بيــــــــض و طمــــــــــاط

[عمة العيم]

الســـلام عليــكم و رحمة الله و بركــاته
اشحالكم يا عرب
و اشحالكم يا عيم
يقولكم اليوم ناشه فخاطري تخم و تاموتوووووو
ههههاااي
يعني بيض و تماط اقصد طمات يعني طماط

و جاااااااان مب اي بيض و طماط لااااء ابا بيض و طماط مطبووووخ عالحطب جي احس فيه ريحه لذيذه

نبــــــــــــدأ
اول شي:
ولعوا الحطب
هكذا

بعد ذلك
ييبوا التاوه و حطوها فوق الحطب و ذوبوا الزبده
هذه هي التاوه ماحصلت صورة تاوه عالحطب (الله يخلي قوقل ترا الصور مب صوري)

و بعديييييييين انييب طماط من غير قشووور و نقطعهم مكعبات صغيره جداً نتف صغيره
و نحطهم في التاوه مع شوية صلصة طماطم
هكذاااا

إلييييييين ما الطماط يستوي شرات صلصه يعني ينطبخ عدل
عقبه نكسر البيض في الطماط

و نسوي خلط بلط خلط بلط مع فلفل و ملح
و نقدمه هكذا و نزينه هاكزا خخخ
و بالنهايه تاكلونه بالهناء و الشفاء

ملحووووووووووظه
(الطريقه طريقتي و لكن الصور سارقتنها من قوقل)
تحيــــاتي
(^_^)
...

[مــهــابه]

عـليج الســلام والرحمة ! ..

مـن زمـــان ماكلـت بيض وطمــاط انـا ! ..

انا مايعـيبني إلا اذا امـايه سـوته حقــي ..

خليتيه فخاطري :p




يعطيج العـافيه

[الاسطوري]

السلام عليكم ..

صح اني ماحب هالاكله وايد ولكن دام اني للحين مب متريق فدشت خاطري وانتي السبب وبناءاً عليه
يتوجب عليج تقديم وجبة إفطار شاملة لي في أقرب وقت ولا ترا
يوعي في ذمتج وقد أعذر من أنذر


شكرا على الموضوع بس نبى نشوف صور لطبخكم انتوا عشان نعرف جودة إنتاج كل شخص فيكم كيف؟
باجر مثلا ذنيني يفتح مطعم ويدور له شيف متمكن ومتميز فعلى طول
بيختار من هني يالله شدوا الهمه


الاســـطـــوري
أخوكم

[عمة العيم]

مهابه

افا عليج بسويلج و بكتب على الصحن (أمايه سوته حقي)

الاسطوري

ههههه يعني انا ثويت خير خخخخ يوم هالاكله دخلتها في خاطرك

انزين الاسطوري انت لازم تصدق كلامي يعني انا والله صدق طبيخه تراني الكل يمدح طبخي...
يعني من لي غيرك تسوي لي واسطه عند ذنيني... بسوي لكم بوفيـــه ريوق جماعي في الواحات

ترااااا انا من دق في راسي تخم و تموتووو جان اقول لازم اخبركم و انزل موضوع و جان اتخيل عمري اسوي و اكل...
بما اني بعدني ما انتقلت لبيت روحي...فـ ما اقدر اسوي تخم و تموتو على كيفي.... الله كريم اهيئ


(^_^)
...

[المنصوري]

إلا ما ذبحتيني يوووع

بجربها وبرد عليج :p

[مزن هتان]

عليكم السلام و رحمة الله و بركاته

أنا يعت، دش خاطري بس ابي اللي يسونها في بيتنا
عموه حطي لنا صورة البيض اللي تسوونه انتوا احس
شكله ألذ.
امي مادري شلون تسويه هو بيض و طماط يعني لازم يكون
أحمر اللي تسويه امي جاي عـ الاصفر & الاخضر
يمكن من الزيت !!

[عمة العيم]

المنصوري بترياك...

مزن هتان... يمكن الوالده ماتطبخ الطماط عدل و ماتحط وياه صلصة الطماط...و يمكن تحط وياه خضره شرات شبت او بصل اخضر... ممكن يعني...


ان شاء الله لو سويت و رمت اصور ماببخل عليكم

(^_^)
...

[الاسطوري]

"مزن"

يمكن أمج تحط فيه فلفل أخضر؟

[مزن هتان]

ما عرف يمكن، بسألها
و جان سوته قريب بنزل صوره
بس الفلفل لازم فالسالفه و بزياده بعد

قاعده احاول استوعب شو فلفل أخضر !!
اتخربطت بين ردودكم

[مــهــابه]

^
هـيه يـحطون فيـه فــلفـل اخضــر ( الحـــار ) يطلـع حـلو ، وشويه بـهـار يعني فـلفـل ما ادري بـزار ..

حلـــو

[دمعة عين]

^
في كليتنـآ آلحين متكرمين ويسوونه
حق إلي يبـآ . . !*

،

بس عني آنآ نووو وييييه . . مآحب البيض إلي يوم هوه
قرص وعليه ملح بسسسسس . . !*

مشكوره ع الطرح بنت العم . .
يوعتي خلق الله لول
،
.
.

[مزن هتان]

تقول من الفلفل الاخضر
ما شاء الله الاسطوري خبره !!

[عمة العيم]

ويييييييه مزن

انتي تقولين يظهر لونه اخضر يعني تترسونه فلفل؟؟؟؟؟؟؟ لو فلفل مابيطلع لونه لانه وايد حااار و بيكون شويه انت يتقولين اخضر يعني واااايد تحطون فيه فلفل و واااااااااايد يكون حار احححح يحرق

السطوري خبره هاه يا موهوب انت خخخ


دمعة عين....افا عليج تبين بيض بروحه بسويلج عالحطب

(^_^)

...

[مزن هتان]

اي نحط فلفل وايد، حلاته يوم تاكلين و كرتون
الكلينكس عندج

[الاسطوري]

السطوري خبره هاه يا موهوب انت خخخ

شو دخل سطورج الحين في
الموضوع هذا

اي نحط فلفل وايد، حلاته يوم تاكلين و كرتون


الكلينكس عندج

ماشاء الله كرتون مره وحده ليش كم علبه
تخلصون في الوجبه الوحده