الي يعرف شي عن بلدية ابوظبي يتفضــل

[خيال الحب]

السلام عليكم ورحمة الله وبركاته..

كيــف الحــال عساكــم الا بخـــير..

اخوانــي بغيــت اسالكم لو تعرفون حـــد في بلديــة بوظبي.. بغيــت اعرف شو رواتب المهندسين هناك وشو البدلات الي عندهم .. وطبيعة الشغل .. والدوام من متى لين متى..

بانتظار ردكم بفارغ الصبــر

[الاسطوري]

^
شكلك ماتحملت اليلسه في البحر روحك لووول، شوف عزيزي انا ماعرف وايد عن حكومة بوظبي بس هم
يعطون الراتب الشامل اللي هو في الثلاثينات والدوام حسب علمي للساعه 4
العصر وطبيعة الشغل اريح بوايد من الكراف اللي
انتوا فيه والاهم من
هذا مافيه مخاطرة بالحياة بس سمعت قبل فترة والعهدة على الراوي انهم موقفين التوظيف صار لهم مده
ومادري جان ردوا يوظفون ولا لأ بس في الغالب يدورون اهالي الاماراه نفسها
عقب الباقين ايي دورهم واللي عنده واسطه
يمشي قبل غيره

[صريح]

الجامعي حسب التخصص : من 32 الف ليـن 38 الف
الثانوية العامه: 22 الف

الدوام: 8 لين 4


الدوام فالبلدية يباله واسطة حاله حال كل محلية بوظبي
و الاولوية لهل بوظبي

بالتوفيج ان شاء الله

و السموحه ع القصور

[شوق القلوب]

السلام عليكم...

اهل بوظبي.. يعني جواز بوظبي..؟؟!

[المنصوري]

عيل دوروا ليه وظيفة إذا جيه السالفة :p

[صريح]

الله حيهم المناصيير




شووق


هيه نعم اللي جوازاتهم من بوظبي .. بعد يعتمد على اسم القبيله ..
اذا الشخص من القبيله الفلانية و الفلانية اموره بتمشي ع السريع لوول

[المنصوري]

الله حيهم المناصيير

الله يحيييهم الشرجاويــه

أنــا ادري محد بيسوي ليــه واسطـــه غيـــرك .. انته راعيــهـــا

وجهــة نظـــر ,,
مع احترامي لكل من يعمل في البلديــة ، أو يفكــر في تقديم أوراقــه للبــلديــة ,,
البلدية ليست مكان لصقل الواهب ولتطوير الموظــف نهائيـــاً ..
يعني .. (( مكااااانك ســـــر )) من دون أي حركـــة ..

لو بــ 50 ألف هب مقتنع اشتغل في هالمكـــان .. نهائيـــاً


خيااال
تعال عنــدي أحسن لك من البلديــه

موفقين خيــر

..

[أنامل قلب]

موفقين باذن الرحمن !

[خيال الحب]

شكــرا لـــكـــم من القــــلب



ودي ارد عليكم شخص شخص بس لضيق الوقت وضيق الخاطر


فسامحونـــي :)