاص تمام .. [ واجبناا نخدمك فـ عرسك ] حاااضررررين ^^