تجربة ألوان لا اكثر ( لوحة )- برعاية المافيا

[المحاق المشتعل]

السلام عليكم ورحمة الله وبركاته

اسمحولي هاليومين كل اشارك بأعمال اي كلام وذلك اني مازلت في طور التبحر في الالوان المائيه

وما كانتي عندي فكرة معينه كما هو حالي هاي الايام فألفت رسمت من غير فكره فقط لتجربة المزيج اللوني

ولتحديد الظلال ودرجة اللون المطلوبه لذلك إلي اخره

وأحب اني اطرح التجربه ان شاء الله بعد اذن سعادتكم

واسمحولي على اي تقصير في ادائي الفني



. .
. .
. .
. .
. .
. .
. .
. .
. .
. .
. .

[أنامل قلب]

يالله ما أقدر أرد الحين ،،
بس شكلي بثقل بمرور تالي بالغد اللي هو اليوم !

مكاني محجوز ^^"

.. .

[عمة العيم]

عيبني تداخل الالوان

وانا شخصياً وايد احب اشوف رسومات اليدار و الممرات

ابدعت يا محاقنا


(^_^)
...

[الا انا]

..^

روعه ..

مع انه الي يجوف الرسمه يقول بسيطه وسهله ..
..
بس بعد صعبه وايد صعبه بالنسبه لي ..

هالتلاعب بالالوان عجيب .. ويباله ايد خفيفه ..
..

خاصه الي ع طرف اليدار باللون الاخضر ..لمسه وايد عطت اللوحه جمال ..

..

من اشد المترقبين لجديدك محاق ..
صج والله لو الرسمه بسيطه بس استفيد انا شخصيا .. وحتى لو كانت اللوحه تجربه للالوان ولا غيره ..
الحين ردت الروح لهالواحه لا تبخل علينا بلوحاتك ..^^
""
///

دمت بود

[بنت الدلع]

جميـــــــله !

[المحاق المشتعل]

سكون

حياج الله في اي وقت اختي الكريمه

والموضوع موضوعج يفتاح ابوبه دوم للكل واولهم انتي

[المحاق المشتعل]

عموووو

حيالله عموتنا الفنانه

اشكرلج ردج الطيب احترم ردج بس اللوحة انا عن نفسي مش مقتنع منها تماما

لأني سويتها من غير اي تخطيط مسبق ومن غير تحديد بالرصاص وغير وغير

لكن ان شالله بحاول ارسم رسمات بشكل يومي عشان اقوي التداخل اللوني

والي بنيت لوحتي على اساسها التلويني فقط

بس ابغي مداخلاتج تكون موجوده دوم عشان استفيد مها عمو

وكلي تقدير لحضورج وردج فنانتنا

محاق

[عمة العيم]

الله يسلمك محاقنا

صح انا عرفت انك راسم بس عشان الالوان و مب مخطط و مب مركز في المقاييس و هالسوالف
و الظل و الافق مب صحيح 100% بس انا علقت على الالوان انها عيبتني وايد

(^_^)
...

[المحاق المشتعل]

الا انا

اشكر لج هالتوجد الطيب من حضورج الاطيب

جداً ممتن لهذا التشجيع ولهذه الردود الكريمه

بصراحه اداء اللوحة مول مب عايبني بس كألوان حسيتبها حلوه اشويه

وبما اني يالس اجرب فقلت بعرض تجربتي والحمدلله على كل حال

الالوان المائيه وناسه بس مشكلتها أي غلطه يمكن اتكلفج مجهودج

بس إلي يتمكن ... حتى لو غلط يقدر يواجه غلطته او يقدر يصرف النظر عنها بشطارته

جداً مرتاح لإضافتج الطيبه

وان شالله ارسم المزيد ونستفيد منكم اكثر وان شالله ما ننحرم من افكاركم ايضاً

تقبلي خالص احترامي

محاق

[المحاق المشتعل]

الله يزين دنياج وآخرتج بالجمال

شكراً جزيلاً بنت الدلع

[المحاق المشتعل]

هلا عمووووتي

اقووول

شو يعني انا اذا غلطت انتي مزهبه سجاجينج ( شو ما نغلط يعني )



لا بجد انا حتى الالوان مش مقتنع منها كلها بس في شي منها عيبني

واوراق الشير إلي في يمين الصفحه خربت اللوحة اكثر

وانا يا عمو مهما كنت فصدقيني

انا تلميذ في مدرستج الكبيره

وان شاء الله انكون متواصلين في هاي المواضيع عشان استفيد منج ومن كل فنان غيرج



محاق

[أنامل قلب]

عدنا ^__________^ ،،

لول ^^"

/

مادري جان تبون الصدق ،،
لمن أقرى كلمات مثل (( رسمه عالسريع )) + (( مجرد تجربه )) + وما شابهها من ألفاظ ،،
أحس حزتها ابـ إحبــــــــــــــاااااط عجييــــــــــــب =#

دخيلكم خفو علينا شوي // حتى عموه تراها ماتقصر ابـ هالألفاظ =$

بس يعني ،، بيني وبينكم جان تبون الصدق // وهذا مش كلامي بس ترى حتى بنت الدلع تشاركني الرأي !

