شاركوني بأفكاركم للحــج...

[عمة العيم]

السلام عليكم ورحمة الله و بركاته

ممممم



ان شاء الله بنسير الحج هالسنه

و طبعاً في العاده عقب الحج يوزعون صوغة الحج

عادتاً الصوغه تكون عبارة عن ( سيادة الصلاة + شيلة الصلاة + جلابيات للحريم او للرياييل + تمر + ماي زمزم + مسباح)

يعني اشياء معروفه و متعودين عليها

و طبعاً انا ماحب اسوي شرات الناس احب كل شي غير شكل

يلست افكر افكر

قلت وانا افكر بخليكم تفكرون وياي بعد صح ولا لا؟ خخخخ

يالله فكروا وياي شو اوزع ؟

حلقوا في خيالكم على راحتكم

اي شي في بالكم خبروني

ايييييييييييي شييييييييي ابا شي غييييييييييير

افكاااااار جهنمييييييييييييييييييييي ييييه

ادريبكم مابتقصرون

قدها و قدود



خخخ
(^_^)
...

[المزوحي]

في شغلات ثانيه تشترينها من المحلات العادية، يعني للحريم شيل سوده، وللرياييل غتر بيض (شماغ بصمه بيضاء )

ممكن تشترين بوكس (عجوة) مب شرط التمر العادي ... الماي حتى موجود عندنا ينباع هنيه ...

حتى لو الواحد عنده وبتهدينه بيكون غير، فما يحضرني شي غير ..

إن شاء الله الجماعه مايقصرون

[حلم الطفوله]

تروحين وترديلنا بالسلامه وربي يتقبل منج إن شاء الله

أحس إنه الصوغه كل ما كانت مبتكره وفيها أشياء غريبه تلاقي إعجاب الكل

مثلا اشتري سياييد مبتكره مب العاديه ... بتحصلين في (الأبراج ) شنط صغار فيهن سياييد واستعمالاتهم متعدده

وبتحصلين منهن في محل المتحف ....عنده أشياء غريبه

والتمر لا تشترين شيء عادي ... اشتري بوكسات أشكالهن تجذب وطعمهن طيب

سوالف الأدعية والأذكار ... روحي المطبعة وخليهم يطبعولج علاقات أدعية للسيايير بشكل حلو ... ووقعي تحت باسم العايله



وبعد بفكرلج ...

بس لا تنسين تدعيلي واتيبيلي صواوه وكيمره ....

[الاسطوري]

أنا مول مانفع في السوالف هاي بس تقدرين مثلا تعطينهم مصاحف لأن هالشي يعتبر هديه دايمه ماتنتهي ولاتخلص
ودوم الواحد بيتذكر الشخص اللي هداه هالشي طول ما المصحف هذا عنده ويقرا منه
وفي نفس الوقت بيكون لج أجر، هذا كل اللي
في بالي حاليا

[عمة العيم]

في شغلات ثانيه تشترينها من المحلات العادية، يعني للحريم شيل سوده، وللرياييل غتر بيض (شماغ بصمه بيضاء )
ممكن تشترين بوكس (عجوة) مب شرط التمر العادي ... الماي حتى موجود عندنا ينباع هنيه ...
حتى لو الواحد عنده وبتهدينه بيكون غير، فما يحضرني شي غير ..
إن شاء الله الجماعه مايقصرون

تسلم المزوحي على مشاركتك و العجوه شي مميز صح

[عمة العيم]

تروحين وترديلنا بالسلامه وربي يتقبل منج إن شاء الله
أحس إنه الصوغه كل ما كانت مبتكره وفيها أشياء غريبه تلاقي إعجاب الكل
مثلا اشتري سياييد مبتكره مب العاديه ... بتحصلين في (الأبراج ) شنط صغار فيهن سياييد واستعمالاتهم متعدده
وبتحصلين منهن في محل المتحف ....عنده أشياء غريبه
والتمر لا تشترين شيء عادي ... اشتري بوكسات أشكالهن تجذب وطعمهن طيب
سوالف الأدعية والأذكار ... روحي المطبعة وخليهم يطبعولج علاقات أدعية للسيايير بشكل حلو ... ووقعي تحت باسم العايله
وبعد بفكرلج ...
بس لا تنسين تدعيلي واتيبيلي صواوه وكيمره ....

الله يسلمج حبيبتي منا و منكم ان شاء الله

بالنسبه للسياييد انا شالتنها من بالي مول مابا اقرب صوبها بيوتنا بتنفجر من السياييد هههه
و بالنسبه للتمور صح انا بعد عيبتني فكرة البوكس الصغير يكون فيه كمن حبه حلوه تزقر هههه تلمع تلمع توايج من بعيد..
و الادعيه صح حركه حلوه...

اكيد بدعيلكم كلكم تستاهلون كل خير و بييبلج اللي تبينه صواوه شو ههههه

....

