السلام عليكم و رحمة الله و بركاته
اول درس من دروس How we did it
طريقة الكت آوت
أول خطوة هي انه نفتح الصورة و لازم نختار صورة يكون فيها الكادر الي نبغي نخليه بالالوان بارز من بين الاشياء الاخرى الي في الصورة
الخطوة الثانية هي انه نسوي لاير يديد عشان تتم عملية التعديل عليه
ندخل على Layer >dublicate layer
و لازم نعطي اللاير اسم عشان ما نتخربط
انا سميته Edit1
الخطوة الثالثة هي انه نحول الصورة الى اللون الاحادي او ما يسمونه الاسود و الابيض
نقدر نسويها بعدة طرق بذكر أربع طرق منها :-
الاولى هي Image> Adgesment> Hue & Saturation
حركوا مؤشر الـsaturation الى جهة اليسار الى ان توصلون للمستوى المطلوب من ازالة الالوان
الطريقة الثانية هي image> Adgustment> Channel mixer
يوم ندخل على Channel mixer تأكدوا من الضغط على monochrome
تقدرون تغيرون في نسب اللون الألوان للحصور على تأثيرات مختلفة بس حاولوا انكم اتمون في مجال الـ 100 كـ مجموع كل الارقام
مثل ما تشوفون في الصورة عندنا الاحمر 40
و الاخضر 40
و الازرق 20
و مجموعهم 100
تقدرون تنقصون و تزيدون على كيفكم بس لازم تكونون في مجال 100 للمجموع
و الطريقة الثالثة و هي الي تعطي افضل النتائج
Image> Adgustment> Black and White
تقدرون تلعبون بالالوان الى ان تصلون للي تبغونه
ملاحظة على الطريقة الثانية و الثالثة
عملية تغيير الالوان في الصور الاحادية تعتمد على شيء واحد
و الي هي زيادة نسبة لون معين في الصورة أو تقليلها
يعني مثلا السماء لونها ازرق، لو خلينا مؤشر اللون الازرق على 100% بتلقون لون السماء اصبح ابيض
و نفس الكلام ينطبق على العشب، مثلا لو خلينا مؤشر الاخضر على 100% بتحصلون لون العشب اصبح اخضر
و اذا نقصنا المؤشر بتصبح لدينا عملية عكسية و الي هي ان اللون الي قمنا بالتعديل عليه بيصبح اسود
أتمنى ان تكون الفكرة وصلت
الطريقة الرابعة و هي الابسط لكنها في الوقت ذاته ليست بكفائة الطرق الي بالاعلى
ندخل على image > mode > grayscale
و من بعد ما نسوي هالخطوات نرجع مره ثانية لنفس المكان و نسوي تيك على RBG color
الخطوة الرابعة هي اهم خطوة و الي هي اعادة الالوان للجزء المختار من الصورة
و هي خطوة سهلة و بسيطة لكنها تحتاج الى دقة عالية
كل الي عليكم تسوونه هو انكم تختارون اداة الممحاة و تعدلون حجمها و تبدؤون بالمسح
طبعا الي بتمسحونه هو جزء من اللاير الي سويناه و الي بيطلع تحت هو اللاير الاصلي الي عملنا منه نسخة التعديل
بعد ما تمسحون اغلب الاجزاء لازم تضبطون الاماكن الدقيقة بفرشاة صغيرة و تكبير 100% او 200%
عقب ما ننتهي من ازالة الالوان بيبقى عندنا خطوة وحده مهمة
و الي هي انه ندمج اللايرات عشان تصير صورة وحدة
Layer > Merge down
أتمنى انه نكون وفقنا في الشرح و ان تكون الخطوات واضحة و بسيطة
و اذا لديكم اي استفسار او تبغون اي توضيح لا تترددون
قروب ألوان
رد مع اقتباس
~ 
المشاركة الأصلية كتبت بواسطة طير الغرام
] .. 
،،
[/URL
مواقع النشر (المفضلة)