بالنسبه لهذي اللوحه اللي تعتبر مجرد تجربه ،، فيعني مقارنة بمستواي الطيب اشوفها عاديه جدا ..
لكن بما إنك قلت عنها مجرد تجربة لمزج الألوان // فـ بقيمها بالمقبول ..





















تخيلو انتو بس !

والله أحس إني قمت أهلوس وأخبص بالحجي وااااايد ،،
بس وربي ما أنلام ،، عـ كثر ما أحب هالفن عـ كثر ما أحس ابـ عجز الكلام ^^"

وربي أحب الرسم ،، التلوين ،، التظليل ،، ونثر الخطوط ابـ هذا الشكل الطيب !

+ ابـ نفس الوقت ما أحب أكرر كلام الاعجاب دوم ،،
خوفا من التقليل بتقدير حجم الاعجاب تالي // ولهذا بحتفظ بـ ثني رأسي اعجابا // متأمله .. . !

بس ترى صدق من الخـــــــــاااطر أحب الرسم ~ !

+ عن الرسمه // فـ جدا لفتني طريقة تظليلك ،، نثرك للخطوط بالأرضيه / المباني بهذا الشكل الجميل ..
وكل شي دامه تابع للــ رسم وفنــــــه .. .

.... { امتناني ~

واسمحولي عالحماس الزايد ^^"

.. .

[عمة العيم]

محاقنا

ياربي ليش دوم تقول لي انك تلميذ عندي.....ماحب يوم تصغر عمرك عندي احس ماعرف كيف
اكره عمري آآآآآآآآآآآآهيئ يا ايها المحاق المشعوذ واللهي واللهي واللهي فنك افنن من فني..... اقصد فنك اكبر من فني يعني خبرتك اكبر من خبرتي

انا توني باديه............انت من زمان ترسم.......مافي وجه مقارنه يعني........فوق كل هذا انت ريال...عندك ربع رسامين فنانين واصلين للقمه و تروم تاخذ راحتك وياهم و في اي لحظه تروم تشاورهم اما انا لا صعبه عليه


ارجوووك لا تقول انك تلميذ عندي

انا تلميذه عندك

(^_^)
...

[المحاق المشتعل]

سكون

يوم قريت الفقرة الاولى قلت فعلاً مب شي غريب على نقص فني مع القليل من الاستغراب من تغير في الاسلوب

لكن يوم قريت الفقرة الثانيه قلت في خاطري ( ردت حليمه على عادتها القديمه ) سكون الطيبه المجامله الطيبه

عمرها ما بتتغير حتى لو كانت الرسمه مب حلوة ما بتجرح صاحبها بأي لفظ يقلل من قيمتها

وانتي اتعرفين رايي مسبقاً في شخصج الطيب وانا ما بعيد وبكرر


من حقج يصيبج احباط

مثل ما انا من حقي يجسني احباط يوم ألقى رد بهالجمال حق عمل ما يستحق نتفه من هالرد

وعلى فكرة يا اعضائي الكرام

قد يتجنب البعض دخول موضوع ما أو ابداء رأي او يخاف من التقصير في الرد

وانا اسهل عليكم العمليه واقول كلمة رأي واحدة تكفيني وحتى لو ما تردون مشاهدتكم تكفي

لا تجبرون قلوبكم على الرد ( وهذا الكلام موجه للجميع وليس لأنامل قلب )

انامل لو حاط موضوع بدون صوره بترد بعد ماشالله عليها وتسلم كل ردودج طبعاً وتسعدني وايد

بس اوجه الكلام للكل عشان ما يتكرر الكلام او يتشابه اي يتعب حد في كتابة شي للطارح

باختصار .. انا إلي يدش موضوعي اباه يكون مرتاح من كل النواحي وما يشيل هم شي

ولا تخجلون من اي احساس تبدونه سواءاً كان حلو ولا مب حلو في حق لوحاتي لأنه

موضوعي يحترم كل الاراء

....

انامل قلب

وانتي ضيفة الشرف في كل مواضيعي فخذي راحتج سواءاً بالكتابه أم بالسكون

مرورج يكفي ويعطي الموضوع وزنه الكامل وقيمته الكبيره

وان شاء الله ما تمل عيونج الكريمه بمتابعة اعمالي

لكي خالص الشكر والتقدير

محاق

[المحاق المشتعل]

عمووو

اولاً الخبره مش دايماً مقياس

والشي الآخر اذا كان الكلام إلي قلته ماعيبج ما بكرره ان شالله مره ثانيه

بس

بحتفظ هالشي بيني وبين نفسي

وشي ثاني عمو انا ربعي معدودين عالاصابع

وبين فترات طوييله نتكلم ويا بعض

وانا انسان جداً انطوائي وموول مب اجتماعي

فأكثر ما ارسمه يكون بمجهودي الشخصي بلا فخر

وهالمشعوذ ناوي يطلع الجنون إلي في التنور إلي عندج في المخبز

وفي جني قراشي مب طايع يطلع يقولون