[عمة العيم]

أنا مول مانفع في السوالف هاي بس تقدرين مثلا تعطينهم مصاحف لأن هالشي يعتبر هديه دايمه ماتنتهي ولاتخلص
ودوم الواحد بيتذكر الشخص اللي هداه هالشي طول ما المصحف هذا عنده ويقرا منه
وفي نفس الوقت بيكون لج أجر، هذا كل اللي
في بالي حاليا

حي الله الاسطوري (السطوري)

فكرة المصاحف حلوه و يت في بالي بس مابغي اوزع مصاحف لان كل بيت ماشاء الله فيه مليون مصحف و انا بعد سامعه انه المصحف مايستوي نخليه جي مانقراه لازم ينقرا و انا مابا احط في ذمتي و اوزع و ناس يهملون مادري والله ياليت اللي عنده خلفيه عن هالموضوع يفيدنا

تسلم على المشاركه صديقي

....

[المزوحي]

عمة العيم

أمس ربيعي ساير العمره ( وواحد من ربعنا طلب منه إييب له عجوة ) شي في المدينة وشي في مكة

[عمة العيم]

شكرا يالمزوحي

انا عندي عجوة المدينه 5 كراتين اروم اوزعهن في علب صغيره لكن ابا افكار غير عن جي بعد

...

[حلم الطفوله]

أفا يا عمة العيم ....ما تعرفين شو الصواوه !!

هاي اختصار للعبة الصفاره !!! جان زين يبيعونهن الحين :)

[المحاق المشتعل]

السلام عليكم

يالله يا حجيه اخبار حلوة نسمع ماشالله تبارك الله

ان شالله اتسيرين واتردين بالسلامه

انا ابصراحه مب شاطر في امور الصوغه فبترك الراي للآخرين

[عمة العيم]

أفا يا عمة العيم ....ما تعرفين شو الصواوه !!
هاي اختصار للعبة الصفاره !!! جان زين يبيعونهن الحين :)

هههههههههه

صدقيني بدور لج الا ايييبها لج

....

[عمة العيم]

السلام عليكم
يالله يا حجيه اخبار حلوة نسمع ماشالله تبارك الله
ان شالله اتسيرين واتردين بالسلامه
انا ابصراحه مب شاطر في امور الصوغه فبترك الراي للآخرين

وعليكم السلام فنان الفنانين

اويه قالولي حجيه

ناء ناء انا ما بتقدر بستحي

الله يسلمك محاقنا

انزين يوم انك مب شاطر شاور حد اسأل حد عندك في البيت لعل و عسى تسعفونني هخخخ

....

[خنفروش]

و عليكم السلام و رحمة الله وبركاته

اممممم عموتي والله خنفروش نظرته طشونه مختلفه ... قولي كيف .. قلتي كيف ؟؟

انزين بخبرج كيف ... انا اخذ الفكره من المكان الي انا فيه ... و من الاشخاص المعنيين الاقارب

1 ) يعني على حسب دوارتي هناك و الاشياء الغير تقليديه الي تلفت نظري او الاشياء الـ جداً تقليديه (( هذا في جانب الـ صوغه ))

2 ) و على حسب الاخرين (( الي بيستقبلون الهدايا ))


و ادري بج انتي مب تقليديه ... و تفكيرج ابتكاري


بس الاشياء البسيطه ... إذا دخلتي عليها لمساتج اظن راح تكون كفايه

اقصد بالاشياء البسيطه مثلا ..

((( امور تقليديه )))

* سيدهات اناشيد

* (( القلم الي فيه الادعيه ... صحيح صار شائع ... بس هو مب متوفر عندنا فالدوله ))

* طبعا ً العجوة

* المساويج - بالطعم

((( امور اظنها غير تقليديه ممكن اتحصلينها )))

((( مع اني افضل انج تختارين من ايحاء المحل الي بتزورينه)))

@ كوشنات

@ اخفاف (( جمع خف )) حق الشتا - طبعا لا تنسين لزلاغ بوالاصابع هناك ارخص يقولون و لملوّن بعد بيكون انتكيه - يعني كل ما هو شتوي

@ مكينة عين الجمل (( مول ما ايخصه ))

@ تحف مثل ما اشارت حلم

@ لمحبي الكتب ممكن تشترين لهم كتب و محبي الواحات تشترين لهم واحة


هذا الي يحضرني الحين ... ان شاء الله يكون يوحي لج بشي

[ملاك الروووح]

:

ماشاءالللللللللللله

تروحين وتردين بالسلامه فديتج ..


أنا اختي واخوي بيسيرون هالسنه بعد ..

كان خااااااااطري أسير وياهم .. بس ما استوى نصيب

لكن الله يقدرنا ونزور بيته السنه اليايه ان شاءالله ..

:

امممم

بالنسبه للأفكار ..

اممم

جوفي انا ربيعتي يايبه لي سياده وايد كيوت .. جيه لونها فوشي .. ونايلون .. تنحط ف شنطه صغيره

عيبتني كيوت بصورها لج وبحطها هنيه ..

يعني ييبي سياده بس مب سياده تقليديه بتكون ..


:

مادري مافي شي معين ف بالي .. بس بسأل خواتي وربيعاتي

لانه احس توزيعات الحج تكون نفس الشي دوم ..

مافي مجال حق الابداع فيه .. !

::

خنفرووووش

لوووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو وووووووووو
ووووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو ووووووووو
ووووووووووووووووووووووووو ووووووووووووووووووووووووو ووووووووووووووووووووووووو وووووووووووووووووووول

أما مكينة عين الجمل

الله يغربل ابليسك ..

هلكتني من الضحك !!!!