موضوع لمدة يومين بس .!

[وحي القلم]

السلام عليكم

سامحوني عالعنوان الحلو .. بس قلت هاي أحسن طريقه عشان تعرفون أني بقول لهم يمسحون هالموضوع عقب يومين

أنا عندي مشكله أفكر فيها من مده و مب عارفه شو لازم أسوي بالضبط

فقلت بسأل و بشوف شو بتقولولي.. يمكن أعرف أنسب حل

.
.

ويايه وحده وايد تعق الرمسه و اسلوبها وقح.. ما جد شفت حد شراتها قبل

كمن مره سمعتها تسب ناس و تقول عنهم كلام مب هيّن "ماعرف شو أسمّيه من فظاعته"

صدق ما عرفت شو يعني "إن أكرمت اللئيم تمردا" إلا عقب ما شفت هالإنسانه

تخيلوا وقاحتها وصلت لدرجة أنها تتكلم في أعراظ الناس اللى يعاملونها باسلوب زين..!

.
.

و الصراحه ما أحب أسمع أي شخص كان أنه يغلط على حد جدامي و يكون كلامه هذا من ورا الناس اللى يرمس عنهم

لانه شي أكيد أنه ما عنده الشجاعة على أنه يقوله جدامهم

مادري ليش البنات يضحكون يوم ترمس .. أنا أحس أني أبى أظهر من المكان اللى هي فيه من تبتدي تتكلم

عشان جيه كنت أتشاور على كمن شي

ولا أني أرد عليها و متأكده 100% أنها بتألف عني رمسه و أشيا ما تخصني

أو أني أتم ساكته -بس هالشي ما أظمنه بعد لاني مب مقتنعة به أصلا-

أنا مب زايغه من الكلام اللى بتقوله عني لانه ما يهمني أصلا بس أخاف السالفه تكبر و وحده مثل هاي ممكن تسوي أي شي

فقلت أحسن آخذ أكبر عدد من الآراء عن أستعيل و أتندم عقب

[الهيثــم]

عن أبي سعيد الخدري ـ رضي الله عنه ـ قال : سمعت رسول الله صلى الله عليه وسلم يقول :
{ من رأى منكم منكراً فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان }

هذا ما أستطيع قوله ،،

و [ ربما ] تكون لي عودة ..

[إسهر معي ليله]

انا ما اقولج شو تسوين.. بس اقول لو كنت انا مكانج شو بسوي..

اذا واحد من الشباب شفته وايد يسب وعلى انه يظحّك الباقين،، ارد افشله وانا معصب جدام الكل.. بس رد قوي يخليه يقفط.. وطبعاً ما ابالغ في ردي لـ حد ما تستوي الضرابه.. من احس انه البكس بينقع .. اسكت

يعني مثلاً يطري ام فلان// اقوله استح ع ويهك ياخي.. تبا تضحكنا سبه روحه جيه تطري امه.. شو يخص الامهات واتكلم واتكلم واوني محرج جدام كل اللي يالسين.. ليين يقفط (جربناها قبل ونفعت)

أو .. اني ارد عليه واعامله بنفس الاسلوب اللي يعامل فيه غيره.. يمكن يفيد معاه ويحس


وسلامتكم

[حلم الطفوله]

وحي القلم

الله يهديها .... والله يعينج عليها

بس تدرين ...أتوقع إنج نبهتيها كم مره لتصرفاتها ولكنها طنشت أو اتمادت لأنه بو طبيع ما ايوز عن طبعه

ومتأكده إنج استخدمتي وياها كل الطرق عشان تعالجينها ( لأنه هالتصرفات تعتبر مرض الله يبعد عنا أصحابه )

وكلي يقين إنج طفرتي

فيه ناس السكوت عنهم راحه .... حاولي تشغلين عمرج يوم بتبدأ ترمس ...يمكن تحس وتنطب

اشردي من المكان إلي تتوقعين تشوفينها فيه ...يمكن تحس

حاولي تفهمينها إنج ما تحبين أسلوبها ...يمكن بعد تحس

وجان ما حست

اعتبريها سراب جدامج .... وادعيلها بالهدايه

وحي .... الله يعينج

[وحي القلم]

خطاب

شكرا =)

.
.

اسهر معي ليله

أقدر أفهم من ردك أني أرد عليها

لكنه الرد القوي صعب شوي .. يعني يمكن يكون الكلام قوي بمعناه مب بالاسلوب

و شكرا على >> ((أرد عليه واعامله بنفس الاسلوب)).. هالشي ما يا في بالي قبل

.
.

حلم الطفوله

لا و الله هالبنت علاقتي بها سطحية.. ندرس ويا بعض بس مب أكثر

عشان جيه مب عارفه شسوي خصوصا أني ما احتكيت بها

و الحل اللى عطيتيني اياه زين بس ماظني له تأثير دامنه علاقتنا سطحيه

مادري ليش من شفتها ما ارتحت لها.. أحس شي عندها يخليها تكون جيه ..!

