السلام عليكم

منو منا مايمر بضيج وحزن وهم، الله يبعد عنكم كل هم وغم ومصيبه، ولابد الانسان يبتلي في حياته،، ونلجأ لفلان عسب نفضفض

عنده، ندور على حل من خلال دخولنا عالم النت، نستير جريب صديق ... الخ

ادعية واردة عن رسول الله صلى الله عليه وسلم وغيره، آيات وسور من القرآن .. نمر عليها مرور الكرام بدون مانفكر

بها، ماتكلفنا شي ....

طبعا الاخت سكون من فترة طرحت موضوع عن الاستغفار ....

يمكن بتقرون المكتوب بس اغلبكم بيكون عارف اللي يقراه واللي يحتفظ بكتيبات وأوراق ومواقع اذكار ...

وهنيه حبينا نخلي موضوع منفصل عن السر العجيب بقيام الليل، الاستغفار، الدعاء، قراءة سورة البقرة والصلاة على النبي

صلى الله عليه وسلم

جربوا لو حد عنده مشكلة، هم وضيج، تشتكون من شي يؤلمكم ...

تقومون الليل تطلبون الله اللي في خاطركم،

الاستغفار ... حاولوا تستغفرون قد ماتقدرون، يعني وانتوا يالسين حتى لو بأصابع اليد مب شرط مسباح .....

والمسباح عدد حباته 99 لو تلفون 5 مرات يعني بتستغفرون جريب 500 مره

تحسون واااااااااايد بس هو لا مب وااايد ... وإن شاء الله بتتعودون ...

وفي أدعية نسأل الله ..... فيها وسورة البقرة ممكن تشغلونها تبعد الشيطان وتحل المشاكل ... وشي آيات السكينه

والصدقة لها أثر كذلك .. وانتوا خاطفين الصبح، لو تعطون عامل النظافه في الطريج شي زين ... يدفع البلاء عنكم ..

.............

هل مريتوا بتجارب من استغفار أو قراءة سورة البقرة ولها أثر ؟؟؟ سمعتوا عن تجربة من ناس ..... ؟؟؟ تقدرون تعرضون

الموقف عسب الكل يستفيد ....