خباز عيال زايد ~ برعاية مجموعة عيال زايد

[الملهم]

بسم الله الرحمن الرحيم

السلام عليكم ورحمة الله وبركاته

اشحااالكم ؟؟
عدنا لكم ببرنامج جديد ..
خباز عيال زايد .. برعاية مجموعة عيال زايد

..
..

حبيت اعرض لكم جولتي الى عالم المخابز المحلية ..
وكتبت تقرير عن معلومات عن المخبز وطريقة التخبيز ..

بداية .. رحت إلى مخبز بيت الخبز .. في الطوار .. مقابل جمعية الاتحاد التعاونية


وطبعا استأذنت منهم .. للاسف رفضوا ..
بس عقب قردنتهم وقلتلهم ان مخبزكم بيشتهر واقنعتهم وعقب وافقوا ..
التقيت بالاخوة مراد ومحمد حسن ..
وعلموني طريقة التخبيز ..


اولا هناك نوعين من الخبز المتوفر لديهم:
- الخبز الايراني: دائري وطويل شوي وخفيف ..
- الخبز الباكستاني: دائري غليظ ..
سعر لكل منهم درهم واحد ..

طريقة العمل:
اضافة خميرة - طحين - ملح - ماء الى الخلاط الكبير ..


ثم خلطه لفترة .. وعقب يصير عجينة ..
ثم فصله وتكوينه الى دائري كروي للخبز الباكستاني ..
ودائري بيضوي للخبز الايراني ..



وبعد الفصل .. يترك لفترة من الزمن حتى يتم التجفيف قليلا عشان يتقوى شوي ..
وبعد ذلك عند طلب خبز الايراني او الباكستاني .. تؤخذ العجينة الدائرية وثم يسطحونها ..


وثم يوضعونها في الفرن الطبيعي مع وضع القليل من الماء على العجينة لمنع الالتصاق ..


وبعد ذلك .. يكون الخبز جاهزا ..
يميمي ..
واشتريت خبز ايراني وباكستاني وصورت لكم ..

الخبز الباكستاني


الخبز الايراني


..
..

ارجو اني افدتكم بالجولة ..
وووو .. هيه يبالكم اتسيرون المخبز ..
وايد لذيذ"قلتلهم بسويلكم دعاية عشان يوافقون" ..


انتظرونا مع .. عيال زايد

[الشوق]

أخــــــــــــوي الملهم ..
يعطيك الف عافيه على هذا الموضوع الممتع اللي من وراه راح اتخلي مخبز بيت الخـــبز .. ينشهر بعد العنـــــــاء والتقردين ..

ياخوي طريقه جميله .. وصور حلوه ..
بس بســــــــألك ..
هذا الخباز يبيع الخبز اب درهم .. نحن عنـــــــا الخبزه اب درهم ونص وربع اتخيل بس انته ..
خاصة بعد الزياده ..
.
.
وحبيت اضيف على موضوعك ..
صوره لعمـــــــل طريق خبز الرقاق بالصور ..

واتحط معاه البيض والدهن والجبـــــــن واتقول

يمي يمي يمي
عجيــــــــب

.
.
تحياتي . يا خباز عيال زايد
اختك/ الشوق

[الاسطوري]

السلام عليكم ..

موضوعكم عجيب بس أظن في بعد هالخبز اللي يشبه الباكستاني بس مايكون دائري لا جيه ياي مطوط
من الصوبين أظن يسمونه أفغاني حتى المطاعم اللبنانيه يسوونه الحين، يبالكم
تحطون لنا انواع اكثر عشان نتعرف وعليها
ونتعلم منكم


الاســـطـــوري
أخوكم

[مجموعة إنسان]

تحياتي . يا خباز عيال زايد
اختك/ الشوق

مبرووك الوظيفه اليديده اخوي

موضوعكم عجييب الصراحه


في خبز اكلته عند ناس نسيت اسمه
خبز يمني فوقه زبده

[الا انا]

..^


لووول

احلى موضوع ...

عيبني وااايد


.. ياخطير انته .

شو هالافكار ..

خخخ

كيف فكرت انك تروح وتصور ووو .....

واايد حبيت الموضوع ..


عوافي ..

[رمــش الغـــلا]

حبيت الموضوع واآآيد ... [ لوووول ] ..~

نااايس

عليكم أفكآآر خطيرة يا عيال زايد .. ^_^

[ذنـيـنـي]

عجيييييييب

أحب الخبز الوقافي و خاصة يوم يكون حاااااااااااااار و توه طالع من الفرن
احب اكله خالي بدون اي اضافات

[العجيبة]

حلووووو


مثل هالمخبز عندنا احيدهم يبيعون الحبة بنص درهم ، ومع الجبن بدرهم > بس ما ادري اذا وصلهم الغلاء بعد

حلووو الموضوع اخوي الملهم .... ليش ما تكمله وتكتب عن أنواع الخبز الثانية > سير مخبز كارفور بنشوف الخبز الفرنسي مثلا !!!!



ومجهود طيب عساك دوم عالقووة

[مــهــابه]

حـــلـو الـموضوع ~ . .


آنـا الخبز المفضل عـندي ( رقـآق ) . .


الآيـرآني مـآحبه آبـد . .



فـكره حلـوه منكم قـروب عيـآل زآيـد


يعـطيكم العـآفيه . .

[عهد الوداع]

يوعتوني ...

وايد حبيت الموضوع ,,,,

فكره ولا عالبال .....

ما تقصرون ....

[الملهم]

السلام عليكم ..


الشوق ..

اضافة جميلة منكِ ..
المشكلة ان هم ما يسوون الا نوعين ..
وان شاء الله بشوف وبييب لكم انواع ثانيه ..
بسويلكم ريسيرج .. ^__^



الاسطوري ..

ان شاء الله بشوفلك شو ها النوع وبحط لك ..
افا عليك .. طحت على خباز محترف ..

[مزن هتان]

شلون دخلوك !!

عيال اختي يحبون الخبز الوقافي وايد
الخبز الباكستاني اللي يسوه فالراشديه غير (سميك)

أنا أحب خبز رقاق مع جبن
و احيان يدق براسي الا مهياوه