[مجموعة إنسان]

هههههه

اسلووب الشوارع ما ينفع معاه غير اسلوب الشوارع
اعرف لهم هذيل

[وحي القلم]

.. شو هالحل المثالي؟!!

[مجموعة إنسان]

المشكله يبيلهم واحد ما يستحي ( مب نفسي هع )

حلو يوم الواحد يثبت نفسه بس طبعا مب بهذا الأسلوب المفلس !!

يعني في واحد يبي يسوي نفسه هو المصخرجي والقريض وهو الصايع ومن هالسوالف
هذييل يبيلهم واااااحد لسااانه زفر وما يستحي وجذي
سوري يعني ,, بس تراا انتي ما تعرفين ردة الفعل لو كلمتيها باسلوب محترم يمكن بتقل ادبها وترد عليج بكلمه تضايقج

بس انا عن نفسي لو واحد جدامي جذي ارد عليه بنفس الأسلوووب
ساعتها بيندم !!!

نفس لو واااحد شايف نفسه وخقاااق .. اشوف نفسي عليييه واخق واتفشخر لين يحس نفسه إمعه !! هههههه

[وحي القلم]

يعني أتم ساكته إذا جيه السالفه

[الهيثــم]

وانكري هالشي فـ قلبج وكان الله غفورا رحيما ..

ولا إنج تنزلين مستواج وتطلع منج ألفاظ ما تليق مقامج جدام البنات ، وتفتحين لها باب إنها تعق عليج من هالرمسة ..

وترا في النهايـة حطي شي واحد في بالج ..

الكلمة لو ما ظهرت منج تراج تملكينها وإذا ظهرت صارت ملك غيرج ..

لذلك ما يسوى عليج إنج تحطين حالج من حال هالأشكال ...

[وحي القلم]

شكلي بسوي جيه .. الله يكون فالعون.. المشكله أنها ويايه في كمن ماده مب مادة وحده بس XS

[شوق القلوب]

السلام عليكم..

فاهمه احســاسج .. و ضيقج منها..

بس عشان ما اتحبين حد يطري هالكلام الشين في المكان اللي تتواجدين فيه.. اتحسين بضيقه بصدرج..

و ودج لو الحال ينصلح.. عشان ترتاحين.. لانه طروى الناس مب لعبه.. و في ناس عافان الله ما اتحشم و لا اتحس..

..

احس هالنوعيه من الناس ما ينصلحون بنقاش واحد... ولا يحسون اذا عاملتيهم بالمثل..

بس نصيحه.. لا اتعاملينها بمثل اسلوبها.. و اتذكري.. عامل الناس مثلما تحب ان تُعامل.. فخليج ارفع من هالمستوى اللي هي حاطه عمرها فيه..

مع احترامي لآراء الشباب.. الرياييل يتقفطون و يسكتون بسرعه.. بس البنات.. أعوذ بالله .. محد يسلم من لسنتهم.. و بطلعلج مليون خربوطه بتقهرج فيهم زياده..

اسكتي عنها .. و اطلعي متى ما حسيتي انه كلامها يضايق.. ولو مثلا صار موقف و كنت موجوده.. اتكلمي .. وقولي موقف.. كلمه.. اي شي.. المهم يبين انها غلطانه بس بأسلوب مب مباشر.. وجاااان هي لبيبه.. بتفهم !!!

بس لا تعطينها فرصه.. تغلط عليج

[مزايا]

ليش ما تحاولين تكلمينها ؟! يعني بينج وبينها ؟
صدقيني المعامله الزينه والاسلوب الحلو إييب نتيجه ، على الاقل بتعرفين ليش جي تسوي ..

[العجيبة]

دام ان العلاقة علاقة دراسة بس ... انتي مش ملزومة تعرفينها او تتواصلين وياها او تيلسين معاها


في نظري زمالة الدراسة والعمل ... أسوأ انواع العلاقات ... مجرّد مصلحة تضر الواحد اكثر من انها تنفعه ..


والله يعينج على هيك ناس

[ايه احبك]

دامه الموضوع ما بيتم حق اكثر من يومين قلت ادش واستوي الدكتوره فوزية الدريع لوهله لووول XP
حبيبتي وعزيزتي وعيوني وبنتي وحيونه
انا مادخلت في جي سجوشين مادري يمكن دخلت او جربت
بس اعرف تصرفي اذا حد غريب ما عرفه ولا يخصني فيه اتم ساكته لنه في العمر محد ياهل او صغير عسب يتعلم هذا عيب وهذا غلط فالحل هو انه نسكت عن هالاشخاص خاصه انها ترمس على خلق الله صدقها شوق القلوب اذا الاولاد يسكتون البنات ما يسكتون
--
ما حبيت بقيت الر جان امسحه وحيووه سوررري