الســـلام عليـكم ورحمـة الله وبركـــاته
اليوم سويت صالونة الربيان للغدااااا
و قلت ليش ما اصور عشان السطوري يصدقني اني طبيخه نمبر ون هخخخخ مب نمبر تو ولا سري لا بس فقط لمبر ون
اول شي انييب الربيان مثلج او فرش انا افضل المثلج يكون انظف
نغسله
و نحطه في المشخله و نرش فوقه كركم و شويه خل و نفركهم بيدنا طبعاً البسوا قفاااااااز
جييييييين
بعدين نقطع طماط قطع صغيره .... و نحط في تاوه شويه زيت و نحط الطماط فيه و نغطي التاوه عشان الطماط يستوي و يطلع الماي كله.......و نحط فيه معجون طماط مع بهارات (فلفل اسود + زنجبيل مطحون+ ملح+ ثوم مجفف مع الاعشاب+ زعتر جاف)
هذه هي بهاراتي المفضله لازم تكون عندكم
و في تاوه عميقه ثاااااااااانيه نحمر البصل الاخضر مع قطع من الزنجبيل المقشر مع ثوم مدقوق مع الربيان لين ما الربيان يستوي بس لا تحرقونه خخخخبعديييييين نطلع قطع الزنجبيل و الثوم و نعقهم خلاص لان الطعم و الريحه في الربيان استوا و هالمطلوب
عقب بنصب صلصة الطماط اللي سويناها على الربيان و نضيف ورق الغار مع صلصه تايلنديه سويت اند ساوار الحاره اسمحولي ماصورتها مالحقت....و نقطع اوراق الريحان و نضيفها على الربيان
و نضيف على الربيان كريمه الطبخ مب واااااايد بس شويه شرات الصوره
و هذه هي الكريمه اللي افضلها انا
و تييبون بطاط تقشرونه و تقطعونه مكعبات صغيره وايد و تقلونه تحمرونه لي ما يستوي عقب تضيفون البطاط للصالونه
و نسوي خلط بلط و هذا هو الشكل النهائيييييييييييي
ولا تنسون تعصرون لومي فوق الصالونه و تطلعون ورق الغار من الصالونه
اسمحولي مصوره عالسريع بس عشان خاطركم
و ترا شرحي على قدي يمكن تتلخبطون بس انا حاضره اسألوني و انا بجاوبكم
و بالهناء و الشفاء
(^_^)
...
رد مع اقتباس
ــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}
مواقع النشر (المفضلة)