مدرسة

[المزوحي]

السلام عليكم

ماتعرفون مدرسة تدريسها قوي وفي نفس الوقت ماشي خرابيط البنات واللي يستوي،

صح الاهل لهم دور في التربيه ودور كبير بعد، لكن الرضيعه تباني اسأل عن مدرسة وهي بدورها تسأل مب مقصره، لكن

بناتها اللي يحفظهم متعبينها، في كل شي يبون يقلدون بنات المدرسة، يمكن هذا يعتمد على التربيه، بس الواحد صار

مايقدر على عيال هالجيل ...

[شمعة أمل]

مممم شي غريب
يعني كيف تدورون مدرسه تدرسيها قوي ومافيها "خرابيط البنات"؟؟؟؟
كل مدرسه فيها "خرابيط البنات" سواء من أحسن ولا أسوء المدارس :)
الأم الى تربي عيالها عدل.. مب لازم تخاف عليهم

شي وايد مدارس زينه في البلاد.. وايد اسمع اشياء زينه عن مدرسة repton بس اتوقع مختلطة
ووايدين بدو يحطون عيالهم في رافلز .. < بس يقولون الاداره بايخه
اذا تبا مدرسه بس فيها مواطنين لكن خاصه.. عندها مدرسة دبي الأولى.. انا احس انها مب لين هناك
بعدين شي اكادمية ديره للبنات < اظني جي اسمه مب متأكده بس يمدحونها
ممم شي بعد مدرسة الاتحاد.. البنات الى يطلعون منها لاحظت انه يحبون الدراسه
ومدرسة دبي الدولية.. احس not bad
ومدرسة المواكب.. كزناتي متخرجين منها.. أمي ماتمدحها تقول مدرسة لبنانيين ..بس الصراحه احس كزناتي بنات مثقفات وايد وهالشي راجع لمدرستهم ويرمسون فرنسي عدل عدل عدل
ومدرسة شويفات .. دراستها صعبه وايد
ومدرسة دبي الوطنية.. بس مب لين هناك كلحد يتبهدل فيهاا

بس بعد يعتمد شو النظام الى تبا اتدخل عيالها فيه
نظام امريكي ولا بريطاني ولا سنغافوري.. الخ

[المزوحي]

هم في مدرسة دبي الدوليه، وتبغي نظام امريكي ... هي سألت قالوا لها رافلز مثل ماقلتي وحد قالها الامارات ...

نحن الحمدلله من عايله محافظه، والوالدة ربت خواتي غير عن جيل الحين كيف يتكلمون ويتفلسفون بعد

على العموم مابدخل وايد في مشاكل البنات، خلينا في المدارس

شمعة أمل مشكورة اختي على الرد، الله يعطيج العافية.

[مايهزك ريح]

اللي عندنا عيالهم في دبي الأولى .. !
مادري عاد .. اذا زينه ولا لأ .. بس كلها مواطنين .. ^_^

[رمــش الغـــلا]

إذا فـ دبي ..

ف مدرسة المواكب ... شي عدنا فالعايلة وآآيدين فيهآ ..~
ويمدحون درآآاستها بس شرات ما قآآالت شمعة اغلب الستف لبنانيين ..!

،

ومدرسة دبي الوطنية بعد عناا يدرسوون فيها ..


بس إذا تبا نصيحتي ..

بنت أختي فالابداع العلمي فالشارجة ... وآآآيد يمدحونها المدرسة ..
وايد يهتمون بالتربية وجيه .!
يعني المدرسة وآآيد مشددين عالبنات ..~
وعمري ما سمعت قالت كلمة مش اوكي عنهاا ..
وأغلب اهتماامهم تقوية الوازع الديني للصغارية ..!
وهالشي نادر ما تلاقيه فالمدارس هاليوم ..
،
بس أختي كانت معآآرضة فكرة الحجاب عندهم ان يلبسونهم بسرعة بس ماعرف في اي صف ..

