شو يبون الحريم وشو يبون الرياييل ؟

[المزوحي]

طفلة من هذا الزمان ، إذا في يوم تحس الزوجه إنها رافضه شي معين، مافيها شي لو قالت : لا

مافي شي يكون بضرابه ، بس على أساس إنها تكون مطيعه ( وشخصيتها مناك ضعيفه ) أحس الزوج بيمل منها !

[فرفوش]

صح في بعض الزوجات ماينعطن ويه ..

...

حشى ليش؟ والله قمت أخاف من الزواج بهالسوالف - بلاهن

هو أول خله يحصل ويه من حرمته اول بادي

[أنامل قلب]

عشان تخاف منه،

من صجه !.
ولا لازم أقول : من صجها !...

[المزوحي]

فرفوش .. مرات تلقى الزوج يعامل زوجته احسن معامله، بس هي تتمادى بتصرفاتها اللي مايحبها ...

أنامل قلب .. من صجه .. لأنه في قرارة نفسه يحس إنها بتتمرد ...

وطبعا كل واحد وتفكيره، وفي رياييل يسمعون من ربعهم فيطبقون هذا الشي على اهل بيتهم ( مع إنه مايخصه )

وفي حريم يسمعن سوالف ربيعاتهن فيطبقن هذا الشي على الريل ( ومايستوي المقارنه )

لنفرض إنه زوجه عاملت زوجها بمقياس معين ، بس هذا الشي ممكن يمشي مع زوجها

سارت الثانيه تبغي تقلد ربيعتها، لكن انجلب كل شي على راسها !

[أنامل قلب]

بتتمرد !.
ليش أهو شو ماخذ !!!"



هذول أخوي ما يقومون بيت ،
بالنسبه لي اعتبر الريال ما وصل للنضج المطلوب عشان يتزوج من أساسه ،
والمرا ما عندها سالفه !.

جدا جدا جدا مهم الأساس اللي يقوم عليه البيت ، ولا شو فايدة تأسيسه ،
البعض للأسف يخلط بين مفهوم الاحترام والموده ، وبين مفهوم الخوف وطلب تأديه الواجب لا أكثر !.

~

مثل ما قلت ، الواحد المفروض يعرف شلون يقتفي الخير مما يسمع ،
أكان المسموع ايجابي ولا سلبي ،
يظل حكم التصرف صادر من الشخص نفسه ، وبكل ذلك بتلقى الخير ..

[المزوحي]

فعلا أنامل في حريم للأسف يتمردن .. وتردين تقولين مهم الاساس اللي يقوم عليه البيت

كل واحد لازم يعرف حقوق الثاني وواجباته والطرفين بيرتاحون

[أنامل قلب]

إذا المرا ممكن يصدر منها أخطاء ، فالرجل كذلك لا يستثنى هنا ،
واهني المشكله ، كلن يشوف الثاني على إنه مخطئ أو قد يخطئ ،
من غير لا يفكر بأني كذلك قد أكون مخطئ ، و كثيرا !.

[العجيبة]

مب مهم هم شو يبون ، ساروا ولا ردوا ترا الرياح تجري بما لا تشتهي السفن!

أهم شي يكونوا واعيين بأصول الاحترام والتقديـر، ويكون عندهم استعداد وجاهزية لمواجهة المشكلات أو خل نقول : الاختلافات في الآراء،
وبعد يكون عندهم صبـر وحلم وتأني، فـ "ليس الشديد بالصرعة ،إنما الشديد الذي يملك نفسه عند الغضب" .....


وحياة زوجيية أتمناها للجميع خخخ