بنك دبي الاسلامي

[شوق القلوب]

السلام عليكم..

ع فكره .. دبي الاسلامي سكر بطاقات الكريدت كارد خارج الدوله ..

فجان حد امعزم يسافر و معتمد على بطاقات الفيزا.. فمن الحين ياخذ احتياطاته ..!

[ملاك الروووح]

ربيعتي ضحكتني

يوم السالفه استوت وطرشوا لنا مسجات عسب نغير الارقام السريه حق حساباتنا ..

رحت اغيره

جان تقولي ربيعتي ما يحتاي ملاكوه

أصلا يوم بيشوفون المبلغ اللي موجود في حسابنا .. بنكسر خاطرهم وهم روحهم بيحولون لنا بيزات


والمشكله انه انا روحي بطاقتي ضاعت قبل العيد ..

وتبهدللللللللللللللت وايد

وذلوني ذل لين طلعت بدل فاقد ..!

والسيرفس مالهم وايد تعبان الجوهره مستوي ..!


واصلا المفروض يستقطعون من راتبي مبلغ حق حساب اختي ..

وعندي مرابحه بعد ..

بس مادري شو سالفتهم .. ما استقطعوه من الراتب للحين


وانا قلت لهم اني ابي بدل فاقد حق حسابي الجاري بس سووا لي حق حساب التوفير

وكل شي متلخبط الحين


بس حقوقكم ما بتضيع ان شاءالله =)
:

صريحكووووه

ثانكيوووووووووووووو عالمعلومات والشرح

كفيت و وفيت ..!

[عهد الوداع]

اووووونه ,,,

اخاف سالفة السرقات صج وانا يا غافلين لكم الله ,,,,

[الاسطوري]

ياجماعة ترا بنك دبي الاسلامي من البنوك القوية مب
حي الله يعني ماينخاف عليه



حكامنا يضمنون الودايع للجميع والتفاصيل في الوصله

http://www.emaratalyoum.com/Articles...6dd35450b.aspx

[بن دبي]

السلام عليكم ..

حاب اضيف شي بخصوص بنك دبي الاسلامي ..

من مصادر موثوقة ,,

بنك دبي الاسلامي من اكثر البنوك في الدولة الي تأثر بالسرقات من قبل عصابة افريقية ... بتقولي كيف ,,

هل عصابة قامت بتركيف اسكنرات صغير جداً ولوحات ازرار في اجهزة الصرافة في الدولة وبهذي الطريقة يتم تخزين رقم البطاقة ورقم الحساب مع الرقم السري وطبعا شو باقي هل معلومات وايد مهم .. وعن طريقها يسرقون ..
وهل شي البنك المركزي ذكرة في الاخبار ,,

فاغلب البنوك قامت بتغير الارقام السيرية لبطاقات العملاء مع تقليل السحب الكاش الى ألف في بعض البنوك ..

هذي سالفة السرقات بس بخصوص الازمة الاقتصادية فالكل عارف والله يعينا على البنوك ^_^ مانصح حد يخلي افلوسة في بنوك اجنبية عليكم بالبنوك الوطنية لانها ملك للدولة والحكومة ضامنتنهم 100% مع البنك المركزي ..


وسلامتكم ^_*

[شوق القلوب]

زيـــــــــــــــن انه الرصيد خالي.. و احصل فلوسي كاش..

[رمــش الغـــلا]

^ يحليله أخوي

يداوم فالبنك ... واخواني فالبيت مقطعينه يلا اظهر من البنك الكل يشّكى منهـ .. [ لوول ] ..

.
.

يقول من زود ما الناس خاايفة ع بيزاتها ... ما قام يتم عندهم كاش ... الكل أيي يسحب لووول ..~!!

.
.

[المزوحي]

بن دبي فهمت عليك، لانه شفت الطريقة الليس يسرقون بها في الايميل ...

مشكورين على الردود ....

ربيعي سحب فلوسه، ونهار ثاني قال شو اللي خلاني اسحبهم !

[بن دبي]

الظاهر احسن شي نسحب كل الخردة من البنوك ونحطها تحت السرير ^_^

[ملاك الروووح]

^

والله اعرف وايدين جيه سووا !


بس أحس بتم يالسه على أعصابي أحاتي بيزاتي بتنسرق ولالا !



<< دخيلج خفي علينا اللي يسمعج يطيح واقف !!



هع هع

[عهد الوداع]

ملاك الروووح


انا لين الحين احاتي خخخخ ,,,

لا بعد ما رحت اجيك ع حسابي ,,,عافانا الله ,,,,

[المزوحي]

لا

بن دبي اتحمل تسويها .... ^_^

[بن دبي]

المزوحي صدقني احسن لي ^_^
على الاقل اصرف لفلوس عن اخسرهم في البنك ^_^

[وحي القلم]

بن دبي

البنك أأمن.. سمعت عن كمن صرقه استون من مده

..

[المزوحي]

بن سمعت ...

يعني لو حد سرق من البنك ، يمكن في احتماليه يعوضونك، اما سرقة البيت ... محد بيفتكر ..