بس كـ مدرسة بشكل عآآم أنا سايرة وشايفة المدرسة .. وووووايد عيبتني ..~
ودراستها واايد اوكي
والستاف كلهم أجانب بس مسلمين وهذا أحلى شي .. ^_^

[شمعة أمل]

مدرسة الامارات مب زينه اذا تقصد EIS
كان عندهم سكشن للبنات من قبل.. بس وقفوه من سنتيـن والحين المدرسه كلها مختلطه
ثاني شي.. صح نظامها بريطاني.. بس عقب الـ GSCE مايكملون ليـن الـ A-Levels .. ياخذون شهاده ثانيه.. فـ الشهاده الى يتخرجون فيها مب بنفس مستوى الـ A-levels .. وهالمشكـله :s

[عفاريتووو]

كنت ياية اقولك مدرسة دبي الدولية ..

بس عقب قريت ردك انهم كانوا فيها ..
غريب شو اللي ما عيبكم فيها ؟؟
و اي فرع هم ؟
( فرع القوز واييييد احسن عن فرع القرهود من ناحية البيئة و المدرسين )


انا كنت فيها و اخواني الحين فيها
و الحمدالله منهجها واييييد واييييد زين ..

[المزوحي]

رمش الغلا هيه نبغي مدرسة فيها نفس الفكره ..

عفاريتووو دبي الدوليه فرع القرهود

[عفاريتووو]

هيه فرع القرهوود هيه البيئة مب واييد زينة لانها وايييييييييد زحمة

فرع القوز عدد الطلاب اصغر و الادارة مسلمة .. فــ وايييييييد احسن ..
و فرق كبير امبينهم .. حتى التدريس واييد احسن ...


بس اعتقد بيكون بعيد عليكم جي ..

[المزوحي]

هيه عفاريتووو ابعد ...

على العموم الواحد يستخير بعد يكون افضل، لانه لحد الحين دبي الدولية زينه ، تقدرين تقولين متوسطه ..

[مجموعة إنسان]

احسن حل عسب تحافظون على عيالكم ادرسونها عند مطوعه
حتى المطوع ماله امان

[المزوحي]

لازم ماتعلق على موضوعي مجموعة انسان، لأني انا جاد الحين

[هزاايم]

لوول على ناس صدق يجتلوني من اضحج


المزوحي اخوي
عندك ريبتن بس مدري اذ انتوا تتقبلوون عيالكم يدرسوون مع هندوسيه و يهوود وجي
يعني انا اولاد اختي منااك يوم ارووح عندهم وااايد اتنرفز لووول يقهرووني هالهندوووسيه مدري السييكيه

دبي الدوليه
اشطب عليها اللي بقرهود
اخوي رووحه طالب من ابوي انه يطلعه
لتسألين ليش
لأني رووحي مش عاارفه

مواكب القرهود
بعد شطب عليها
اللي قاموا يدرسوون"يعني مدرساات" هم رووحهم خريجات المدرسه,,,انت ادرى ب مرااهقه اللبنانيه.."كانن يشتغلن مولدز وهالسوالف,,فاكيد شي طبيعي بيشجعن البناات على اشياا نحن مانحبها"


الاتحاد
فاااشله دراسيا و بيئيا...
عادي كورس كامل مايدرسوون,,لييه لأن ماعندهم اساااتذه,,عن ممزر
اما عن جميرا
اممم مدري عنهم ومااقدر احكم عليهم


بنااتنا نحن دخلنااهم قرين وود
يعني وحده بروضه اولى و ثانيه و صف اول و ثاني
ومرتاااحين
بس الله ياخذ بلييسهم وااايد يعلموونهم لو انا يااهل جان اتعقدت=$

[المزوحي]

يعني اللي قبلهم مافلحوا، عاد وايد يعطونهم معلومات وهم صغار او يكتبون، وإيدهم تعورهم ..

المدارس الهنديه اقوى وأرخص، بس مستحيل بيقبلون يودون عيالهم ..

دبي الدولية هم فيها اللي في القرهود ..

المواكب نحن حاذفينها اي فرع كان !

الاتحاد أحيد يمدحون فرع الممزر

قرين وود عيال ربيعي فيها ... ثاني سنه يقول زينه ...