آجـارات وصلصـات حـاره

[ذنـيـنـي]

لي عوده "ساخنه"
برقد الحين وراي دوام

[مــهــابه]

مـال قيصر حلـو ، بس ما ادري ليش كل ما أكله بطني يعـورني ..

نحن اللي نآكلهم فيه حبه سودة اظن ما ادري شو يسمونها يمكن جيه

[عهد الوداع]

انا بس جربت اجار همبا في خاطري اجرب ليمون ,,,,

تعرفون (الجتني) شو لذييييييييييييذ وحار ,,,,,

[الا انا]

..

الله ..

كل شي حاااااااااااااار

يمي .><

حلاته التباسكو ..><

..

بسال بيتنا جيف يسوون آجارهم وبحط الطريقه ..^^

[الاسطوري]

طريقة تحضير كل نوع تختلف عن الثانية ودام وعدتكم بحط لكم طريقة وحدة حاليا اللي هي طريقة تحضير آجار الثوم، بدش في الموضوع على طول ماعرف أحط مكونات وغيره، طبعا هو يكون يابس فلازم تحطونه في الماي لمدة يومين وخلال هاليومين تغيرون الماي وتنظفونه من كل السوالف اللي تكون وياه وعقب هاليومين تحطونه في ماي و تترسونه ملح وتخلونه على الفرن لين يغلي لفترة عشان يتشرب الملح عدل وعقب تصبون الماي هذا وتخلون شويه منه بس في قاع الجدر وتصبون عليه خل (سركه) كمية أوكيه وتقطعون عليه فلفل أخضر وتحطون بهارات وسوالف مافهم فيها وتحطونه مره ثانية على الفرن وتخلونه يغلي فترة وعقب ماتحسون انه خذ كفايته تبردونه وتحطونه في غراش وتاكلونه يوم ثاني

اللي بيطبق يطرش لي عشان أقوله شو مدى الجودة ولاتنسون كل واحد بيقرا
هالرد يحط نوط إماراتي أحمر سواء بيسوي أو
لأ هاي حقوق المهنة


بالهنا والشفا وجهزوا علبة الكلنكس عشان
ماتصير فضايح على السفره


برجع للردود عقب

[مــهــابه]

آمس اكتشفـت انه في آجار طمــاط ! ..

آمس ع الغدا حطولي منه ، لذييييييييييذ وحآر ..


جان تغديت اليوم بصوره لكم وبراويكم شكله كيف ، بس لاتسألوني عن مكوناته ، لآني مابعرف :P

[المزوحي]

بيني وبينك الاسطوري انا احب هالاثنينه اكثر


دقوس بو صقر وماينباع في الجمعيه ( بتلقاه قي الدكان ) و احط تباسكو يوم اكون في المطعم

وبالنسبة للآجار احب آجار هنمبه اللي عليه طياره ( من الجمعيه بعد )

يسوون في البيت بس مب عندنا يطرشونه لنا آجار ليمون وشي آجار ثوم

[شوق البدو]

اموووووت فشي اسمه اجار داقوس بوصقر فلفل اي شي حااااااار الين ما لبقت معدتي بس ما اتوب
شهيتوني فييه وانا صايمه جرحتو صيامي

الداقوس نلقااه فالجمعيه
والاجااار من الجمعيه بعد
بس مره كلت اجاااار شو يميي فبيت يدي ربيعت خالوه يايبتنه لذييييذ اجاار همبا

[مــهــابه]

انا مـآ احب الآجار مال السوق ، يعيبني لي يسونه فالبيـوت ~

طعمه غير


والدقـوس آكيد بـوصقر وإلا فــلآ !


ع فكره انا شرآتج ياشوق ، ما احس بمزة الآكل لو ماكان حآر !

[شوق البدو]

مهابه هو صح الاجار مال شغل البيت احلى ^.^
بس يوم ما تلقى وانت ما تاكل شي الا وهو حار فاجار الجمعيه بديل



الحيييين بتعلم وبااخذ الطرق من هنييي فااااضيه الين ما احصل شغل
بشتغل هالشغله وبيبيعها ع اهل الوااحاات ولكم اسعاار خااصه XP

[مــهــابه]

^

هـو كلامج صـح ، مال السوق بديـل للبيت


لـو انا فـ مكانج بآخذ بـريك سـنه كامله أقل شي عن الشغل وصدعه الرآس ! ..


الغرشه يبيعونها عـ 35 ما ادري 40 == >يعني في مجال انج تسـتفيدين


طبعـاً بتسويلنا ديسكاونت اكيييد :P

[شوق البدو]

هههههه عن اسوي عااااد <<< وحده فالحه فالرقاد بس ،.


هيه صح بعد اتذكرت في اجااار ما ادري مخلل بس هو حااار مشكل فيه كل الانواع من بصل وخيار وجزر وثوم وغيره يمي
بعد ها شغل بيت بس ما اعرف طريقته XD

اتريا طرق الاسطووري

[الاسطوري]

^
مافي طرق ولا مواصلات سكرنا الهيئه خلاص، الخلطات السرية محظور التشهير بها واللي يبى يكون
عميل يتفضل بنسوي وياه عقد شراكه في الارباح لمدة سنه على
الاقل حزتها نقدر نعطيه بعض
الخلطات

[شوق البدو]

هههههه لااااه

ماااصاار اجاااار =d

[هزاايم]

ماشاء الله عليكم

اسمي بيتنا غني بانواع الأجارااات,,لدرجة في ناس ياكلونه مع الخبز يعني شاورمة اجااار=q استغفر الله
لكن انا ما اكله



انا حدي كشيييب
لو الأكل حااار يعني مفلفل فهذي سر الطبخه و انا ماادخل فيها بس ابلع وانا شاقه الحلج =)