~ [ آلـوان / و [ رؤى يـقدمون ~ المسـابقـه الـترآثيـه . .

[مزن هتان]

المنقله
اممم مو هاي اللي تثبت بالرمله و يوقفون عليها الطير؟.

الدس
قطعه غالبا ما تكون من اليلد (الجلد) يلبسها القناص بيده لأجل يحمي يديه من مخالب الطير
حزت لي بغى يشيل الطير


عاد مادري جان صح

[مــهــابه]

^
مـزن :

شرايج نحسبهـا بونس دام انه المنصوري شـرف موضوعـنا ، وحط أضـافه ؟

[مزن هتان]

ما عندي مانع
بس نشوف راي الاغلبيه (المشاركين) بالأول

[المنصوري]

يا مرحبـــااا السااااع

قهوة قهوة يا مجموعة انسان

اعتبــروني ضيـــف شـــرف ، وكان بغيتوا اضافاتي واسئلتي استحملوني لين ما يخلص الموضوع

نص الإجابة صح والنص الثاني غلط ( عاد دوري اي نص صح واي نص غلط )

تحياتي

منصوريوووه

[مزن هتان]

انزين المنقله
شرات الدس بس تفرق انه من دون اصابع و تنلبس باليد كذلك
بس فوق عـ الذراع

مستمتعين بـ استضافك أخوي المنصوري، و اضافاتك

[مــهــابه]

المنـصوري :

~ شـرايك تـطرح الـحلقـة الأخيره من المسـابقـه الـتراثيه كـ ضيف شـرف

وتعطـينا سـؤال صعـب شويه ، مايــعـرفونه بســرعه ؟

[المنصوري]

مزن هتااااان

الحينه صح اجابتج بس كلاهما يلبســن على الكف بشكل عااام

..

مهااااابه ’’

اتشرف بمثل هذه الدعوة

تحياتي لكم

[المنصوري]

أدري أصحاب الموضوع ودهم بس ودهم يضربوني لأني تأخــرت في طرح السؤال اللي مفروض أنــا اطرحــه ، بس بكل أمانــة مشغول اشويه ومشغول وايد

..

عالعمـــوم ,,

موســم القنــص قــد بـــدى والنــاس كلهــا حالياً تستعـــد للقنـــص ( موســم القنــص يبــدأ مع بدء فصل الشتــاااء لحيـــن انتهاااءه او لحين انتهاء الربيـــع ( هو أصلاً نحن في الاماارات انعرف وش معنى الربيع ) ، يعني تقريبا من بداية شهر عشــرة ليـــن نهايــة شهــر ثلاثـــة ) وخلاف يبدى موسم المقيــض شرات ما قلت لكم في الاضافــة السابــقـــة

طبعاً اغلب الناس اتروح للأماكن اللي تكون مواقع لهجرة طيور الحبااارى او الصفرد ... مثل باكستان ، اوزبكستان ، ايران ، حتى العراق وناس اتروح للمغرب العربي

كل شي في رحلات القنص حلو ، من البداية للنهايــة ، طبعاً لازم يوم اتروح في رحلة من رحلات القنص لازم اتكون مزهب كل الحايات اللي تباها معاااك ، من خيمة لأنك راح تمضي أكثر الوقت في البر بحثاً عن الفريسة المفضلة للطير وهي الحبارى ’’
معلومة سريعة ,,
في الطبيعة ، الطيــر ما يهاجم الحبارى أبـــداً ويخاف منهـــا ، لأنها تهاجم الطيـــر في بعض الأحيـــان ـ فلازم في مرحلة التدريب الصقـّــار لابد له من تعليم الطير على الحبارى وإلا فإنه ( سيفشله ) قدام العـــرب
والطباخ والقهوة في الجو البارد لهم طعم خاص ، وفي بعض المرات ( المدبـّــس ) اللي يكون له طعم خاااص ’’

سؤالي الأول : وش هو المدبـّـــس وكيفية صناعتـــه ؟!

وراعي الطير دايماً يتفاخر بعدد الحبارى اللي يصطادها طيـــره قدام الآخرين ’’

سؤالي الأخيـــر ،،

وش هو المقصود بتقطيب الطير ولمذا يقطـّــب الطيـــر ؟

وبعطيكم سؤال اختياري ’’
يعني لازم اتجاوبين على سؤالين من مجموع الثلاثة عشان اتحصلون النقاط الكاملة

ما المقصود بــ ( شنــذر) الطيــــر ولماااذن يشنذر ؟

السموحه كان بدى مني قصور بس زين حصلت هالوقت عشان اطرح الأسئلة

تحياتي للجميع

أخوكم
منصوريووو

[مــهــابه]

بالعــكس خذ راحــتك اخويـه المنصــوري ، تــواجدك أهــنيه هـو شـرف لـنا ويســعدنـــآ ..


