مجلس الأصدقاء ،،

[المزوحي]

Group ليش شو السالفه ؟؟؟؟

اعترف

[أنامل قلب]

أخوي المزوحي ، ماعرف وايد والله بالسوالف الالكترونيه ،
اللي جربتهم الـ اتش بي + الـ ديل / واثنينتهم حلوين !

بس لا تفكر وايد وتعقد المسأله ، خذ لك اللي يعجبك ،
يعني شوف انت شو غرضك وشوللي تريده من اللاب ، وتوكل =)

تراه بالأخير يعتمد بعد عالشخص نفسه ، شلون بيحافظ عليه ..

,

أخوي مجموعه ، الله يخليك لا تقول ،
عقدتني قمت كله اذكرك من اشوف شي طريف برا ..!

صرنا نربطك تلقائيا بسوالف التعليقات ..

[المزوحي]

أنامل اليوم شفت هذا

[مجموعة إنسان]

ههههه


المزوحي وانامل


اذا تبون تعرفون البنت اللي عندها بلاك بيري
تشوفونها تمشي وماده ايدها شرا الشحاتين ههههههههه
متعوده على الكتابه تراها

مكثر حواادث المولاات والسبب البلاك بيري
لا ويدلعونه بي بي
هههههههههههه


والشباب قاموا يرقمون الحين بال بن
بس نصيحة لهم من قلبي
لا ترقم وحده عندها بلاك بيري
صبعها معضل من كثر ما تدق على الفصوص
والله بتطعنك بأصابعها ترااا
ههههه

تخلون الواحد يحش غصب انتوا!!!

[المزوحي]

يالله اترخص أنا

أشوفكم على خير

[مجموعة إنسان]

قاعدين الله يحفظك ههههه

[المزوحي]

رقبتي تعورني من صوب، وريلي من صوب

الحين لفوها لي في البيت

والرقبه دبرنا لها لزقة فكس

لا تحاتي مب متضارب لووووووووول

[مجموعة إنسان]

هالاصابات اصابة واحد زالق وهو يسبح ههههه

[قصايد غلا]

ليش تشوفون البلاك بيري بطريقة مب حلوة


أنا أشوفه وايد مفيد .. أنا أكره الشي اللي يهبّون الناس فيه مرة وحدة


و الاستخدام يختلف من شخص لشخص


يعي مثلا لو أنا في الجامعة ما بتفيج اكتب مسج و اطرشه و يمكن ما عندي رصيد


البلاك بيري مسنجر وايد أحسن لي



لو عندي حد مسافر نفس الشي بتواصل وياه 24 سااااااااااعة و بتكلفة أقــــــلللللللللل



و عن الصور .. أقدر أصوّر اي شي و اراويه الشخص اللي اكلمه في نفس الحزة .. خاصة اذا حد موصنّي أشتري له شي =)




حتى يوم عندي رسالة او دعاااء أو أي شي ابا انشره ، بنشره في نفس الوقت و ببلااااش



هالتلفون وايد فادني .. كل شي فييييه بالرغم من اني ما استخدمه مثل باقي الناس و اعتبر عمري مبتدأة فيييييييه لأنه شي ناس يعرفون اشيا غريبة عجييييييبة فيه




صح شالّينه الشاتي و اللاتي لكن كل واحد يشتري اللي يعيبه و شي طبيعي ان الناس تشتري هالتلفون دامه شي يديد عليهم و بنفس الوقت مب غالي

[مجموعة إنسان]

قصاايد

كلامج حلو

بس اللي نشوفه من الناس استعمالهم استعمال ميانين
24 ساعه عالمسنجر
ويااااا مكثر الإشاعااات الي تطلع منه

ما اضحك اللا في المولات لما الناس يداعمون ولا يدعمون يدار ولا شي هههه

انا معاج استعماله بحدود حلو
بس بزوود ابد مب شي

انا اضن ان 98% من الناس ماخذينه عشان المسنجر

[قصايد غلا]

سالفة الإدمااان هذي عادية لأنه فيه ناااااااااس مدمنين على شي اسمه تلفون و مسجااااااااات


يعني السماعة ما تنزل عن اذنهم و طول الوقت توصلك منهم مسجات "نكت ، سوالف ، أدعية ......إلخ"


لكن عن البلاك بيري مثل ما قلت قبل

اللي مخلي الناس تتعلّق فيه هو انه كلللللللل ربعكم تلقونهم 24 ساعة يعني ما بتتلوّمون من الشخص يوم بتطرشون شي لأنه لو راقد ولاّ مشغول بيكون حاطنه على الــunavailable ولا بزي ولا اي شي

لكن في الاتصال بتمّون تفكرون هل الوقت مناسب عشان اتصل أو أطرش مسج



فــ تلقى الناس تراسلك طووول الوقت و يوم انت بتفضى بتشوف الكلام و اي شي يوصلك


و مب لااااااازم الانسان يكون غبي "سوري على الكلمة" .. يعني مب لازم أنا اسوي آد لكل من هب و دب

و أهمل كلللللللللل شي حولي بسبة التلفون

و ما له داعي مثلا أسوي آد لربيعاتي و عيال خالي و عمي و عماتي و خالاتي و اليران و كلللللل من عرفته لو من يوم واحد و أتم أتبادل وياهم سوالف و اشيا تافهة و اشاعات و اشيا بايخة ما لها معنى


مثل وحدة من ربيعاتي عندها فوق الــ100 و شي في الكونتاكتس

و مب لااازم أسخدمه يوم أسوق عشان ما أجتل عمري بسبة كم كلمة ولا سالفة ولا نكتة

[أنامل قلب]

اخوي المزوحي ، ان شاء الله يظهر بالمواصفات اللي تحتاجها =)
أخوي مجموعة إنسان ، امممم مادري ، بس عالأغلب الواحد مايكون بحاجه لهالتواصل طول هالوقت ،
والله يعينهم اللي يطيحون ابـ دربك ، شكلك اتنتفهم ^^"

اختي قصايد ، ترى العيب مو بالجهاز نفسه ، نحن مستغربين من بعض التصرفات اللي نلاحظها لا أكثر =)
وأكيد مو كل اللي بيقبض البلاك بيري بيستخدمه بشكل ما يناسب ظاهريا / ومثل ما قلتي بروحج شلون مستفيده منه ^^


وحمستينا لـ هالبلاك بيري ..

[مجموعة إنسان]

ههههههههه

ترااا هنيييي مربط الخيل ههههه

الناس من كثر اللي عندهم مو ملحقييين
ههههه

لا بس هذيل في المول
شكلهم ابد مب شي
منزلين روسهم ويمشون
ويدعمون خلق الله ههههه

بس مادري
شعبنا احسه يحب يقلد اي شي
هههه
صدق
بس هم مسوين لنفسهم جذي
يحب يقلد

[مجموعة إنسان]

لااا وحليلي اناااااااا
ما احط على حد بس شوي



شو اكثر شي ينرفزكم في المولات ؟

[أنامل قلب]

^ اذا لقيت زحمه ..! + لازم اتقفط عالأغلب وتصيرلي مواقف !!!