تقريري إلى دبــي مــول

[تحفه]

اليوم مرينا عليه حسيته فاضي ...

[المزوحي]

عفاريتووو شو عدد الوافدين اللي في البلاد، يعني لاتتوقعين عقب اسبوعين تخف الزحمه، سيري بس مب في الويك اند

إن في مجال ...

[المزوحي]

تحفه شو انطباعج عنه ؟

[تحفه]

حلو! عيبني.. اتريا لافاييت وكمن محل السنه اليايه بيفتحونهم

انا سرته قبل الافتتاح بثلاث تيام بعد وحمدلله شفت كلشي فيه ;)

[شوق القلوب]

السلام عليكم..

و أنا سايرتله يوم الافتتـــاح.. ممم ماكان هذيييييييج الزحمه اللي هيه ..!

..

من الاشياء الحلوه اللي عيبتني فيه انه المصلى موجود في كل طابق.. يعني ما تيلس اتلف المول بكبره عشان توصل مصلى واحد.

فيه بعد مكان عرض الازياء المزوحي ما طراه..

..

المول بصفه عامه وااايد كبير من كبره احس الناس متفرقه.. و اذا سايرين للشوبنج.. احس بعده ما ينفع لانه وااااااااااااااااايد من المحلات مب مفتوحه.. يعني.. انا اعطيه مال 3- 6 شهور عشان ينفع الواحد يسيرله..

[المزوحي]

شوق القلوب ...

انا سرت له بالجمعه على السريع ورديت سرت بالسبت، لانه اليهال يبون يسيرون، تميت ادور المصلى لين تعبت

وعقب اكتشفت إنه المصلى في نفس الزاويه لكل طابق، يعني مايضيّع ... والشي الثاني عرض الازياء اللي قلتي عنه

ما انتبهت عليه اول يوم، شفته ثاني يوم اللي هو Fashion Avenue

وصح المحلات بعدها بس الناس تبغي تشوف الاكواريوم .

وفي فود كورت في الطابق الثاني وفي الطابق اللي تحت مووول ( LG ) عسب يكون سهل حق اللي بيسير المول

مايتوه ..

[مايهزك ريح]

سرت البارحه كان خاااااااااااااااااااااااا اااااااالي ..
محد يمشي فيه غير كمن واحد ..
والأكواريام كان فيه شوية ناس ..
بس كله غبار .. اسميني اصطكيت البارحه ..
وما شليت ويايه الكاميرا لأني قلت برد مره ثانيه ..
ومعظم المحلات بعدها ما فتحت .. انا اقول يبالهم 3 شهور عقب برد اسير ..
احلى موقع لستاربكس اللي يطل على الشارع والنوافير .. صدق مكانه فنان ..

وتسلم يالمزوحي على التقرير ^_^

[المزوحي]

أهلا اخويه مايهزك ريح .. ستاربكس عندهم 3 بس اللي انا شفته فوق وفي الوسط، وحتى فوق منه كاريبو كوفي ...

بيكون حلو حق التصوير ... اماكن مسوين اضاءات حلوة + مدخل محلات الذهب ...

[شوق القلوب]

ع طاري التصوير...

اللوبي اللي في الرافلز.. واااايد حلو للتصوير..
خصه في الليل..