حبيـت أذكر المشاركيـن بـأن آخر مـوعد لأسـتلام الإجابـه يــلين تــاريخ 9 -12 -2008

والـأجابـات تـوصل لـ العضوه مهـابه وراح أعـرض اجابـة كل المتـسابقين فـ الموضوع ، وبنـخلي أخـونا المنصــوري


يعــلن عـن الاجابــه الصــحيحـــه

[مزن هتان]

بحاول أدز الاجابات، خسبقتنا يا المنصوري خالي
و عياله مسافرين من راح يغششني الحين ؟

[مــهــابه]

طبعـاً اليوم كـان اليوم الأخير لأسـتلام الجوايـز

وللأسـف محـد شـارك معـانا فـالسـؤال الاخير غـير [ مـزن هـتان ] وكـانت اجابــتها كـ التــالي :


معنى تقطيب الطير، و لماذا يقطب ؟
يغطون عيون الطير، لـأجل يطير الصقر للأعلى

الشنذره، و لما يشنذر الطير ؟
مكعبات تتقطع لـ قطع صغار غير حاده الاطراف لأجل ما ينجرح
حلق الطير من خلالها يجدد الطير ريشه. تكون الشنذره لأجل
يتخلص الطير من الشحوم المتيمعه (المتجمعه).

و المدبس
هو نفسه المحمر (حلاته بالشتا)
عيش ينطبخ معاه الدبس في الماي و يصير لونه حمر



بإنـتظار اخــونا المنصوري عـسب يخبرنا عـن الاجابه الصحيحـه ، وبالـتالي نعـلن الفـايز بالمركز الأول والمــركز الثــاني

[مزن هتان]

السلام عليكم

يالله و أنا كمان انتظر أخينا المنصوري
بس مو كأنه خلصنا بسرعه

[مــهــابه]

^
فـ عـصر السـرعه نـحن لـوول
كـانت المسـابقـة لـمدة شـهــر كامــل ..

جـاري البحــث عـن المنصوري :P

[المنصوري]

اوووف

انمسح الرد

[المنصوري]

اووووووو وأخيراً رجعنـــــا والعود أحمد

السموحه على التأخيــــر ’’

اممممممم

طبعاً نرجع لمشاركات الأعضاء قصدي العضوة مززن هتاااان

الي تشكر على مشاركاتها ومجهووودها الطيب ’’

طبعاً اللي استغربته ( احاول اكتب شرات الرد القديم اللي انمسح بس ما اروم ) من اجابات العضوة هو خلط الاجابات ، يعني نص الاجابة صحيحة والنص الثاني ماله دخل في الاجابة اصلا

السؤال الاول كان ( شو كان السؤال الاول )
هيييييه عن التقطيييب ,,
التقطيب هو تغطية عيني الطير بقطعة خفيفة الطبقة ، بس اللي ابى اعرفه ، هل كيف قالت مزن هتان يغطون عين الطير عشان يطير لأعلى ، وهل كيف بعدين بيرجع أصلاً
الهدف من التقطيب هو حماية الطير وبخصوص المتوحشة ، لأنها ما اتكون متعودة على البرقع واتكون خايفه منه ـ فأحسن طريقة هي تغطية عينه ومن ثم نقل الطير من مكان لآخر ’’

السؤال الثاني ’’

الشنذرة شرات ما قالت ، قطع تعطى للطير للتخلص من الدهون الزايدة ( يوم يكون وزن الطير زايد شرات عفاريتووو ومهابه ) ، بس النص الثاني من الاجابة ماله دخل ابد ، ترى قلنا في فترة المقيض وهي فترة تغيير الطير لريشة محد يمسك الطير ، والشنذرة مالها خص ابد(ن) في موضوع تغيير الريش للطير

السؤال الثالث ،،

تقدرون تعتبرون غلط
عليكم بطلب المساعدة من اختنا حلم الطفوولة وهي بتخبركم شو هو المحمـّــر وكيفية اعداده
طرشوا لها بطاقة دعوة تراها خقاقه ما تحدر مواضيعنا

موفقين خيررر

وشكراً جميعا

والسموحه

أخوكم

منصوري باشا