المنصوري

اول شي نسيت اهنيكم على الجايزة الي فزتوا فيها
قريت اسمك في الجريدة و سبحان الله الشيطان نساني الموضوع على ربشة العيد

تستاهلون ;)

-------------------

الكاميرات الصغيره يسمونها point and shoot
و هي كاميرات بامكانيات بسيطة تنفع للرحلات و للتصوير العائلي
يعني تقريبا مثل التيلفون بس متطورة اكثر و صورها اكبر و نقاوتها عالية جدا مقارنة بالتيلفون و الاسعار للنوعيات الجيدة ما بين 900-2000 درهم

الكاميرات الاحترافية هي كاميرات متطورة فيها سنسرات باحجام كبيره و عدسات قابلة للتبديل عشان تختار العدسة المناسبة لأنواع التصوير المختلفة

طبعا هالكاميرات تجي مع عدسة اساسية و بعدين تقدر تبدل العدسات على حسب ميولك،، يعني للتصوير المعماري عدسات معينه و لتصوير الحياة البرية و الحيوانات عدسات خاصة

الكاميرات الاحترافية يبدأ سعرها من 3500 للكاميرا مع عدستها الاصلية و بعدين بتاخذ عدسات بناء على متطلباتك الخاصة


بالمختصر

الكاميرات الاحترافية " يسمونها SLR " خذها اذا ناوي تتعلم التصوير كـ تصوير و تبغي تبدع في التصوير
كاميرات بوينت اند شوت مسوايه حق الي يبغي كاميرا صغيره تكون دايما معاه عشان ما يفوت اي لقطات

طبعا البوينت اند شوت صورها حلوة و نقية لكن ال اس ال ار صورها احلى لكن يعيبها الحجم الكبير